ອຳນາດການປົກຄອງທ້ອງ ຖິ່ນ ແລະ ພາກສ່ວນທີ່ກ່ຽວຂ້ອງ
ເມືອງ ນາໝໍ້ ແຂວງ ອຸດົມໄຊ ຮ່ວມມືກັບເຈົ້າໜ້າທ່ີ ຈີນ ເລັ່ງແກ້ ໄຂບັນຫາ ການລະເມີດສັນຍາ
ຂອງບໍລິສັດປູກກ້ວຍຫອມຢູ່ບ້ານ ມູຕຶນພາຍຫຼັງບໍລິສັດດັ່ງກ່າວບໍ່ ສາມາດປະຕິບັດ ໄດ້ຕາມ ເນື້ອໃນ
ສັນຍາທີ່ມີຕໍ່ປະຊາຊົນ ໃນເບື້ອງ ຕົ້ນສົ່ງຜົນໃຫ້ປະຊາຊົນຫຼາຍ ຄອບຄົວໄດ້ຮັບຄວາມເດືອດຮ້ອນ
ຫຼັງບໍ່ໄດ້ຂາຍຜົນຜະລິດຕາມສັນ ຍາສອງຝ່າຍ ແລະ ຕໍ່ບັນຫານີ້ໄດ້ແກ່ຍາວມາດົນແລ້ວ
ດັ່ງນັ້ນ ທາງ ເຈົ້າໜ້າທີລາວ ແລະ ຈີນ ຈະຫາ ທຸກວິທີທາງ ແກ້ໄຂ ເພື່ອບໍ່ໃຫ້ບັນ ຫາດັ່ງກ່າວ
ກະທົບ ກະເທືອນຕໍ່ສາຍພົວ ພັນລະຫວ່າງທ້ອງຖິ່ນບ້ານໃກ້ເຮືອນຄຽງດ້ວຍກັນ.
ທ່ານ ທອງສຸກ ດາໜູພັນ ຫົວໜ້າຫ້ອງການແຜນການ
ແລະ ການລົງທຶນ ເມືອງ ນາໝໍ້ ແຂວງ ອຸ ດົມໄຊ ໃຫ້ຮູ້ວ່າ: ໄລຍະຜ່ານມາມີຫຼາຍ ບໍລິສັດຈາກຕ່າງປະ
ເທດໃຫ້ຄວາມສົນໃຈລົງທຶນເຂົ້າ ໃນໂຄງການ ພັດທະນາຂະແໜງການຕ່າງໆ ໂດຍ ສະເພາະແມ່ນ ຂະ ແໜງກະສິກຳເຊິ່ງມີ
ຫຼາຍບໍລິສັດຈາກ ສປ ຈີນ ເຂົ້າມາລົງ ທຶນ ໃນໂຄງການປູກກ້ວຍ ແລະ ພຶດຊະນິດ
ຕ່າງໆບາງໂຄງການ
ກໍສາມາດເຄື່ອນໄຫວ ແລະ ດຳ ເນີນງານໄປ ຕາມຂັ້ນຕອນ ແລະ ລະບຽບການທີ່ໄດ້ຕົກລົງກັນໄວ້ ເຊິ່ງໄດ້ ນຳຜົນປະໂຫຍດມາສູ່ປະຊາຊົນ
ແລະ ປະເທດຊາດເປັນຈຳນວນບໍ່ໜ້ອຍແຕ່ຂະນະ ດຽວກັນ ບາງໂຄງການ ແລະ ບາງບໍລິສັດ ກໍ ບໍ່ໄປຕາມຂັ້ນຕອນ,
ລະບຽບ ການ ແລະ ເນື້ອໃນສັນຍາຕ່າງໆ ທີ່ມີໄວ້ກັບປະຊາຊົນ ແລະ ການ ຈັດ ຕັ້ງທີ່ກ່ຽວຂ້ອງອັນໄດ້ນຳ
ເອົາຄວາມເດືອດຮ້ອນ ແລະ ຄວາມສູນເສຍມາສູ່ປະຊາຊົນ ແລະ ການຈັດຕັ້ງ ເປັນຕົ້ນແມ່ນ ໂຄງການປູກກ້ວຍຫອມ
ຂອງ ບໍລິສັດ ພູໄວລອງ ຢູ່ເຂດບ້ານ ມູ ຕືນເຊິ່ງເຫັນວ່າການເຄື່ອນໄຫວຂອງບໍລິສັດດັ່ງກ່າວແມ່ນບໍ່ໄປຕາມສັນຍາທີ່ໄດ້ຕົກ ລົງໄວ້ກັບ ປະຊາຊົນໃນ
ເບື້ອງຕົ້ນສົ່ງຜົນໃຫ້ປະຊາຊົນທີ່ເຂົ້າຮ່ວມໂຄງການດັ່ງກ່າວໄດ້ຮັບ ຄວາມເດືອດຮ້ອນຫຼັງບໍ່ໄດ້ຂາຍ
ຜົນຜະລິດ ແລະ ບໍ່ໄດ້ຮັບນະໂຍບາຍຕ່າງໆທີ່ໄດ້ຕົກລົງກັນໄວ້ທັງສ້າງຄວາມບໍ່ເຊື່ອໝັ້ນໃຫ້ແກ່ປະຊາຊົນຂົງເຂດອື່ນທີ່ເຂົ້າຮ່ວມໂຄງການຕ່າງໆ ພາຍຫຼັງມີປາກົດການດັ່ງກ່າວ.
