ກະຊວງຊັບພະຍາກອນທຳມະຊາດ ແລະ
ສິ່ງແວດລ້ອມ ໄດ້ມອບລາງວັນການປະກວດ
ຮູບຖ່າຍກ່ຽວກັບສິ່ງແວດລ້ອມໃຫ້ຜູ້ຊະນະເລີດ
ໃນໂຄງການສົ່ງເສີມການສຶກສາສິ່ງແວດລ້ອມ ແລະ ການປ່ຽນແປງດິນຟ້າອາກາດໃນວັນທີ
24 ກໍລະກົດ 2013 ຢູ່ໂຮງແຮມເສດຖາປາລັດ ນະ ຄອນຫລວງວຽງຈັນ.
ໂຄງການນີ້
ໄດ້ເລີ່ມຄັດເລືອກຮູບພາບມາແຕ່ວັນທີ 29 ມີນາ 2013 ຊຶ່ງມີຜູ້ສົ່ງຮູບພາບ
ເຂົ້າປະກວດທັງໝົດ 80 ຮູບ ແລະ ຜ່ານການຄັດເລືອກໄດ້ 10 ຮູບ.
ຜູ້ທີ່ໄດ້ຮັບລາງວັນຊະນະເລີດ ແມ່ນທ້າວ ວິລະສັກ ສຸດທິສານ ໄດ້ຮັບເງິນຈຳນວນ
3.000.000 ກີບ, ຮູບພາບດັ່ງກ່າວໄດ້ສະແດງເຖິງທຳມະຊາດທີ່ຖືກທຳລາຍ.
“ໄຮ່ນາແມ່ນໄດ້ຖືກໄຟໄໝ້ໃນການກະກຽມສຳລັບລະດູການປູກເຂົ້າ”
ຢູ່ແຂວງສາລະວັນ, ລາງວັນທີ 2 ຄື: ທ້າວ ໄຕແກ້ວ ພໍລະສີນ ໄດ້ຮັບລາງວັນ
2.500.000 ກີບ ຮູບພາບໄດ້ສະແດງເຖິງ “ ຝາຍຫົວນ້ຳ
ແຟນທຳມະຊາດ” ບ້ານບໍ່
ເມືອງໄຊ ແຂວງອຸດົມໄຊ ແລະ ລາງວັນ 3 ຄື: ນາງ ສຸດທິດາ ສຸລິຍະວົງ
ໄດ້ຮັບລາງວັນ 1.500.000 ກີບຮູບພາບສະແດງເຖິງ
“ໄພແຫ້ງແລ້ງໄດ້ສົ່ງຜົນກະທົບຄັ້ງຍິ່ງໃຫຍ່ຕໍ່ກັບສິ່ງແວດລ້ອມ,
ການຜະລິດ ກະສີກຳ, ສຸຂະພາບ ແລະ ເສດ ຖະກິດ ພ້ອມນັ້ນກໍຍັງສາມາດທຳ
ລາຍຊິວິດການເປັນຢູ່ຂອງປະ ຊາຊົນ” ບ້ານນາຄຳ ເມືອງທ່າແຂກ ແຂວງຄຳມ່ວນ.
ນອກຈາກ ນີ້ ຍັງມີລາງວັນຊົມເຊີຍ ຈຳນວນ 7 ລາງວັນໆລະ 500.000 ກີບ, ມອບໂດຍທ່ານ
ຄຳປະດິດ ຄຳມູນເຮືອງ ຫົວໜ້າກົມສົ່ງເສີມຄຸນນະພາບສິ່ງແວດລ້ອມ,
ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ.
ໂຄງການດັ່ງກ່າວໄດ້ລິເລີ່ມເປັນປີທຳອິດທີ່ຈະໄດ້ນຳໄປຈັດຕັ້ງປະຕິບັດ
ຢູ່ 3 ແຂວງ ເຊັ່ນ: ແຂວງໄຊຍະບູລີ, ແຂວງຫົວພັນ ແລະ ຄຳມ່ວນ
ໂດຍມີຈຸດປະສົງແນໃສ່ເພີ່ມຄວາມຮູ້, ທັດສະນະຄະຕິ ແລະ ພຶດຕິກຳກ່ຽວກັບສິ່ງແວດລ້ອມ,
ຊີວະນາໆພັນ ແລະ ການປ່ຽນແປງດິນຟ້າອາກາດຢູ່ປະເທດລາວໄດ້ຖືກປັບປຸງແກ້ໄຂໂດຍນຳໃຊ້ການສື່ສານ
ແລະ ການສຶກສາ.
No comments:
Post a Comment