ໃນວັນທີ 8 ມິຖຸນານີ້,ທ່ານພັນເອກ ສີພັນດອນ
ຫວ່າງປົວຊົງ ຫົວໜ້າຄະນະບັນນາທິການຂ່າວ ສານ ປກສ ໄດ້ຖະແຫລງຂ່າວຕໍ່ສື່ມວນຊົນກ່ຽວກັບການປັບປຸງໜັງສືພິມຄວາມສະຫງົບຈາກລາຍອາ
ທິດມາເປັນລາຍວັນ ໂດຍມີຄະນະບັນນາທິການຂ່າວສານ ປກສ,ພະ ນັກງານໜັງສືພິມເຂົ້າຮ່ວມ.
ທ່ານພັນເອກ ສີພັນດອນ ກ່າວ ວ່າ:ໜັງສືພິມຄວາມສະຫງົບສ້າງຕັ້ງຂຶ້ນໃນວັນທີ
12 ຕຸລາ 1997. ນັບແຕ່ນັ້ນມາໜັງສືພິມຄວາມສະ ຫງົບໄດ້ຮັບການປັບປຸງ ແລະ ພັດ ທະນາຕົນເອງທາງດ້ານເນື້ອໃນ,
ຮູບແບບ ແລະ ສີສັນຢ່າງຕໍ່ເນື່ອງ ບືນຂຶ້ນພັດທະນາຕົນເອງຕາມບາດກ້າວການຂະຫຍາຍຕົວຈາກ
ລາຍເດືອນກ້າວເປັນລາຍປັກ (15ວັນ)ໃນວັນທີ 1 ມັງກອນ 2005 ແລະ ປ່ຽນເປັນລາຍອາທິດໃນວັນທີ 12 ຕຸລາ
2007 .ທັງນີ້ກໍເພື່ອຕອບສະໜອງກັບຄວາມຮຽກຮ້ອງຕ້ອງການໃນການຮັບ ໃຊ້ໜ້າທີ່ການເມືອງຂອງພັກກໍຄືວຽກງານຖະແຫລງຂ່າວໃນກຳລັງ
ປກສໃຫ້ທັນສະໄໝເທື່ອລະກ້າວ. ຕະຫລອດໄລຍະຜ່ານມາ,ໜັງສືພິມຄວາມສະຫງົບ ໄດ້ເຮັດໜ້າທີ່ເປັນກະບອກສຽງຂອງກຳລັງ
ປກສ ໃນການໂຄສະນາເຜີຍແຜ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ,ແນວທາງປ້ອງກັນຊາດປ້ອງກັນຄວາມສະຫງົບ
ໄດ້ຢ່າງ
ເລິກເຊິ່ງ ແລະ ກວ້າງຂວາງ ພ້ອມດຽວກັນນັ້ນກໍຕອບຕ້ານຖ້ອຍທຳນອງໂຄ
ສະນາໃສ່ຮ່າຍປ້າຍສີຂອງພວກຄົນບໍ່ດີ,ອິດທິກຳລັງປໍລະປັກໃສ່ຮ້າຍປ້າຍສີແນວ
ທາງນະໂຍບາຍຂອງພັກ,ເລ່ລ່ຽມກົນອຸບາຍຂອງພວກຕ້ອງໂທດ,ຕຳນິວິຈານປາ ກົດການຫຍໍ້ທໍ້ໃນສັງຄົມເພື່ອເຕືອນສະຕິລະວັງຕົວຂອງຄົນໃນ
ສັງຄົມຢ່າງກວ້າງຂວາງ ແນໃສ່ສະກັດກັ້ນບັນຫາຕ່າງໆທີ່ອາດເກີດຂຶ້ນໄດ້ຢ່າງທັນການເຮັດໃຫ້ປະເທດຊາດມີຄວາມສະຫງົບທາງການເມືອງ
ແລະ ສັງຄົມມີຄວາມເປັນລະບຽບຮຽບຮ້ອຍ.
ໜັງສືພິມຄວາມສະຫງົບລາຍວັນ ໄດ້ຈັດວາງບັນດາຄໍລຳ
ຄື ສະຖານະການປະຈຳວັນ,ພັດທະ ນາກຳລັງ ປກສ,ວຽກຈິງຄົນແທ້,ເລື່ອງສ້ັນ,ກາບກອນ,ສັງຄົມວິ
ຈານ,ກົດໝາຍ,ສ້ຽນສັງຄົມ,ຂອບຖະໜົນ,ຮອບໂລກກິລາ,ຄະດີຕ່າງ ແດນ,ຮູ້ໄວ້ໄດ້ປະໂຫຍດ,ຂ່າວ
ຕ່າງປະເທດ ແລະ ໂຄສະນາສິນ ຄ້າຈຳນວນໜຶ່ງ,ປ່ຽນຂະໜາດ ຂະໜາດໜັງສືພີມຈາກ 27x39 ຊັງຕີແມັດ
ມາເປັນຂະໜາດ 37x53 ຊັງຕີແມັດ ເພື່ອຮັບປະກັນການພິມຈຳໜ່າຍໃຫ້ທ່ວງທັນກຳ ນົດເວລາໃນເບື້ອງຕົ້ນ
ຈະຫລຸດໜ້າໜັງສືພິມຈາກລາຍອາທິດ 20 ໜ້ານ້ອຍໃຫ້ເປັນ 12 ໜ້າໃຫຍ່, ສ່ວນສີສັນ
ແລະ ບໍລິມາດ ແມ່ນຈະຮັກສາໄວ້ຄືເກົ່າ
ເຊັ່ນ: ສອດສີດ້ານໜ້າ ແລະ ຫລັງປົກ,ພິມໃຫ້ສະເພາະກຳລັງ ປກສ ຈຳນວນ 1.000 ສະບັບ
ແລະ ຈຳໜ່າຍເປີດກວ້າງສູ່ສັງຄົມຕື່ມອີກ.
No comments:
Post a Comment