ບໍລິສັດຫຸ້ນສ່ວນພັດທະນາກາວຊູເຢົ້າຕ໊ຽງຫວຽດ​ລາວເປີດພິທີເກັບກູ້ຢາງພາລາຢ່າງເປັນທາງການ

   ພິທີເປີດການເກັບກູ້ນ້ຳຢາງ ພາລາໃນປີ 2013 ຂອງບໍລິສັດ ຫຸ້ນສ່ວນພັດທະນາກາວຊູເຢົ້າ ຕ໊ຽງ ຫວຽດ​ລາວ ຢູ່ແຂວງ ຈຳ ປາສັກໄດ້ໄຂຂຶ້ນຢ່າງເປັນທາງການຢູ່ສວນຢາງພາລາຂອງບໍ ລິສັດດັ່ງກ່າວ ບ້ານຫຼັກ 22 ເມືອງ ບາຈຽງ ແຂວງຈຳປາ ສັກ ໃນຕອນເຊົ້າວັນທີ 18 ກໍລະກົດ ໂດຍການເຂົ້າຮ່ວມ ຂອງທ່ານ ສົມສະໜິດ ບຸດຕິວົງ ຮອງເລຂາ ພັກແຂວງ, ຮອງ ເຈົ້າແຂວງໆຈຳປາສັກ, ມີທ່ານ ມາຍເຖຈູງ ກຳມະການສູນກາງພັກກອມມູນິດຫວຽດນາມ, ເລຂາພັກ ແຂວງບິ່ງເຢືອງ, ທ່ານ ເລທັງ ກຸງ ປະທານຄະນະກຳມະການປະຊາຊົນແຂວງບິ່ງເຢືອງເຂົ້າຮ່ວມ.

       ທ່ານ ເຈິນວັນຢູ ປະທານສະພາບໍລິຫານບໍລິສັດກ່າວວ່າ: ບໍລິສັດຫຸ້ນສ່ວນພັດທະນາກາວຊູ ເຢົ້າຕ໊ຽງຫວຽດລາວ ໄດ້ສ້າງ ຕັ້ງຂຶ້ນໃນ ປີ2007 ໂດຍມີ 3 ຫຸ້ນ ສ່ວນຄື ບໍລິສັດກາວຊູເຢົ້າຕ໊ຽງ ຈຳກັດ ຜູ້ດຽວ, ບໍລິສັດການຜະລິດຂາ ອອກຂາເຂົ້າ, ບໍລິສັດຫຸ້ນສ່ວນ ຮຶງເວືອງ ໄດ້ຮັບໃບຢັ້ງຢືນການລົງທຶນແຂວງຈຳປາສັກ ແລະ ແຂວງສາລະວັນ ໃນເນື້ອ ທີ່ປູກຢາງພາລາທັງໝົດ 10.000 ຮ.ຕ ມາຮອດປັດຈຸບັນໂດຍການອອກເຫື່ອເທແຮງຂອງພະນັກງານກຳມະກອນ ​ແລະ ຄວາມເອົາໃຈໃສ່ ໃກ້ຊິດຕິດແທດຂອງຂອງຄະນະພັກອຳນາດການປົກຄອງທ້ອງຖິ່ນຈິ່ງເຮັດໃຫ້ບໍລິສັດສາມາດປະສົບຜົນ ສຳເລັດຢ່າງເປັນຮູບປະທຳເຊິ່ງບໍລິສັດ ມີຄວາມພູມໃຈເປັນຢ່າງຍິ່ງທີ່ລັດຖະບານລາວໄດ້ມອບຫຼຽນໄຊແຮງງານຊັ້ນ II ໃນປີ 2008 ແລະ ມາຮອດມື້ນິ້ ກໍໄດ້ຮັບຫຼຽນໄຊແຮງງານຊັ້ນ I

ຈາກລັດຖະ ບານລາວ ແລະ ໃບຍ້ອງຍໍຈາກຄະນະ ພັກ ແລະ ອຳນາດການປົກຄອງແຂວງບິ່ງ ເຢືອງນຳອີກສ່ວນໝາກຜົນ ທີ່ທາງບໍລິສັດສາມາດຍາດ ໄດ້ນັ້ນ ເຖິງແມ່ນວ່າ ມີຄວາມຫຍຸ້ງຍາກໂດຍສະເພາະແມ່ນການຜັນຂະຫຍາຍເນື້ອທີ່ຂອງໂຄງການຢູ່ໃນ 5 ເມືອງທີ່ຂຶ້ນກັບແຂວງຈຳປາສັກ ແລະ ແຂວງສາລະວັນເຊິ່ງໄລຍະທີ I ບໍລິສັດສາມາດປະຕິບັດເນື້ອທີ່ປູກຢາງໄດ້ 6.712 ຮຕ ເທົ່າກັບ 67% ຂອງຕົວ​ເລກແຜນ ການ, ໃນນັ້ນຢູ່ແຂວງຈຳ ປາສັກ ມີ​ຫລາຍ​ກວ່າ 5.236 ຮຕ, ແຂວງ ສາລະວັນ 1.476 ກວ່າ ຮຕ ເຊິ່ງ ປັດຈຸບັນຕົ້ນຢາງ​ໄດ້ໃຫຍ່​ ແລະ ຈະເລີນງອກງາມດີໂດຍ ຄາດວ່າ​ຈະເກັບກູ້ຢາງ​ໄດ້ຫຼາຍກວ່າ 2 ໂຕນ/ຮຕ ​ແລະ ມາ ຮອດເດືອນ 4/2013,ບໍລິສັດສາມາດ​ປາດຢາງ 900 ໂຕນ​ໃນ​ເນື້ອທີ່ 868 ຮຕ.

     ສະ​ເພາະປີ 2014 ຈະ​ມາ​ເຖິງນີ້ບໍລິສັດຈະນຳຈະ​ປາດ​ຢາງ​ໄດ້​ຢ່າງ​ຫນ້ອຍ 3.000 ໂຕນ ເຊິ່ງປັດຈຸບັນບໍລິສັດມີແຮງ ງານທັງ ໝົດ 1.474 ຄົນ ໃນນັ້ນ ແຮງງານລາວກວມຫຼາຍເຖິງ 1.333 ຄົນມາ​ຮອດ​ປັດຈຸບັ​ນ, ບໍລິສັດສາມາດມອບພັນ ທະອາກອນໃຫ້ລັດຖະບານລາວແລ້ວຫລາຍ​ກວ່າ 9,47 ຕື້ກີບ, ນອກນັ້ນບໍລິສັດ ຍັງໄດ້ຜັນຂະຫຍາຍໂຄງການສ້າງ ວຽກເຮັດງານທຳໃຫ້ແກ່ປະຊາຊົນນັບແຕ່ປີ 2007 ເປັນຕົ້ນມາ ເຊັ່ນ :ໄຟຟ້າ, ເຮັດທາງ, ເຈາະນ້ຳ ບາດານ, ສ້າງຂົວ, ສ້ອມແປງໂຮງຮຽນ, ວັດ ແລະ ກິດຈະກຳອື່ນໆລວມເປັນມູນຄ່າຫຼາຍກວ່າ 5 ຕື້ກີບ ແລະໃນແຕ່ລະປີບໍລິສັດຍັງໄດ້ ຄັດເລືອກພະນັກງານກຳມະກອນໄປທັດສະນະ ແລະ ພັກຜ່ອນຢູ່ ສສ.ຫວຽດນາມ.