ສາເຫດທີ່ເຮັດໃຫ້ບໍລິສັດ ດັ່ງກ່າວບໍ່ສາມາດເຄື່ອນໄຫວ
ແລະ ດຳເນີນງານຕາມສັນຍາທີ່ ໄດ້ລະບຸໄວ້ນັ້ນອາດເນື່ອງມາ ຈາກບໍລິສັດໄດ້ຮັບ ໂຄງການທີ່ດີ ກວ່າເກົ່າຢູ່
ສປ ຈີນ, ຄວາມບໍ່ເຂົ້າ ໃຈກັນລະຫວ່າງປະຊາຊົນກັບບໍ ລິສັດ ເຊິ່ງຈາກຜົນຂອງການດຳເນີນງານກໍສະແດງໃຫ້ເຫັນຢ່າງຈະແຈ້ງແລ້ວວ່າ:
ບໍລິສັດດັ່ງກ່າວບໍ່ໄດ້ໃຫ້ຄວາມສົນໃຈຕໍ່ຄຳຮຽກຮ້ອງຂອງປະຊາຊົນ ຫຼາຍປານໃດ ເຊິ່ງບາງຄັ້ງກໍສະແດງພືດຕິກຳທີ່ບໍ່ເໝາສົມຕໍ່ປະຊາຊົນ
ໂດຍສະເພາະແມ່ນການເວົ້າຈາ ຈຶ່ງນຳໄປສູ່ຄວາມຂັດແຍ່ງ ລະຫວ່າງສອງຝ່າຍ.
ຕໍ່ບັນຫາດັ່ງກ່າວ, ພາຍຫຼັງ ມີການຮຽກຮ້ອງຈາກປະຊາຊົນ,
ພາກສ່ວນກ່ຽວຂ້ອງຂອງເມືອງ ແລະ ແຂວງກໍໄດ້ຂຶ້ນ ໄປສຳຫຼວດ, ກວດກາ ແລະ ຮຽກຮ້ອງໃຫ້ບໍລິສັດດັ່ງກ່າວຊົດເຊີຍຄ່າເສຍຫາຍທີ່ມີຕໍ່ປະຊາຊົນ
ຈຶ່ງໄດ້ຄ່າເສຍ ຫາຍໄປແລ້ວຈຳ ນວນໜຶ່ງ.ຈາກ ນັ້ນ ບໍລິສັດດັ່ງກ່າວກໍຫາຍ ໄປຈົນເຖິງເວລາເກັບກູ້ຜົນຜະລິດກໍບໍ່ເຫັນກັບມາຈຶ່ງສ້າງຄວາມຫຍຸ້ງຍາກ ຕໍ່ປະຊາ ຊົນອີກເທື່ອໃໝ່ຫຼັງບໍ່ໄດ້ຂາຍຜົນຜະລິດ
ແລະ ບໍ່ກັບມາປັບດິນ ນາທີ່ໄດ້ຮັບຜົນກະທົບຈາກການບຸກເບີກເພື່ອໂຄງການປູກກ້ວຍດັ່ງກ່າວ.
