ເວລາ 13 ໂມງຂອງວັນທີ 21 ກໍລະກົດນີ້ ທີ່ວັດເທບນີມິດ (ທາດຝຸ່ນ) ນະ ຄອນຫລວງວຽງຈັນ ໄດ້ມີພິທີຊາປະນາກິດສົບ ສະຫາຍ ພົນຕີ ສັນຍາຮັກ ພົມວິຫານ ຂຶ້ນຢ່າງສົມກຽດ ໂດຍມີ ສະຫາຍ ຈູມມາລີ ໄຊຍະສອນ ເລ ຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ. ລາວ, ທ່ານ ທອງສິງ ທຳມະວົງ ນາ ຍົກລັດຖະມົນຕີແຫ່ງ ສປປ.ລາວ, ມີບັນດາກົມການເມືອງສູນກາງພັກ, ກຳມະການສູນກາງພັກ, ມີບັນດາການນຳ ພັກ- ລັດ, ສະມາຊິກສະພາແຫ່ງຊາດ, ບັນດານາຍ ແລະ ພົນທະຫານ, ນາຍ ແລະ ພົນຕຳຫລວດ ພ້ອມດ້ວຍຄອບ ຄົວ ແລະ ຍາດຕິພີນ້ອງເຂົ້າຮ່ວມ.
ສະຫາຍ ພົນຕີ ສັນຍາຮັກ ພົມວິຫານ ໄດ້ເຖິງແກ່ມໍລະນະກຳໃນເວລາ
12 ໂມງ 00 ນາທີ ຂອງວັນທີ 17 ກໍລະກົດ 2013 ດ້ວຍພະຍາດຂອງເພີ່ນເອງລວມອາຍຸໄດ້
45 ປີ, ສະຫາຍ ພົນຕີ ສັນຍາຮັກ ພົມວິຫານ ເປັນຜູ້ໜຶ່ງ ທີ່ໄດ້ອຸທິດເຫື່ອແຮງ ແລະ ສະຕິປັນຍາ
ປະກອບສ່ວນຢ່າງຕັ້ງໜ້າ ເຂົ້າໃນພາລະກິດປົກປັກຮັກສາ ແລະ ສ້າງສາພັດ ທະນາປະເທດຊາດ, ສະຫາຍ ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງເປັນອະດີດກຳມະການສູນກາງພັກສະໄໝທີ
VIII-IX, ອະດີດສະມາຊິກສະພາແຫ່ງຊາດ ຊຸດທີ V, ອະດີດຫົວໜ້າກົມໃຫຍ່ເສນາທິການກອງທັບ,
ອະດີດກຳມະ ການໃນຄະນະປ້ອງກັນຊາດ-ປ້ອງກັນ ຄວາມສະຫງົບ ຂັ້ນສູນກາງ ແລະ ອະດີດລັດຖະມົນຕີຊ່ວຍວ່າການກະຊວງປ້ອງກັນປະເທດ.
No comments:
Post a Comment