ສະພາ​ສະເໜີລັດ​ເພີ່ມ​ທະວີ​ການ​ຄຸ້ມ​ຄອງ​ງົບປະມານ​ໃຫ້​ເຂັ້ມງວດ​ກວ່າ​ເກົ່າ

             ​ເຖິງ​ວ່າ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 5 ຂອງ​ສະພາ​ແຫ່ງ​ຊາດ ຊຸດ​ທີ VII ຮັບຮອງ​ເອົາ​ແຜນ​ງົບປະມານ​ແຫ່ງ​ລັດ ສົກ​ປີ 2013-2014 ຄື​ສູ້​ຊົນ​ເກັບ​ລາຍ​ຮັບ​ລວມບໍ່​ໃຫ້​ຫລຸດ 25.047 ຕື້ກີບ ​ເທົ່າ​ກັບ 27,63% ຂອງ GDP ​ໃນ​ນີ້ມີ​ລາຍ​ຮັບ​ພາຍ​ໃນ 20.017 ຕື້ກີບ ​ເທົ່າ​ກັບ 22,08%, ຄຸ້ມ​ຄອງ​ລາຍ​ຈ່າຍ​ບໍ່​ໃຫ້​ເກີນ 29.580 ຕື້ກີບ ​ເທົ່າ​ກັບ 32,63% ​ແລະ ການຂາດ​ດຸນ​ງົບປະມານ​ໃຫ້​ຢູ່​ໃນ​ລະດັບ 4.533 ຕື້ກີບ ​ເທົ່າ​ກັບ 5% ຂອງ GDP, ​ແຕ່​ສະພາ​ສະ​ເໜີ​ລັດຖະບານ​ເອົາ​ໃຈ​ໃສ່​ບາງບັນຫາ​ ຄື​ເພີ່ມ​ທະວີ​ການ​ເກັບ​ລາຍ​ຮັບ​ພາຍ​ໃນ​ໃຫ້​ທົ່ວ​ເຖິງ, ຂຸດ​ຄົ້ນ​ແຫ​ລ່ງລາຍ​ຮັບ​ທີ່​ຍັງ​ບໍ່​ທັນ​ເກັບ​ໄດ້​ຄົບ​ຖ້ວນ ​ເປັນຕົ້ນຂົງ​ເຂດ​ທີ່​ດິນ, ລາຍ​ຮັບ​ວິຊາ​ການ, ພາສີ ​ແລະ ອື່ນໆ; ​ໃຫ້ລັດຖະບານ​ປັບ ປຸງ​ກົດໝາຍ ​ແລະ ນິຕິ​ກຳ​ລຸ່ມ​ກົດ ໝາຍ​ຈຳນວນ​ໜຶ່ງ​ໃຫ້​ສາມາດ​ປະກາດ​ໃຊ້ ພ້ອມ​ກັບ​ແຜນ​ງົບ ປະມານ​ສົກ​ປີ 2013-2014 ​ເປັນ ຕົ້ນລັດຖະບັນຍັດ​ວ່າ​ດ້ວຍ​ອາ ກອນ​ສິ່ງ​ແວດ​ລ້ອມ, ລັດຖະບັນ ຍັດ​ວ່າ​ດ້ວຍ​ອັດຕາ​ອາກອນ​ຊົມ​ໃຊ້​ພາຫະນະ, ລະບຽບ​ກຳນົດ​ລະດັບ​ເງິນ​ແຮ ​ແລະ ​ເງິນ​ຄ້າງ​ຄັງ​ຂອງ​ຫົວໜ່ວຍ​ງົບປະມານ. ຕົວຢ່າງ: ອີງ​ຕາມ​ຜົນ​ກວດ​ສອບ​ສະຫລຸບ​ຂາດ​ຕົວ ສົກ​ປີ 2010-2011 ອົງ ການ​ກວດ​ສອບ​ແຫ່ງ​ລັດ ​ເຫັນ​ວ່າ​ຍັງ​ມີ​ລາຍ​ຮັບ​ຈຳນວນ 416 ຕື້ກີບ ທີ່​ຍັງ​ບໍ່​ທັນ​ໄດ້​ລວມສູນ​ເຂົ້າ​ໃນ​ລະບົບ​ງົບປະມານ​ແຫ່ງ​ລັດ, ຖ້າ ສັງ​ລວມ​ເງິນ​ຈຳນວນ​ດັ່ງກ່າວ​ເຂົ້າ​

