laophatthananewspaper: ການບັນລຸເປົ້າຫມາຍສະຫັດສະວັດໃນຂະແຫນງສຶກສາຍັງເປັນສິ່ງທ້າທາຍ

ເປົ້າໝາຍສະຫັດສະວັດດ້ານການພັດທະນາ ທີ່ນອນຢູ່ໃນຂະແໜງສຶກສາທິການມີສອງ ເປົ້າໝາຍຄື: ຮອດປີ 2015 ໃຫ້ທຸກຄົນໄດ້ຮັບການສຶກສາຊັ້ນປະຖົມຢ່າງທົ່ວເຖິງ ແລະ ເປົ້າ ໝາຍສົ່ງເສີມບົດບາດຍິງ-ຊາຍ ແລະ ສ້າງຄວາມເຂັ້ມແຂງໃຫ້ແກ່ແມ່ຍິງ, ອັດຕາສ່ວນໄດ້ຮັບການສຶກສາລະຫວ່າງຍິງ-ຊາຍ ຕ້ອງສະເໝີພາບກັນ. ໃນສະພາບປັດຈຸບັນການຈັດຕັ້ງປະຕິບັດສອງເປົ້າໝາຍດັ່ງກ່າວ ຍັງເປັນສິ່ງທ້າທາຍຂອງຂະແໜງສຶກສາທິ ການ ແລະ ຫລາຍພາກສ່ວນ ໄດ້ໃຫ້ຄວາມສຳຄັນ ແລະ ເປັນຫ່ວງເປັນໃຍ ຕໍ່ກັບບັນຫາດັ່ງກ່າວ ໂດຍສະເພາະໃນໄລຍະດຳເນີນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VII ໃນວັນທີ 11 ກໍລະກົດ 2013 ບັນດາສະມາຊິກສະພາແຫ່ງຊາດ ໄດ້ມີຂໍ້ຊັກຖາມວ່າ: ກະຊວງສຶກ ສາທິການ ແລະ ກິລາ ໄດ້ມີມາດຕະການ ແລະ ວິທີການແນວໃດ ເພື່ອຈະໃຫ້ບັນລຸຕາມເປົ້າໝາຍດັ່ງກ່າວ.

ທ່ານ ພັນຄຳ ວິພາວັນ ລັດຖະມົນຕີວ່າການກະຊວງສຶກສາທິການ ແລະ ກິລາ ໄດ້ອະ ທິບາຍ ແລະ ໃຫ້ຄວາມກະ ຈ່າງແຈ້ງຕໍ່ຂໍ້ຊັກຖາມດັ່ງກ່າວວ່າ: ກະຊວງສຶກສາທິການ ແລະ ກິລາ ໄດ້ມີມາດຕະການທີ່ຈະສືບຕໍ່ປັບ ປຸງ ແລະ ຂະຫຍາຍໂຮງຮຽນລ້ຽງເດັກ, ໂຮງຮຽນອະນຸບານ, ຫ້ອງກຽມປະຖົມ, ໂຮງຮຽນປະ ຖົມ, ໂຮງຮຽນມັດທະຍົມຕອນຕົ້ນ ແລະ ສູນການສຶກສາຊຸມຊົນ ໄປສູ່ເຂດທີ່ບໍ່ທັນມີ ໂດຍສະເພາະແມ່ນເຂດຈຸດສຸມ
ພັດທະນາ ໃຫ້ຕິດພັນກັບເຂດເປົ້າໝາຍສາມສ້າງພ້ອມທັງສະໜອງອຸປະກອນການຮຽນ-ການສອນ ໃຫ້ແທດເໝາະກັບຄວາມຕ້ອງການຂອງຜູ້ຮຽນໂດຍສະເພາະແມ່ນເດັກນ້ອຍທີ່ມີຄວາມຕ້ອງການ, ພິເສດແມ່ນເດັກຍິງ, ເດັກຢູ່ເຂດຊົນນະ ບົດຫ່າງໄກສອກຫລີກ. ສະໜອງຄູທັງປະລິມານ ທັງປັບປຸງຄຸນນະ ພາບຂອງຄູໃຫ້ພຽງພໍກັບຄວາມຕ້ອງການຂອງແຕ່ລະໂຮງຮຽນແຕ່ລະທ້ອງຖິ່ນດ້ວຍວິທີການສືບຕໍ່ສັບຊ້ອນຄືນບ່ອນປະຈຳ ການຂອງຄູສອນ ໃຫ້ສອດ ຄ່ອງຕາມອັດຕາສ່ວນຂອງນັກ ຮຽນ ແລະ ຄັດເລືອກຄົນມາຮຽນສ້າງຄູຕາມນະໂຍບາຍທີ່ມີແລ້ວໃຫ້ເຂັ້ມງວດ; ສືບຕໍ່ປັບປຸງ

