ສະຫະພາບເອີຣົບ ຫລື ອີຢູ ໄດ້ສືບຕໍ່ໃຫ້ການສະໜັບສະໜູນວຽກງານສິດທິມະນຸດໃນລາວ
ໂດຍການອະນຸມັດງົບປະ ມານ 1,2 ລ້ານເອີໂຣ ເພື່ອໃຫ້ບັນດາອົງ ການຈັດຕັ້ງທີ່ບໍ່ຂຶ້ນກັບລັດຖະ
ບານ ຫລື ອົງການທີ່ບໍ່ຫວັງຜົນກຳໄລຂຽນບົດສະເໜີໂຄງການກິດຈະກຳທີ່ເປັນການປະກອບ
ສ່ວນເຂົ້າໃນການຫລຸດຜ່ອນຄວາມທຸກຍາກ ແລະ ສົ່ງເສີມສິດທິມະນຸດຢູ່ລາວ.
ສຳນັກງານຜູ້ຕາງໜ້າສະຫະ ພາບເອີຣົບປະຈຳລາວ
ໃຫ້ຮູ້ວ່າ: ການສະໜັບສະໜູນທຶນດັ່ງກ່າວແມ່ນການຊ່ວຍເຫລືອໃນແຜນງານລິເລີ່ມຂອງສະຫະພາບເອີ
ຣົບ ເພື່ອສົ່ງເສີມປະຊາທິປະໄຕ ແລະ ສິດທິມະນຸດ (EIDHR) ມີເປົ້າໝາຍຍົກສູງບົດບາດ
ແລະ ຄວາມສາມາດຂອງອົງການຈັດ ຕັ້ງທາງສັງຄົມ ໂດຍສະເພາະແມ່ນອົງການຈັດຕັ້ງທາງສັງຄົມຂອງລາວທີ່ໄດ້ສ້າງຕັ້ງຂຶ້ນໃໝ່
ເພື່ອຊຸກຍູ້ໃຫ້ມີສ່ວນຮ່ວມໃນການເປັນຕົວແທນ ແລະ ສິດທາງດ້ານກົດໝາຍຂອງປະຊາຊົນລາວ
ໂດຍສະເພາະແມ່ນກຸ່ມຄົນຜູ້ດ້ອຍໂອກາດ, ສົ່ງເສີມກິດຈະກຳຂອງບັນດາອົງການຈັດຕັ້ງທາງສັງຄົມລະດັບທ້ອງຖິ່ນ
ແລະ ປັບປຸງຄວາມຮັບຮູ້ກ່ຽວກັບສິດຂັ້ນພື້ນ ຖານໃນລາວ ແລະ ກ້າວສູ່ການຫລຸດຜ່ອນຄວາມທຸກຍາກຂອງປະຊາຊົນເທື່ອລະກ້າວ.
ສຳລັບນິຕິບຸກຄົນທີ່ມີສິດສະເໜີຂໍທຶນປະຕິບັດໂຄງການໃນແຜນງານນີ້
ແມ່ນອົງການທີ່ບໍ່ຫວັງຜົນກຳໄລ, ອົງການຈັດຕັ້ງຂັ້ນຊຸມຊົນ, ສຳນັກງານ, ສະຖາບັນ
ແລະ ອົງການຈັດຕັ້ງລັດ ແລະ ເອກະຊົນທີ່ເຄື່ອນໄຫວກິດຈະກຳທີ່ບໍ່ຫວັງຜົນກຳໄລໃນລະດັບທ້ອງຖິ່ນ,
ລະດັບຊາດ, ພາກພື້ນ ແລະ ສາກົນ.
ສະຫະພາບເອີຣົບ ໃຫ້ຮູ້ວ່າ: ແຕ່ປີ
2006 ເປັນຕົ້ນມາ,ແຜນງານ ດັ່ງກ່າວໄດ້ໃຫ້ການຊ່ວຍເຫລືອເຖິງ 20 ໂຄງການໃນລາວ
ເພື່ອຈັດຕັ້ງປະຕິບັດແກ້ໄຂບັນຫາສິດ ທິເດັກ, ແມ່ຍິງ, ຄົນພິການໃນການເຂົ້າເຖິງອາຫານ,
ຂໍ້ມູນຂ່າວ ສານກ່ຽວກັບຄວາມຍຸຕິທຳຕ່າງໆ.
No comments:
Post a Comment