ໃນ​ງົບປະມານ​ແຫ່ງ​ລັດ​ໃຫ້​ຄົບ​ຖ້ວນ​ແມ່ນ​ຈະ​ມີ​ກຳລັງ​ແຮງ​ດ້ານ​ງົບປະມານ​ເຂົ້າ​ໃສ່​ການ​ພັດ ທະນາ​ຕື່ມ​ອີກ. ພ້ອມ​ນັ້ນ ກໍ​ຕ້ອງ​ເພີ່ມ​ຄວາມ​ເອົາ​ໃຈ​ໃສ່​ຄຸ້ມ​ຄອງ​ລາຍ​ຈ່າຍ​ຢ່າງ​ເຂັ້ມງວດ; ຮັບປະ ກັນ​ການ​ແບ່ງ​ລາຍ​ຈ່າຍ​ເຂົ້າ​ໃສ່​ຈຸດ​ສຸມ​ບູລິ​ມະ​ສິດ​ພັດທະນາ​ຊົນ ນະບົດ ​ແລະ ​ແກ້​ໄຂ​ຄວາມທຸກ​ຍາກ, ລາຍ​ຈ່າຍ​ລົງທຶນ​ໃສ່​ພື້ນ ຖານ​ໂຄງ​ລ່າງ​ໃສ່​ຖະໜົນ​ຫົນທາງ​ທີ່​ຕິດ​ພັນ​ກັບ​ຈຸດ​ສຸມ​ການ​ພັດທະ ນາ, ວຽກ​ງານ​ປ້ອງ​ກັນຊາ​ດ- ປ້ອງກັນ​ຄວາມ​ສະຫງົບ ​ແລະ ສົມທົບ​ທຶນ​ເຂົ້າ​ໃສ່​ໂຄງການ​ທີ່​ມີ​ພັນທະ​ຮ່ວມ​ມື​ກັບ​ຕ່າງປະ​ເທດ. ​ເອົາ​ໃຈ​ໃສ່​ລາຍ​ຈ່າຍ​ໃຫ້​ແກ່​ຂະ​ແໜງ​ສຶກສາ ​ແລະ ສາທາລະນະ​ສຸກ​ໃຫ້​ໄດ້ 17% ​ແລະ 9% ຕາມ ລຳດັບ​ຂອງ​ງົບປະມານ​ລາຍ​ຈ່າຍ​ທັງ​ໝົດ.

           ​ເພີ່ມ​ທະວີ​ການຈັດຕັ້ງປະ ຕິບັດ​ວິ​ໄນ​ການ​ເງິນ ຕາມ​ລະບຽບ​ກົດໝາຍ​ທີ່​ມີ​ແລ້ວ​ໃຫ້​ເຂັ້ມງວດ, ປັບປຸງ​ລະບອບ​ແບບ​ແຜນ​ວິທີ​ເຮັດ​ວຽກ ​ແລະ ຍົກ​ສູງ​ຄວາມ​ຮັບຜິດ ຊອບ​ການ​ເມື​ອງຂອງ​ຖັນ​ແຖວ​ພະ ນັກງານ; ສຶກສາ​ອົບຮົມ​ຜູ້​ປະ ກອບ​ການ ​ແລະ ປະຊາຊົນ​ໃຫ້​ເຂົ້າ​ໃຈ ​ແລະ ມີ​ສະຕິ​ປະຕິບັດ​ກົດໝາຍ​ໃຫ້​ດີ​ຂຶ້ນ; ​ເດັດຂາດ​ປະຕິບັດ​ມາດ​ຕະການ​ດ້ານ​ບໍລິຫານ ​ແລະ ດ້ານ​ເສດຖະກິດ​ຕໍ່​ຜູ້​ລະ​ເມີດ​ລະບຽບ​ກົດໝາຍ​ຢ່າງ​ເຂັ້ມງວດ.

            ປັບປຸງ​ກົນ​ໄກ​ວິທີ​ການ​ເຮັດ​ວຽກ​ຂອງ​ຂະ​ແໜງ​ການ​ຂົງ​ເຂດ​ເສດຖະກິດ-ການ​ເງິນ​ ​ເປັນ ຕົ້ນການ​ກຳນົດ​ໂຄງການ​ບູລິ​ມະ​ສິດ ​ແລະ ການ​ແກ້​ໄຂ​ໜີ້ສິນ​ລະ ຫວ່າງ​ຂະ​ແໜງ​ການ​ເງິນ, ຂະ​ແໜງ​ແຜນການ ​ແລະ ອົງການ​ປົກຄອງ​ທ້ອງ​ຖິ່ນ; ດຳ​ເນີນ​ການ​ຕິດຕາມ​ກວດກາ​ລາຍ​ຮັບ-ລາຍ​ຈ່າຍ​ຂອງ​ຫົວໜ່ວຍ​ງົບປະມານ ​ແລະ ຜູ້​ປະກອບ​ການ​ໃຫ້​ຄົບ​ຖ້ວນ​ໄປ​ຕາມ​ກົດໝາຍ; ​ເພີ່ມ​ທະວີ​ການ​ຊີ້ນຳ​ຂອງ​ຄະນະ​ພັກ-ຄະນະ​ນຳ​ຂອງ​ຂະ​ແໜງ​ການ​ທ້ອງ​ຖິ່ນ​ທຸກ ຂັ້ນປະຕິບັດ​ລະບຽບ​ການ​ເງິນ ​ແລະ ມາດ​ຕະການ​ປະຢັດ​ມັດທະ ຍັດ​ໃຫ້​ປາກົດ​ຜົນ​ເປັນ​ຈິງ.