laophatthananewspaper: ການແກ້ໄຂບັນຫາມົ້ວສຸມຢາເສບຕິດຊາວຫນຸ່ມຍັງເປັນສິ່ງທ້າທາຍ

ເຈົ້າໜ້າທີ່ ປກສ ເມືອງຕ່າງໆ ຢູ່ນະຄອນຫຼວງວຽງຈັນ ພ້ອມເລັ່ງໃສ່ຮ່ວມກັນສະກັດກັ້ນ ບັນຫາຢາເສບຕິດ ດ້ວຍຫຼາຍຮູບແບບໂດຍສະເພາະແມ່ນເລັ່ງມ້າງ ກຸ່ມມົ້ວສຸມຢາເສບຕິດຕາມຕົວເມືອງ ແນ່ໃສ່ສ້າງ ໃຫ້ ນະຄອນ ຫຼວງວຽງຈັນ ມີຄວາມສະຫງົບ ແລະ ເປັນລະບຽບຮຽບຮ້ອຍ.

ຕາມການເປີດເຜີຍຂອງທາງເຈົ້າໜ້າທີ່ ປກສ ເມືອງ ຫາດຊາຍຟອງ ໃຫ້ຮູ້ວ່າ: ໃນວັນທີ 9 ກໍລະກົດ ນີ້ ປກສ ເມືອງຂອງຕົນ ໄດ້ລົງແກ້ໄຂເປົ້າໝາຍ ມົ້ວສຸມເສບຢາເສບຕິດ ຊຶ່ງກັກຕົວຜູ້ຕ້ອງຫາໄດ້ 4 ຄົນຄື: ທ້າວ ອານົງ ອາຍຸ 25 ປີ ຢູ່ບ້ານ ສາລາຄຳໃຕ້, ທ້າວ ວຽງມອນ ອາຍຸ 23 ປີ ຢູ່ບ້ານ ຈອມເພັດ, ທ້າວ ວຸດທະຈັກ ອາຍຸ 18 ປີ ຢູ່ບ້ານ ຈອມເພັດ ແລະ ທ້າວ ນີລັນດອນ ອາຍຸ 30 ປີ ຢູ່ບ້ານ ຫາດຊາຍຂາວ ເມືອງ ຫາດຊາຍຟອງ ນະຄອນຫຼວງ ວຽງຈັນ ພ້ອມຍຶດຂອງກາງຢາບ້າໄດ້ 50 ເມັດ ຊຶ່ງຜູ້ຕ້ອງຫາດັ່ງກ່າວພວມ ກຳລັງມົ້ວສຸມກັບສິ່ງເສບຕິດດັ່ງ ກ່າວ ແລະ ໃນວັນທີ 14 ກໍລະກົດ ນີ້ທາງເຈົ້າໜ້າທີ່ ປກສ ເມືອງ ຈັນ ທະບູລີ ໄດ້ລົງແກ້ໄຂເປົ້າໝາຍ ມົ້ວສຸມເສບຢາເສບຕິດ, ຢູ່ພື້ນທີ່ເມືອງຂອງຕົນ ແລະ ສາມາດກັກຕົວຜູ້ຕ້ອງຫາໄດ້ 5 ຄົນ ຄື: ທ້າວ ພົມພິທັກ ອາຍຸ 29 ປີ, ທ້າວ ອານົງ ອາຍຸ 19 ປີ ຢູ່ບ້ານ ຮ່ອງແຊງ, ທ້າວ ແສງທະນູສິນ ອາຍຸ 30 ປີ ຢູ່ບ້ານ ສະຫວ່າງ, ທ້າວ ອຳໄພວັນ ອາຍຸ 25 ປີ ຢູ່ບ້ານ ທົ່ງສາງນາງ ແລະ ທ້າວ ອາລຸນ ອາຍຸ 18 ປີ ຢູ່ບ້ານ ທົ່ງສ້າງນາງ ເມືອງ

ຈັນທະບູລີ ນະຄອນຫຼວງວຽງຈັນ ຊຶ່ງຜ່ານການສືບສວນ-ສອບສວນ ຂອງເຈົ້າໜ້າທີ່ພົບວ່າຜູ້ຕ້ອງຫາທັງ 5 ຄົນ ນີ້ມີການຕັ້ງກຸ່ມມົ້ວສຸມເສບຢາເສບຕິດຢູ່ເປັນປະຈຳ ແລະ ໃນນັ້ນມີ 2 ຄົນທີ່ມີພຶດຕິກຳຕິດຢາເສບຕິດຢ່າງຮຸນແຮງ, ທາງເຈົ້າໜ້າທີ່ເລັ່ງດຳເນີນຄະດີ ແລະ ສົ່ງເຂົ້າສູນບຳບັດຜູ້ຕິດຢາເສບຕິດແລ້ວ.

