ທ່ານ ພັນໂທ ພົມມະຈັນສວນບຸນມາ ຫົວໜ້າພະແນກຕຳ
ຫຼວດຈະລາຈອນ ນະຄອນຫຼວງ ວຽງຈັນ ກ່າວວ່າ: ການເກີດອຸ ປະຕິເຫດຕາມທ້ອງຖະໜົນ ຍັງເປັນສິ່ງທ້າທາຍຕໍ່ກຳລັງເຈົ້າໜ້າ
ທີ່ໃນການສະກັດກັ້ນ.ປັດຈຸບັນເຫັນວ່າ:ບັນຫາດັ່ງກ່າວຍັງມີລັກ ສະນະເພີ່ມຂື້ນ
ໂດຍສ່ວນໃຫຍ່ມັກຈະເກີດຕາມຕົວເມືອງ ແລະ ເຂດຊານເມືອງຄືໃນໄລຍະ 6 ເດືອນຜ່ານມາສະເພາະຢູ່ນະຄອນຫຼວງວຽງຈັນມີອຸປະຕິເຫດເກີດຂຶ້ນ
820 ລາຍ, ສະເລ່ຍ 6 ຫາ 7 ລາຍຕໍ່ມື້ ສົ່ງຜົນໃຫ້ມີພາຫະນະເປ່ເພຫຼາຍ ກວ່າພັນຄັນ,
ມີຜູ້ໄດ້ຮັບບາດເຈັບເລັກໜ້ອຍ 565 ຄົນ, ສົມຄວນ 520 ຄົນ,ສາຫັດ 170 ຄົນ ແລະ ເສຍຊີວິດ
124 ຄົນ.
ຫົວໜ້າຈະລາຈອນນະຄອນ ຫຼວງໄດ້ເນັ້ນຕື່ມວ່າ:
ບັນຫາທີ່ພາ ໃຫ້ເກີດອຸປະຕິເຫດມີ 2 ສາເຫດຕົ້ນຕໍຄື ເກີດມາຈາກການປະພຶດຂອງຜູ້ຂັບຂີ່ເປັນຕົ້ນແມ່ນການປ່ຽນທິດທາງສັນຈອນບໍ່ຮັບປະ
ກັນຄວາມປອດໄພ, ການແຊງຂຶ້ນໜ້າບໍ່ຮັບປະກັນ ເກີດຂຶ້ນ 96 ລາຍ, ແລ່ນລົດໄວເກີນກຳນົດ
102 ລາຍ, ຂັບຂີ່ບໍ່ແອບຂວາມື 55 ລາຍ ເທົ່າກັບ 9,32%, ດື່ມສິ່ງມຶນເມົາ 73
ລາຍ,ທາງນ້ອຍຄົບທາງໃຫຍ່ບໍ່ປ່ອຍທາງ ແລະ ກໍລະນີອື່ນໆທີ່ພາໃຫ້ເກີດອຸປະຕິເຫດ
ແລະ ກໍລະນີເກີດມາຈາກສະພາບແວດລ້ອມທາງສັງຄົມ, ສິ່ງອຳນວຍຂອງເສັ້ນທາງ ຫຼື ຂໍ້ບົກພ່ອງ
ທາງເຕັກນິກຂອງພາຫະນະປະເພດຕ່າງໆເປັນຕົ້ນແມ່ນເສັ້ນທາງສັນຈອນມືດ, ທາງຂາດ, ທາງຖືກເຊາະ,ເປັນຫຼຸບໂນນ,
ເກີດມາຈາກສະພາບບົກພ່ອງທາງເຕັກນິກເຊັ່ນ: ລະບົບໄຟສັນຍານບໍ່ດີ, ລະບົບຫ້າມບໍ່ຮັບປະກັນ,
ລະບົບຄັນສົ່ງ ຫຼື ລູກໝາກບໍ່ດີ, ລະບົບຢາງລົດບໍ່ຮັບປະກັນ ແລະ ສະພາບເຕັກນິກບໍ່ດີອື່ນໆ
ກໍເປັນສ່ວນໜຶ່ງທີ່ເຮັດໃຫ້ອຸປະຕິເຫດເກີດຂຶ້ນຫຼາຍ.
ເພື່ອແກ້ໄຂບັນຫາດັ່ງກ່າວ
ປັດຈຸບັນ, ເຈົ້າໜ້າທີ່ພວມເລັ່ງປະຕິບັດ 5ໂຄງການຄືການໂຄສະນາ ອອກລາຍການສັນ ຈອນຕາມຖະໜົນ,
ຜ່ານສື່ວິທະຍຸ ແລະ ການອອກໂຄສະນາຕາມສາຍທາງໃນໂອກາດວັນສຳຄັນຕ່າງໆເປັນຕົ້ນວັນເປີດສົກ
ຮຽນ ແລະ ບຸນຕ່າງໆ ເພື່ອເປັນການເຕືອນສະຕິນັກຂັບຂີ່ໃຫ້ນັບຖືກົດລະບຽບຈະລາ
ຈອນ ແລະ ການເພີ່ມທະວີການກວດ ກາໂດຍສະເພາະແມ່ນການຕັ້ງຈຸດກວດກາທາດມຶນເມົາ
ແລະ ການຈັບຄວາມໄວຕາມທ້ອງຖະໜົນທີ່ມັກເກີດອຸປະຕິເຫດຄື ຖະໜົນ 13 ເໜືອ ແລະ
13 ໃຕ້ ຊຶ່ງຈະລົງກວດກາເປັນປະຈຳທຸກໆຕົ້ນແລະທ້າຍເດືອນ,ພ້ອມທັງໂອກາດວັນບຸນສຳຄັນທີ່ອາດຈະພາໃຫ້ມີການດື່ມສິ່ງມຶນເມົາ
ແລະ ພາໃຫ້ເກີດອຸປະຕິເຫດ, ປະຕິບັດການລະບາຍການສັນ ຈອນ ແລະ ເພີ່ມທະວີການປະ
ຈຳປ້ອມຍາມຂອງເຈົ້າໜ້າທີ່ຕະຫຼອດ 24 ຊົ່ວໂມງ ແລະ ຈັດຕັ້ງ ໜ່ວຍງານແກ້ໄຂອຸປະຕິເຫດ.
ນອກຈາກນີ້ກໍຈະມີການຈັດກິດຈະກຳຕ່າງໆເຊັ່ນ:ການຈັດຄາລະວານຂັບຂີ່ປອດໄພໃສ່ໝວກກັນກະທົບ
ແລະ ໂຄງການສອບເສັງໃບຂັບຂີ່ ໃຫ້ນັກຮຽນ ແລະ ປະຊາຊົນທົ່ວໄປເພື່ອຈະໄດ້ຮຽນຮູ້ກົດລະບຽບການຂັບຂີ່
ແລະ ມີໃບອະນຸຍາດຂັບຂີ່ລົດຢ່າງຖືກຕ້ອງເພື່ອເລັ່ງສະກັດກັ້ນອຸປະຕິເຫດໃຫ້ມີປະສິດທິຜົນກວ່າເກົ່າ.
No comments:
Post a Comment