ສະມາຊິກສະພາແຫ່ງຊາດຫລາຍທ່ານ ໄດ້ສະເໜີໃຫ້ລັດຖະ
ບານພິຈາລະນາຍົກເລີກໂຄງ ການຂຸດຄົ້ນແຮ່ທີ່ບໍ່ປະຕິບັດລະ ບຽບກົດໝາຍ, ຫລັງຈາກເຫັນວ່າໂຄງການເຫລົ່ານັ້ນສົ່ງຜົນກະທົບຕໍ່ສິ່ງແວດລ້ອມ
ແລະ ສັງຄົມ.
ໃນການປະກອບຄຳເຫັນຂອງສະມາຊິກສະພາແຫ່ງຊາດ
ໃສ່ແຜນພັດທະນາເສດຖະກິດ-ສັງ ຄົມກາງສະໄໝ 5 ປີ ຄັ້ງທີ VII ຂອງລັດຖະບານ,ໂດຍສ່ວນ
ຫລາຍຕີລາຄາເປັນເອກະພາບກັນວ່າ: ເສດຖະກິດຂອງປະເທດຍັງສືບຕໍ່ຂະຫຍາຍຕົວຢ່າງໝັ້ນ
ທ່ຽງໄປຕາມແຜນການກຳນົດໄວ້ ເຊິ່ງເປັນພື້ນຖານສຳຄັນໃນການຮັບປະກັນໃຫ້ສັງຄົມມີຄວາມສະ
ຫງົບ,ການພັດທະນາຊົນນະບົດ ແລະ ການແກ້ໄຂຄວາມທຸກຍາກຂອງປະຊາຊົນດີຂຶ້ນເທື່ອລະກ້າວ.
ແຕ່ແນວໃດກໍຕາມ, ເພື່ອຮັບປະ ກັນໃຫ້ຍຸດທະສາດການພັດທະນາໄປຕາມທິດຫັນເປັນອຸດສາຫະກຳ
ແລະ ທັນສະໄໝຕາມເປົ້າໝາຍກຳນົດໄວ້, ໂດຍສະເພາະຮັບປະ ກັນໃຫ້ສະຖຽນລະພາບເສດຖະ
ກິດມະຫາພາກມີການເຕີບໃຫຍ່ທີ່ມີຄຸນນະພາບໄປຕາມທິດການພັດ ທະນາທີ່ຍືນຍົງ,
ຕິດພັນກັບການຮັກສາວັດທະນະທຳ-ສັງຄົມ ແລະ ປົກປັກຮັກສາສິ່ງແວດລ້ອມ ດັ່ງ ນັ້ນ
ສະມາຊິກສະພາຈຶ່ງສະເໜີໃຫ້ລັດຖະ ບານເບິ່ງຄືນບາງໂຄງ ການຂຸດຄົ້ນບໍ່ແຮ່ທີ່ສົ່ງຜົນບໍ່ດີຕໍ່ສະພາບແວດລ້ອມ
ແລະ ຊີວິດການເປັນຢູ່ຂອງປະຊາຊົນຕ້ອງຊີ້ນຳໃຫ້ຂະແໜງການກ່ຽວຂ້ອງກວດກາ
ແລະ ມີມາດຕະການຢ່າງເຂັ້ມງວດໃນການຍົກເລີກບັນດາກິດຈະການທີ່ບໍ່ປະຕິບັດ ຕາມລະບຽບກົດໝາຍທີ່ກ່ຽວ
ຂ້ອງ,ເປັນຕົ້ນການຂຸດຄົ້ນແຮ່ທາດຂະໜາດນ້ອຍ ແລະ ແບບຫັດຖະກຳທີ່ນຳໃຊ້ສານເຄມີສົ່ງຜົນກະທົບຕໍ່ສິ່ງແວດລ້ອມ
ແລະ ສັງຄົມ ເຊິ່ງເປັນບັນຫາພົ້ນເດັ່ນຢູ່ຫລາຍທ້ອງຖິ່ນ. ຂະນະດຽວກັນ ກໍສະເໜີໃຫ້ລັດຖະບານຊີ້ນຳໃຫ້ພາກສ່ວນກ່ຽວຂ້ອງຄົ້ນຄວ້າສ້າງນິຕິກຳລຸ່ມກົດໝາຍກ່ຽວກັບການຂຸດຄົ້ນແຮ່ທາດຂະໜາດນ້ອຍ
ແລະ ແບບຫັດ ຖະກຳ ເພື່ອຮັບປະກັນໃຫ້ແກ່ການຄຸ້ມຄອງການຂຸດຄົ້ນແຮ່ທາດດັ່ງກ່າວມີປະສິດທິຜົນ
ແລະ ຫລີກເວັ້ນປາ ກົດການຫຍໍ້ທໍ້ຕ່າງໆຕາມມາ.
No comments:
Post a Comment