ປກສ ນະຄອນຫຼວງວຽງຈັນ ໃຫ້ຮູ້ວ່າ: ບັນຫາການມົ້ວສຸມຢາເສບຕິດ ຂອງກຸ່ມຊາວ ໜຸ່ມ ເປັນປະກົດການຫຍໍ້ທໍ້ໜຶ່ງພາໃຫ້ເກີດອາດຊະຍາກຳຕ່າງໆຄື: 6 ເດືອນຜ່ານມາ ມີລາຍຄະດີຢາເສບຕິດເກີດຂື້ນ 172 ເລື່ອງ, ເຈົ້າ ໜ້າທີ່ສາ ມາດກັກຕົວຜູ້ກະທຳຜິດມາດຳເນີນຄະດີໄດ້ 360 ຄົນ, ຍິງ 44 ຄົນ ຢຶດ ຂອງກາງຢ້າບ້າ 7 ແສນກ່ວາເມັດ, ຢາໄອ 5 ຖົງ, 2 ຫຼອດ, ຜົງຂາວ 2 ຖົງ, ອຸປະກອນເສບຢາ 3 ຊຸດ, ເຄື່ອງປ້ຳຢາ 1 ອັນ ແລະ ອຸປະກອນ ອື່ນໆອີກຈຳນວນໜຶ່ງ. ປກສ ນະຄອນຫຼວງວຽງຈັນ ກ່າວວ່າ: ວຽກງານສະກັດກັ້ນ ແລະ ປາບປາມຢາເສບຕິດ ນີ້ ແມ່ນໄດ້ເອົາໃຈໃສ່ເຮັດວຽກງານໂຄສະນາສຶກສາອົບຮົມໂດຍສົມ ທົບກັບ ປກສ ກຸ່ມບ້ານ ແລະ ອຳນາດການປົກຄອງດຳເນີນການ, ສຶກສາອົບຮົມ ແລະ ປຸກລະດົມຂົນຂວາຍປະຊາຊົນທຸກຊັ້ນຄົນປະກອບສ່ວນເຂົ້າໃນວຽກງານສະກັດກັ້ນ ແລະ ຕ້ານຢາເສບຕິດໃຫ້ມີປະສິດທິຜົນ

ໃນກອງປະຊຸມສະຸຫຼວຽກ ງານ 6 ເດືອນຕົ້ນປີ ຂອງກອງບັນ ຊາການ ປກສ ນະຄອນຫຼວງວຽງ ຈັນ ທີ່ຈັດຂື້ນເມື່ອບໍ່ດົນມານີ້ ໄດ້ຕີລາຄາວ່າ: ວຽກງານຢຸດທະສາດ ສະກັດກັ້ນ, ປາບປາມການຜະ ລິດ, ການຄ້າຂາຍ ແລະ ການນຳໃຊ້ຢາເສບຕິດ ຢູ່ນະຄອນຫຼວງວຽງຈັນເຖີງ ວ່າມີການສ້າງເປັນແຜນງານ, ໂຄງການ, ແຕ່ການຈັດ ຕັ້ງຜັນຂະຫຍາຍບໍ່ທັນໄດ້ດີ, ລວມທັງການເຮັດວຽກໂຄສະນາສຶກສາອົບຮົມ, ການສ້າງ ແລະ ຂະຫຍາຍຕາໜ່າງເກັບກຳຂ່າວວິຊາສະເພາະກໍຍັງເຮັດບໍ່ ທັນໄດ້, ພະນັກງານຈຳນວນໜຶ່ງຍັງຂາດຄວາມກະຕືລືລົ້ນ, ຂາດຄວາມບຸກ ບືນ ແລະ ມີການພົວພັນກັບກຸ່ມຄົນບໍ່ດີຊຶ່ງເປັນປະກົດການທີ່ຈະຕ້ອງເລັ່ງແກ້ໄຂ.