ແກ້ໄຂວິທີສິດສອດຂອງຄູ ດ້ວຍການເຝິກອົບຮົມຍົກລະດັບວິຊາຊີບຄູ, ວິທີການສອນ, ທິດສະດີການເມືອງ ໃນໄລະຍະພັກສົກຮຽນ, ສ້າງຄວາມເຂ້ັມແຂງໃຫ້ຜູ້ບໍລິ ຫານໂຮງຮຽນລະດັບຕ່າງໆ ດ້ວຍການເຝິກອົບຮົມການບໍລິ ຫານການສຶກສາ ແລະ ກິລາ ຢູ່ສະຖາບັນພັດທະນາການບໍລິ ຫານການສຶກສາ ( ຫລັກ 8 ນະ ຄອນຫລວງວຽງຈັນ). ຈັດຕັ້ງ ການສອນບຳລຸງນັກຮຽນທີ່ຮຽນອ່ອນໃນແຕ່ລະວິຊາຢ່າງມີແຜນ ການ, ຕາມລະບຽບການລວມ, ສືບຕໍ່ປະຕິບັດການເລື່ອນຂັ້ນແບບຕໍ່ເນື່ອງໃຫ້ທົ່ວເຖິງ ແລະ ຖືກຕ້ອງຕາມລະບຽບຫລັກການ, ຫັນໂຮງຮຽນມູນລະປະຖົມເປັນໂຮງຮຽນປະຖົມສົມບູນ ໂດຍນຳໃຊ້ການສອນແບບຫ້ອງດຽວ ແລະ ຫ້ອງຄວບ ເພື່ອໃຫ້ນັກຮຽນໄດ້ຮຽນຢູ່ໃກ້ບ້ານຄຽງຄູ່ກັບການຈັດຕ້ັງນະໂຍບາຍການສຶກ ສາຮຽນຮ່ວມ ແລະ ໃຫ້ໂອກາດ ການສຶກສາແກ່ທຸກຄົນ ເຊັ່ນ: ເດັກຊົນເຜົ່າ, ເພດຍິງ, ເດັກພິ ການ ເພື່ອປະຕິບັດສິດສະເໝີພາບ ແລະ ຄວາມຍຸຕິທຳທາງການສຶກ ສາ ໂດຍເລັ່ງໃສ່ໃຫ້ກຸ່ມເປ້ົາໝາຍເຫລົ່ານັ້ນ ໄດ້ມາຮຽນຢູ່ໂຮງ ຮຽນກິນນອນຊົນເຜົ່າຂອງເມືອງ, ຂອງແຂວງ ພ້ອມທັງສະ ໜອງທຶນການສຶກສາໃຫ້ເຂົາເຈົ້າ.

ພ້ອມນີ້, ທ່ານລັດຖະມົນຕີວ່າການກະຊວງສຶກສາທິການ ແລະ ກິລາ ຍັງຍົກໃຫ້ເຫັນການ ຈັດຕັ້ງປະຕິບັດ ແລະ ຂະ ຫຍາຍໂຄງການ ຢູ່ຂ້ັນທ້ອງຖິ່ນຮາກຖານການສຶກສາ ໂດຍສະເພາະແມ່ນໂຄງການອາຫານກາງເວັນ, ອາຫານເສີມໃນໂຮງຮຽນປະຖົມ, ໂຄງການສ້າງຫໍພັກຢູ່ໂຮງຮຽນໃຫ້ນັກຮຽນທີ່ຢູ່ຫ່າງໄກ ນັບທັງໂຮງຮຽນສາມັນກິນນອນຊົນເຜົ່າ ແລະ ໂຄງການອື່ນໆ ພ້ອມທັງຊຸກຍູ້ຕິດຕາມການປະຕິບັດໂຄງການເຫລົ່ານ້ັນໃຫ້ມີປະສິດທິຜົນ ແລະ ມີຄວາມ ໂປ່ງໄສ ໄປຄຽງຄູ່ກັບການສົ່ງເສີມການມີສ່ວນຮ່ວມ ແລະ ການເປັນເຈ້ົາການຂອງທຸກພາກສ່ວນໃນສັງຄົມເປັນຕ້ົນແມ່ນຄະນະພັດທະນາການສຶກສາຂ້ັນຕ່າງໆ, ອົງການຈັດຕ້ັງທາງສັງຄົມນັບທັງພາກລັດ ແລະ ເອກະຊົນ ເຂ້ົາໃນການປະຕິບັດເປົ້າໝາຍສະຫັດສະວັດດ້ານການພັດທະນາ ໂດຍສະເພາະແມ່ນການລະດົມຊຸກຍູ້ໃຫ້ເດັກນັກຮຽນໃນກຸ່ມເປົ້າໝາຍຕ່າງໆໄປເຂົ້າໂຮງຮຽນ.