ບໍລິສັດ MMG ລ້ານຊ້າງ ມີເນໂຣນສ໌ ລິມິເຕັດ
ບໍ່ຄຳເຊໂປນ (MMG LXML Sepon) ເຊິ່ງແມ່ນບໍລິສັດຂຸດຄົ້ນ ແລະ ຜະລິດແຮ່ຄຳ-ທອງ
ຢູ່ເມືອງວິລະບູລີ ແຂວງສະຫວັນນະເຂດ, ໃນບໍ່ດົນມານີ້ ໄດ້ຈັດກອງປະຊຸມປຶກສາຫາລືກ່ຽວກັບການບໍລິຫານຄຸ້ມຄອງຄຸນນະພາບນ້ຳ
ແລະ ສິ່ງແວດລ້ອມກັບຕົວແທນຂອງຊຸມຊົນ ແລະ ລັດຖະບານຢູ່ເມືອງວິ ລະ ບູລີ ແຂວງສະຫວັນນະເຂດ.
ກອງປະຊຸມດັ່ງກ່າວໄດ້ເປີດໂອກາດໃຫ້ຜູ້ມີສ່ວນຮ່ວມໄດ້ແລກປ່ຽນຄຳຄິດເຫັນນຳກັນກ່ຽວກັບການບໍລິຫານຄຸ້ມຄອງນ້ຳ
ແລະ ສານເຄມີ ໄດ້ຖືກຄັດເລືອກໃຫ້ເປັນຫົວຂໍ້ສຳລັບການສົນທະນາ ຍ້ອນເຫັນວ່າເປັນບັນ
ຫາທີ່ໄດ້ຖືກຍົກຂຶ້ນໃນການສຳຫລວດຄວາມຄິດເຫັນຂອງພະ ນັກງານ ແລະ ການສຳຫລວດຄອບຄົວໃນຄຸ້ມບ້ານອ້ອມຂ້າງບໍ່ແຮ່.
ບໍ່ຄຳ-ທອງເຊໂປນ ມີຄວາມ ມຸ່ງໝັ້ນທີ່ໜັກແໜ້ນຕໍ່ການປະຕິ
ບັດ ແລະ ຮັກສາບັນດາມາດຕະ ຖານສິ່ງແວດລ້ອມທີ່ສູງພ້ອມທັງເປັນຕົວຢ່າງທີ່ດີເລີດໃຫ້ແກ່ການດຳເນີນໂຄງການອຸດສາຫະກຳອື່ນໆໃນ
ສປປ ລາວ. ພະນັກງານອາວຸໂສ ແລະ ຕົວແທນຂອງຊາວບ້ານໄດ້ປະກອບຄຳເຫັນທາງບວກກ່ຽວກັບຂະໜາດຂອງການພັດທະນາໃນເຂດບໍລິເວນອ້ອມຂ້າງໂຄງການຂຸດຄົ້ນແຮ່ຄຳ-
ທອງເຊໂປນນັບແຕ່ປີ 1993 ເປັນຕົ້ນມາ.
“ຂັ້ນຕອນການບໍລິຫານຄຸ້ມຄອງສິ່ງແວດລ້ອມທີ່ບໍ່ຄຳ-ທອງເຊໂປນໄດ້ຖືກກວດສອບໂດຍອົງການກວດສອບເອກະ
ລາດ ແລະ ໄດ້ຖືກຮັບຮອງວ່າຖືກຕ້ອງຕາມມາດຕະຖານສາກົນສຳລັບລະບົບການບໍລິຫານຄຸ້ມຄອງສິ່ງແວດລ້ອມ
ISO 14.001” ທ່ານ ຣິກ ວັດສ໌ຝອດ ຜູ້ຈັດການໃຫຍ່ຂອງ MMG LXML Sepon ກ່າວວ່າ: “ບໍ່ຄຳ-ທອງເຊໂປນ
ໄດ້ປະຕິບັດໜ້າທີ່ຢ່າງຖືກຕ້ອງແທດເໝາະກັບລະບົບການກວດສອບຄຸນນະພາບນ້ຳທີ່ເຂັ້ມງວດ
ພ້ອມທັງຮ່ວມມືຢ່າງໃກ້ຊິດກັບກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ
ເພື່ອຮັບປະ ກັນໃຫ້ການປະຕິບັດໜ້າທີ່ແທດ ເໝາະກັບກົດລະບຽບທີ່ວາງ ອອກ”.
ທຸກໆເຫດການຂອງສິ່ງແວດລ້ອມທີ່ເກີດຂຶ້ນແມ່ນໄດ້ຖືກລາຍງານໃຫ້ຊາວບ້ານ
ແລະ ບັນດາພາກສ່ວນລັດຖະບານທີ່ກ່ຽວ ຂ້ອງເພີ່ມຕື່ມໃສ່ການລາຍງານເປັນທາງການປະຈຳເດືອນກ່ຽວກັບການຟື້ນຟູສະພາບແວດລ້ອມ
ແລະ ບັນຫາອື່ນໆກ່ຽວກັບການບໍລິຫານຄຸ້ມຄອງນ້ຳ ແລະ ສິ່ງແວດລ້ອມ.ຜູ້ເຂົ້າຮ່ວມກອງປະຊຸມໄດ້ເນັ້ນໃສ່ຄວາມສຳຄັນຂອງການຮ່ວມມືຢ່າງໃກ້
ຊິດລະຫວ່າງບັນດາຜູ້ມີສ່ວນຮ່ວມພາກສ່ວນອຸດສາຫະກຳ,ປະຊາ ຊົນທ້ອງຖິ່ນ ແລະ ພາກສ່ວນລັດຖະບານທີ່ກ່ຽວຂ້ອງຕໍ່ບັນຫາສິ່ງແວດລ້ອມ
ແລະການບໍລິຫານ ສິ່ງເສດເຫລືອ,ແຜນການອັດບໍ່, ການຊົດເຊີຍ,ສຸຂະພາບ ແລະ ຊີວິດການເປັນຢູ່
ແລະ ການຕິດ ຕາມກວດກາຄຸນນະພາບນ້ຳ.ບັນ ຫາເຫລົ່ານີ້ມັນຮຽກຮ້ອງເຖິງການຮ່ວມມືຢ່າງຈິງຈັງຈາກບັນ
ດາຜູ້ມີສ່ວນຮ່ວມທັງໝົດ.
No comments:
Post a Comment