ໃນລະຫວ່າງການດຳເນີນງານວາງສະແດງສິນຄ້າລາວ-
ຫວຽດນາມ ປະຈຳປີ 2013 ຢູ່ນະຄອນຫລວງວຽງຈັນ ນັ້ນ ໃນເຊົ້າວັນທີ 19 ກໍລະກົດນີ້,
ທູດເສດຖະກິດຫວຽດນາມ ຮ່ວມກັບກະຊວງອຸດສາຫະກຳ-ການຄ້າລາວ ແລະ ຫວຽດນາມ ພ້ອມດ້ວຍນັກ
ທຸລະກິດສອງຝ່າຍ ໄດ້ຮ່ວມກັນປຶກສາຫາລືເພື່ອຊອກຊ່ອງທາງ ແລະ ກາລະໂອກາດກະຕຸກຊຸກຍູ້ການຮ່ວມມືທຸລະກິດ,
ການພົວ ພັນການຄ້າ ແລະ ການລົງທຶນລະ ຫວ່າງສອງຝ່າຍໃຫ້ນັບມື້ຫລາຍຂຶ້ນ ເຊິ່ງການພົບປະຕ່າງກໍໄດ້ນຳສະເໜີຄວາມຫວັງ
ແລະ ບັນດາທ່າແຮງບົ່ມຊ້ອນທາງດ້ານເສດ ຖະກິດທີ່ຕົນມີຢູ່. ພ້ອມນັ້ນຕ່າງ ຝ່າຍກໍໄດ້ຊອກຮູ້ເຖິງບັນດາລະ
ບຽບການຕ່າງໆຂອງການລົງ ທຶນ, ການສ້າງສຳນັກງານຜູ້ ຕາງໜ້າ ແລະ ການຊອກຫາກາ ລະໂອກາດເພື່ອຈະໄດ້ຮ່ວມທຸລະກິດນຳກັນໃຫ້ຫລາຍຂຶ້ນ
ໂດຍສະເພາະບັນດານັກທຸລະກິດໃນແຂວງດົງນາຍ ສສ ຫວຽດນາມ ມີຄວາມຫວັງຢາກຮ່ວມມືກັບລາວໃນຂົງເຂດການຜະລິດເຟີນີເຈີຈາກໄມ້,
ຫວາຍ ແລະ ໄມ້ປ່ອງ ເພື່ອສົ່ງອອກ. ພ້ອມນັ້ນ ກໍຢາກຮ່ວມທຸລະກິດຜະລິດຢາປົວພະຍາດ
ແລະ ການປຸງແຕ່ງຜົນຜະລິດກະສິກຳອື່ນໆອີກ, ສ່ວນນັກທຸລະກິດແຂວງເບນແຈ ກໍມີທ່າແຮງດ້ານການປູກໄມ້ໃຫ້ໝາກ,
ການຜະລິດກະສິກຳ ແລະ ເຄື່ອງທະເລ ແລະ ກໍມີຄວາມຫວັງຮ່ວມທຸລະກິດກັບຝ່າຍລາວເພື່ອຜະລິດສິນຄ້າສົ່ງອອກຕາມເງື່ອນໄຂ
ແລະ ທ່າແຮງຂອງທ້ອງຖິ່ນ.
ໃນການພົບປະດັ່ງກ່າວ, ບັນ ດານັກທຸລະກິດລາວກໍມີຄວາມດີໃຈທີ່ເປັນໂອກາດໜຶ່ງທີ່ສອງຝ່າຍ
ລາວ-ຫວຽດນາມ ຈະໄດ້ເພີ່ມທະວີການພົວພັນຮ່ວມມືນຳກັນໃນຫລາຍຂົງເຂດວຽກງານ
ໂດຍສະເພາະການຮ່ວມທຸລະກິດ, ຜະລິດສິນຄ້າຕາມທ່າແຮງ ແລະ ເງື່ອນໄຂຂອງຕົນໃຫ້ມີຄຸນນະ
ພາບ ແລະ ສາມາດຍາດແຍ່ງແຂ່ງຂັນກັບພາຍນອກ, ຮ່ວມກັນນຳໃຊ້ກາລະໂອກາດ ແລະ ບູລິມະສິດທາງການຄ້າທີ່ລາວໄດ້ຮັບຈາກຕ່າງປະເທດ
ໂດຍສະເພາະບັນດາປະເທດເອີຣົບໃຫ້ມີປະສິດທິຜົນຫລາຍຂຶ້ນ. ພ້ອມນັ້ນ ກະຕຸກຊຸກຍູ້ເຮັດໃຫ້ຄາດໝາຍໂຕເລກການພົວພັນການຄ້າລະ
ຫວ່າງ ລາວ-ຫວຽດນາມ ໃຫ້ບັນ ລຸໄດ້ 2 ຕື້ໂດລາ ໃນປີ 2015.
No comments:
Post a Comment