ແມ່ຍິງລາວຈະໄດ້ຮັບສິດພິເສດເພີ່ມຂຶ້ນອີກບາດກ້າວໜຶ່ງ
ຫລັງສະຫະພັນແມ່ຍິງສະເໜີຕໍ່ສະພາແຫ່ງຊາດໃຫ້ຖືເອົາວັນສ້າງຕັ້ງສະຫະ ພັນແມ່ຍິງລາວ
20 ກໍລະ ກົດຂອງທຸກໆປີເປັນວັນພັກ ລັດຖະການຂອງແມ່ຍິງ.
ການສະເໜີດັ່ງກ່າວໄດ້ມີ ການກຳນົດໃນມາດຕາ
48 ທີ່ລະ ບຸກ່ຽວກັບວັນສ້າງຕັ້ງສະຫະພັນແມ່ຍິງລາວແມ່ນວັນທີ 20 ກໍລະ ກົດ
1955 ແລະ ຖືເອົາວັນດັ່ງກ່າວເປັນການສະເຫລີມສະຫລອງວັນສ້າງຕັ້ງສະຫະພັນແມ່ຍິງ
ແລະ ເປັນວັນພັກລັດຖະການຂອງແມ່ ຍິງ.ໃນຮ່າງກົດ ໝາຍວ່າດ້ວຍສະຫະພັນແມ່ຍິງ
ໂດຍສະຫະພັນແມ່ຍິງໄດ້ນຳສະເໜີຮ່າງກົດໝາຍດັ່ງກ່າວຕໍ່ສະພາແຫ່ງຊາດ ເພື່ອໃຫ້ສະມາຊິກສະພາໄດ້ຄົ້ນຄວ້າພິຈາລະນາ
ແລະ ປະກອບຄຳເຫັນໃສ່ຮ່າງກົດໝາຍດັ່ງກ່າວໃຫ້ຄົບຖ້ວນ ແລະ ຮັດກຸມກວ່າເກົ່າ,
ພ້ອມທັງແນໃສ່ຮັບໃຊ້ການເຄື່ອນໄຫວຂອງສະຫະພັນແມ່ຍິງມີບົດບາດສູງຂຶ້ນ.
ແນວໃດກໍຕາມ, ການສະເໜີເອົາວັນສ້າງຕັ້ງສະຫະພັນແມ່
ຍິງເປັນວັນພັກລັດຖະການຂອງແມ່ຍິງນັ້ນ, ບັນດາສະມາ ຊິກສະພາແຫ່ງຊາດຫລາຍທ່ານຕ່າງກໍມີຄວາມເຫັນດີເປັນເອກະພາບຢ່າງສູງຕໍ່ການຮັບຮອງ.ເຖິງວ່າແມ່
ຍິງຈະມີວັນພັກພິເສດຂອງຕົນ ຄືວັນແມ່ຍິງສາກົນ ວັນທີ 8 ມີນາຂອງທຸກໆປີແລ້ວກໍຕາມ.
ທ່ານນາງ ສີໃສ ລືເດດມູນ ສອນ ປະທານສູນກາງສະຫະພັນແມ່ຍິງລາວ
ກ່າວວ່າ: ກົດໝາຍວ່າດ້ວຍສະຫະພັນແມ່ຍິງ ປະ ກອບມີ 11 ພາກ, 7 ໝວດ ແລະ 54 ມາດຕາ
ເຊິ່ງກົດໝາຍສະບັບນີ້ຈະເປັນບ່ອນອີງໃຫ້ແກ່ການເຄື່ອນໄຫວ ແລະ ທັງເປັນການເພີ່ມຄວາມສາມາດໃນການຄຸ້ມຄອງນຳພາວຽກງານ,
ຍົກສູງຄວາມຮັບຜິດຊອບຂອງການຈັດ ຕັ້ງພັກ-ລັດ, ສັງຄົມຕໍ່ການຈັດຕັ້ງ ຂອງແມ່ຍິງລາວບັນດາເຜົ່າ,
ປະ ກອບສ່ວນໃນການຄຸ້ມຄອງລັດ- ສັງຄົມໂດຍກົດໝາຍລວມທັງເຊີດຊູບົດບາດຂອງແມ່ຍິງລາວບັນດາເຜົ່າໃນດ້ານການເມືອງ,ເສດ
ຖະກິດ,ວັດທະນະທຳ-ສັງຄົມໃຫ້ນັບມື້ພົ້ນເດັ່ນຂຶ້ນ.
No comments:
Post a Comment