ປັດຈຸບັນການຈອດລົດຊະຊາຍ, ບໍ່ໃສ່ໝວກກັນກະທົບແລະ
ການບໍ່ປະ ຕິບັດລະບຽບຈະລາຈອນຂອງນັກຂີ່ຍັງມີໃຫ້ເຫັນເປັນຈຳນວນບໍ່ຫນ້ອຍຢູ່ເຂດຕົວເມືອງ
ເຖິງວ່າຈະມີຂໍ້ຫ້າມ ແລະ ກົດລະບຽບຕ່າງໆໄວ້ແລ້ວ,ແຕ່ຜູ້ຂັບຂີ່ເຫລົ່ານັ້ນກໍຍັງຝ່າຝືນ
ແລະ ເພື່ອເປັນການແກ້ໄຂບັນຫານີ້ໃຫ້ມີປະສິດ ທິຜົນນັ້ນ,ເຈົ້າໜ້າທີ່ຕຳຫຼວດຈະລາຈອນ ກໍເພີ່ມທະວີການກວ ກາທາງ ຫຼວງ ໂດຍອອກຕັ້ງຈຸດກວດກາ ແລະໂຄສະນາຕາມສາຍທາງເພື່ອເຕືອນໃຫ້ນັກຂັບຂີ່ໄດ້ເອົາໃຈໃສ່ປະຕິບັດກົດລະ
ບຽບດັ່ງກ່າວໃຫ້ຫລາຍຂຶ້ນແນໃສ່ ຫຼຸດຜ່ອນອຸປະຕິເຫດ ແລະ ການຂັບຂີ່ທີ່ປອດໄພບົນທ້ອງຖະໜົນຫຼັງພົບວ່າສະພາບອຸປະຕິເຫດນັບມື້ເພີ່ມຂຶ້ນ.
ເຈົ້າໜ້າທີ່ຈະລາຈອນ ນະຄອນຫຼວງວຽງຈັນ
ກ່າວວ່າ: ຜ່ານມາ ເຖິງວ່າສະພາບການສັນ ຈອນຕາມທ້ອງຖະໜົນມີ ຄວາມຄ່ອງໂຕຫຼາຍຂື້ນພາຍຫຼັງເສັ້ນທາງຫລາຍສາຍໄດ້ຮັບການກໍ່ສ້າງ
ແລະ ປັບປຸງດີຂຶ້ນ ແລະ ມີຄວາມສະດວກສະບາຍກວ່າເກົ່າ, ແຕ່ຍັງມີຜູ້ຂັບຂີ່ຈຳນວນໜຶ່ງ
ຖືເບົາຕໍ່ການປະຕິບັດລະບຽບຈະ ລຈອນເປັນຕົ້ນຂັບຂີ່ລົດໄວ, ຂີ່ລົດເປັນພຶງເປັນແພລ່ວງລະເມີດປ້າຍ
ຫ້າມປ້າຍເຕືອນຕ່າງໆເຮັດໃຫ້ມີການສັນຈອນສັບສົນແອອັດ ແລະ ເກີດອຸປະຕິເຫດຄືອາທິດຜ່ານມາ,ເຈົ້າໜ້າທີ່ຕຳຫຼວດຈະລາຈອນນະຄອນຫຼວງວຽງຈັນ
ກໍໄດ້ລົງກວດກາຕາມສາຍທາງຫຼວງ ແລະ ໄດ້ກວດພົບເຫັນຜູ້ລະເມີດລະບຽບ ການສັນຈອນກວ່າ
500 ຄົນ, ຍິງ 186 ຄົນ ແລະ ກໍໄດ້ມີການຕັກເຕືອນສຶກສາອົບຮົມ ພ້ອມປັບໃຫມຜູ້ລ່ວງລະເມີດກົດລະບຽບດັ່ງກ່າວເພື່ອຄວາມເຂັດຫລາບ.ເຈົ້າໜ້າທີ່ຈະລາຈອນ
ນະຄອນຫຼວງວຽງຈັນ ຍັງໃຫ້ຮູ້ວ່າ: ຜູ້ລະເມີດກົດລະບຽບ ຈະລາຈອນສ່ວນຫລາຍແມ່ນຜູ້ຂັບຂີ່ບໍ່ໃສ່ໝວກກັນກະທົບ,ບໍ່ມີໃບອະນຸ
ຍາດໃນການຂັບຂີ່,ບໍ່ມີໃບກວດ ສະພາບເຕັກນິກລົດ ແລະ ໃບເສຍຄ່າທາງ ຊຶ່ງເປັນປາກົດການຫຍໍ້ທໍ້ຫນຶ່ງ.
ຕໍ່ບັນຫານີ້ ມີຫລາຍຄົນໃຫ້ທັດສະນະວ່າ:ເຈົ້າໜ້າທີ່ຄວນຈະເພີ່ມາດຕະການເດັດຂາດຕໍ່ຜູ້ທີ່ຝ່າຝືນກົດລະບຽບ
ຖ້າພົບເຫັນກໍຄວນປັບໃໝ ແລະ ຕັກເຕືອນ ຢ່າງຈິງຈັງ,ຂະນະດຽວກັນກໍຕ້ອງເພີ່ມທະວີການໂຄສະນາໃຫ້ປະຊາຊົນໄດ້ຮຽນຮູ້ການຂັບຂີ່ທີ່ປອດໄພ
ເພື່ອເປັນການເຕືອນສະ ຕິ ໃຫ້ສັງຄົມມີຄວາມຕື່ນໂຕຮ່ວມ ກັນປະຕິບັດລະບຽບກົດຫມາຍ
ເພື່ອທີ່ເຮັດໃຫ້ສັງຄົມມີຄວາມເປັນລະບຽບຮຽບຮ້ອຍ ແລະ ສະ ຫງົບປອດໄພ.
No comments:
Post a Comment