ເພື່ອແກ້ໄຂບັນຫານີ້ໃນໄລ ຍະຜ່ານມາ,ພາກສ່ວນກ່ຽວຂ້ອງ
ກໍໄດ້ໃຊ້ຄວາມພະຍາ ຍາມຮຽກ ຮ້ອງໃຫ້ບໍລິສັດດັ່ງກ່າວກັບມາດຳເນີນໂຄງ ການ, ແຕ່ຜູ້ກ່ຽວບໍ່ໄດ້ໃຫ້ການຮ່ວມມືແຕ່ຢ່າງໃດດັ່ງນັ້ນອີກເທື່ອໜຶ່ງ,
ເມືອງຈຶ່ງໄດ້ຕິດຕໍ່ ແລະ ປະສານຫາເຈົ້າໜ້າ ທີ່ຈີນເພື່ອຊ່ວຍຕາມຫາ ຜູ້ກ່ຽວ ແລະ ຫາທາງອອກໃຫ້ປະຊາຊົນ
ເຊິ່ງປັດຈຸບັນ, ພາກສ່ວນກ່ຽວຂ້ອງສອງຝ່າຍລາວ - ຈີນ ພວມ ຢູ່ໃນລະຫວ່າງການດຳເນີນງານຮ່ວມກັນ
ເພື່ອຫາທາງແກ້ໄຂບັນ ຫາ ແລະ ບໍ່ໃຫ້ບັນຫາດັ່ງກ່າວກະທົບຕໍ່ສາຍພົວພັນລະຫວ່າງສອງຝ່າຍ.
ຫົວໜ້າຫ້ອງການແຜນການ ແລະ ການລົງທຶນ
ເມືອງ ນາໝໍ້ ຍັງຮຽກຮ້ອງມາຍັງປະຊາ ຊົນ ຈົ່ງອົດທົນ, ລໍຖ້າ ແລະ ເຂົ້າໃຈຕໍ່ການດຳເນີນງານຂອງພາກ
ສ່ວນທີ່ກ່ຽວຂ້ອງ.ເມືອງບໍ່ໄດ້ຢຸດຄວາມພະຍາມຂອງຕົນໃນການປົກປ້ອງຜົນປະໂຫຍດຂອງປະຊາ
ຊົນຈາກການດຳເນີນໂຄງ ການ ແລະ ກໍບໍ່ໄດ້ເມີນເສີຍຕໍ່ພາລະໜ້າທີ່ຂອງຕົນເອງ,ແຕ່ທີ່ເຮັດໃຫ້
ການດຳເນີນງານຊັກຊ້າ ແລະ ແກ່ຍາວໃນໄລຍະຜ່ານມານັ້ນ ແມ່ນເນື່ອງມາ ຈາກຫຼາຍປັດໄຈ
ເປັນຕົ້ນພາກສ່ວນທີ່ກ່ຽວຂ້ອງບໍ່ສາມາດຕິດຕໍ່ຫາບໍລິສັດໄດ້ພາຍ ຫຼັງບໍລິສັດດັ່ງກ່າວກັບໄປຈີນ.
ດັ່ງນັ້ນເມືອງຈຶ່ງຕ້ອງໄດ້ພິຈາ ລະ ນາກັບຫຼາຍຝ່າຍ ເພື່ອບໍ່ໃຫ້ບັນຫາດັ່ງກ່າວກະທົບຕໍ່ສາຍພົວພັນລະ
ຫວ່າງສອງປະເທດເວົ້າລວມ, ເວົ້າສະເພາະແມ່ນສາຍພົວພັນລະ ຫວ່າງທ້ອງຖິ່ນດ້ວຍກັນ.
ທ່ານ ຍັງກ່າວອີກວ່າ:ຫ້ອງການແຜນ ການ ແລະ ການລົງທຶນ ເມືອງ ນາໝໍ້ ມີຄວາມຮູ້ສຶກຮັບຜິດຊອບ
ຢ່າງເລິກເຊິ່ງຕໍ່ບັນຫາທີ່ເກີດຂຶ້ນ ແລະ ເສຍໃຈທີ່ບໍລິສັດດັ່ງກ່າວບໍ່ໃຫ້ຄວາມສຳຄັນຕໍ່ການປະຕິບັດສັນຍາ
ແລະ ຝາກຄວາມມາຍັງປະຊາຊົນຊາວບ້ານມູຕຶນ ວ່າ: ພາກສ່ວນກ່ຽວຂ້ອງຖືສຳຄັນຕໍ່ການປົກປ້ອງຜົນປະໂຫຍດຂອງປະຊາຊົນກວ່າວຽກງານອື່ນໆຂອງການດຳເນີນງານ.
No comments:
Post a Comment