ໃນວັນທີ 20 ກໍລະກົດນີ້ ຢູ່ສຳນັກງານໃຫຍ່ທະນາຄານລາວກໍ່ສ້າງຈຳກັດ ບ້ານໂພນສີ
ນວນ ເມືອງສີສັດຕະນາກ ນະຄອນຫຼວງວຽງຈັນ ໄດ້ມີພິທີຈັບສະຫຼາກ ມອບໂຊກໃຫ້ລູກຄ້າໂດຍການເຂົ້າຮ່ວມຂອງທ່ານ
ຢູ ຮາວ ໄອຊິນ ເຈ້ຍ ໂຫຼ ປະທານສະພາບໍລິຫານທະນາຄານດັ່ງກ່າວ ພ້ອມດ້ວຍບັນດາຜູ້ບໍລິຫານທະນາຄານ
ແລະ ລູກຄ້າເຂົ້າ ຮ່ວມເປັນຈຳນວນຫລາຍ.
ສຳລັບການຈັບລາງວັນມອບໂຊກຄັ້ງນີ້ ຂອງທະນາຄານລາວກໍ່ສ້າງ
ແມ່ນຄັ້ງໃຫຍ່ທີ່ມີລາງວັນຢ່າງຫຼວງຫຼາຍ ຄື
ລາງ ວັນທີ 1 ແມ່ນ ລົດໃຫຍ່ປຣາໂດ ແລະ ລາງວັນອື່ນໆອີກລວມມູນຄ່າຫຼາຍຮ້ອຍລ້ານກີບ
ເຊິ່ງບັນດາທ່ານທີ່ມີເງື່ອນໄຂໃນການຊິງໂຊກແມ່ນ ລູກຄ້າທີ່ເປີດບັນຊີ ເງິນຝາກປະຈຳຢູ່່ທະນາຄານດັ່ງ
ກ່າວທີ່ມີກຳນົດ 1 ປີຂຶ້ນໄປ.
ປະທານສະພາບໍລິຫານທະນາຄານ ດັ່ງກ່າວມີຄຳເຫັນວ່າ:
ການມອບໂຊກດັ່ງກ່າວກໍເພື່ອເປັນການຄືນກຳໄລໃຫ້ກັບລູກຄ້າຂອງທະນາຄານ ທີ່ໄດ້ເຂົ້າມາຝາກເງິນ
ແລະ ເປີດບັນຊີນຳທະນາຄານພວກເຮົາ. ທະນາ ຄານລາວກໍ່ ສ້າງ ແມ່ນເປັນທະນາຄານທີ່ລົງທຶນຮ່ວມລະຫວ່າງ
ສປ ຈີນ ແລະ ລາວ, ເປັນສະຖາບັນການເງິນໃຫ້ບໍລິການທາງການເງິນຕໍ່ນັກລົງທຶນ
ແລະ ປະ ຊາຊົນທົ່ວໄປ, ເຊິ່ງຜ່ານການດຳເນີນທຸລະກິດເຫັນວ່າມີຜົນສຳເລັດຫຼາຍດ້ານ
ແລະ ທະນາຄານກໍໄດ້ເຕີບໃຫຍ່ຂະຫຍາຍຕົວພຽງກວ່າ 2 ປີ ທີ່ທະນາຄານໄດ້ເຂົ້າມາລົງທຶນຢູ່ລາວ,
ທະນາຄານກໍສາ ມາດຂະຫຍາຍສາຂາຫຼາຍແຫ່ງເຊິ່ງເຮັດໃຫ້ການບໍລິການລູກຄ້ານັບມື້ກວ້າງຂວາງ
ແລະ ທົ່ວເຖິງ ເຊິ່ງໃນຕໍ່ໜ້ານີ້, ທະນາຄານກໍຈະໄດ້ມີການຈັບສະຫຼາກມອບລາງວັນໃຫ້ລູກຄ້າຂອງຕົນຕື່ມອີກເພື່ອເປັນການຄືນກຳໄລໃຫ້ເຂົາເຈົ້າ.
No comments:
Post a Comment