ການປຸກລະດົມໃຫ້ປະຊາຊົນໃນກຸ່ມບ້ານ
ແລະ ຊຸມຊົນ ເຂົ້າຮ່ວມຂະບວນ ການທຳລາຍແຫລ່ງແຜ່ພັນຂອງຍຸງລາຍຢ່າງເປັນຂະບວນການກວ້າງຂວາງເປັນມາດຕະການທີ່ໄດ້ຮັບຜົນທີ່ສຸດໃນການປ້ອງກັນ
ແລະ ຄວບຄຸມການລະບາດຂອງພະຍາດໄຂ້ເລືອດອອກໃນປັດຈຸບັນດັ່ງນັ້ນ ວັນທີ 24
ກໍລະກົດ 2013 ນີ້ ກະ ຊວງສາທາລະ ນະສຸກ, ພະແນກ ສາທາລະນະສຸກນະຄອນຫຼວງວຽງຈັນ
ແລະ ຫ້ອງການສາທາ ລະນະສຸກເມືອງສີສັດຕະນາກ ພ້ອມດ້ວຍນັກສຶກສາ ປີທີີ 5 ຂອງມະຫາວິທະຍາໄລວິທະຍາສາດສຸຂະພາບຈຳ
ນວນ 31 ຄົນ ໄດ້ລົງເຄື່ອນໄຫວສ້າງຂະບວນການ ປຸກລະດົມໃຫ້ປະຊາຊົນ
ໃນກຸ່ມບ້ານ ແລະ ຊຸມຊົນ ເຂົ້າຮ່ວມຂະບວນການທຳລາຍແຫລ່ງແຜ່ພັນຂອງຍຸງລາຍ
ຢູ່ສາມບ້ານທີ່ຂຶ້ນກັບເມືອງສີສັດຕະນາກ ຄື ບ້ານເພຍວັດ, ສີເມືອງ ແລະ
ເກົ້າຍອດ ໂດຍມີອຳນາດການປົຄອງບ້ານ ພ້ອມດ້ວຍພໍ່ແມ່ປະຊາຊົນເຂົ້າ ຮ່ວມຢ່າງຫລວງຫລາຍ.
ຕາມການລາຍງານ ຂອງ ທ່ານ ດຣ.
ຄອນສະຫວັນ ເທບພະວົງ ຫົວໜ້າຫ້ອງການສາທາລະ ນະສຸກ ເມືອງສີສັດຕະນາກ
ໃຫ້ຮູ້ວ່າ: ຜ່ານມາເມືອງສີສັດຕະນາກ ໄດ້ຈັດຕັ້ງຂະບວນານດັ່ງກ່າວມາແລ້ວ 21
ບ້ານ, ໃນນັ້ນ ພົບເຫັນພາຊະນະເກືອບ 30% ມີໜອນນ້ຳຍຸງລາຍ,
ສ່ວນບ້ານທີ່ຍັງບໍ່ໄດ້ຈັດຕັ້ງປະຕິ ບັດມີ 6 ບ້ານ ແລະ
ຈະສືບຕໍ່ໃຫ້ສຳເລັດໃນໄວໆນີ້.
ໃນການສ້າງຂະບວນການດັ່ງກ່າວ
ແມ່ນລົງທຸກຫລັງຄາເຮືອນ ເພື່ອທຳລາຍແຫລ່ງແຜ່ພັນຂອງຍຸງລາຍ ໃນພາ
ຊະນະຕ່າງໆທີ່ພົບເຫັນໃນບໍລິເວນ ເຮືອນຂອງພໍ່ແມ່ປະຊາຊົນ,
ພ້ອມທັງໂຄສະນາສຸຂະສຶກສາໃຫ້ເຈ້ົາ ຂອງເຮືອນເອົາໃຈໃສ່ທຳລາຍແຫລ່ງແຜ່ພັນຂອງຍຸງລາຍໂດຍປະຕິບັດຕາມຫລັກການ
5 ປ ຄື: ປິດ, ປ່ຽນ, ປ່ອຍ, ປັບປຸງ ແລະ ປະຕິບັດ. ໃນການລົງແຕ່ລະເຮືອນແມ່ນໄດ້ກວດທຸກພາຊະນະທີ່ເກັບຂັງນ້ຳວ່າມີໜອນນ້ຳຍຸງລາຍບໍ່ຖ້າພົບເຫັນກໍຈະທຳລາຍດ້ວຍການຂວ້ຳ,
ລ້າງ ແລະ ໃສ່ຊາຍຂ້າໜອນນ້ຳ, ຈາກນັ້ນ ກໍຈົດກ່າຍໃສ່ແບບຟອມເພື່ອຕິດໃສ່ເຮືອນທີ່ກວດ.
ສຳລັບເຮືອນທີ່ພົບເຫັນໜອນນ້ຳ ແມ່ນໄດ້ອະທິບາຍໃຫ້ເຈົ້າຂອງເຮືອນເອົາໃຈໃສ່ບໍ່ໃຫ້ມີໜອນນ້ຳເກີດຂຶ້ນອີກ.
No comments:
Post a Comment