ກະຊວງການເງິນຍອມຮັບວ່າ: ສະພາບການສວຍໂອກາດນຳໃຊ້ຊ່ອງຫວ່າງຈາກການຍົກເວັ້ນ
ຫລື ຫລຸດຜ່ອນອັດຕາພາສີອາ ກອນຂອງໂຄງການຕ່າງໆຍັງມີຫລາຍ.
ທ່ານ ພູເພັດ ຄຳພູນວົງ ລັດ ຖະມົນຕີວ່າການກະຊວງການເງິນ
ກ່າວວ່າ: ນະໂຍບາຍຍົກເວັ້ນພາສີ-ອາກອນແມ່ນກົນໄກການປະຕິບັດທີ່ບໍ່ສະເໝີພາບ
ຈຶ່ງເກີດມີຊ່ອງຫວ່າງການສວຍໃຊ້ຂອງຜູ້ທີ່ໄດ້ຮັບນະໂຍບາຍ ເພື່ອຫາຜົນປະໂຫຍດຈາກນະໂຍ
ບາຍດັ່ງກ່າວ, ສິ່ງທີ່ເປັນບັນຫາໃນໄລຍະຜ່ານມາແມ່ນເກີດຈາກການປະຕິບັດກົດໝາຍວ່າດ້ວຍການສົ່ງເສີມການລົງທຶນຍັງບໍ່ທັນເຂັ້ມງວດ
ໂດຍສະເພາະມາດ ຕາ 52 ໄດ້ມີການກຳນົດນະໂຍ ບາຍພາສີ-ອາກອນຈະແຈ້ງ ຄື ນ້ຳມັນເຊື້ອໄຟທຸກປະເພດບໍ່ໄດ້ຮັບການຍົກເວັ້ນພາສີ-ອາກອນ,
ສ່ວນພາຫະນະໃຫ້ຍົກເວັ້ນ ສະເພາະຮັບໃຊ້ການຜະລິດເທົ່ານັ້ນ. ແຕ່ໃນຕົວຈິງແລ້ວລາຍການສິນຄ້າດັ່ງກ່າວໄດ້ມີການຍົກເວັ້
ນຫລາຍຢ່າງເຮັດໃຫ້ລາຍຮັບພາສີຈາກການນຳເຂົ້ານ້ຳມັນເຊື້ອໄຟ ເຊິ່ງເປັນລາຍຮັບພາສີສຳຄັນມີທ່າອ່ຽງຫລຸດລົງຢ່າງຕໍ່ເນື່ອງ
ຍ້ອນບັນດາປ້ຳນ້ຳມັນບໍ່ໄດ້ຊື້ນ້ຳມັນຈາກບໍລິສັດນ້ຳມັນທີ່ນຳເຂົ້າຢ່າງຖືກຕ້ອງເສຍພາສີຄົບຖ້ວນ
ແລະ ຫັນໄປຊື້ນ້ຳມັນນຳ
ໂຄງການລົງທຶນຕ່າງໆທີ່ບໍ່ໄດ້ເສຍອາກອນ. ນອກຈາກນີ້ ການຄຸ້ມຄອງອະນຸມັດມູນຄ່າໂຄງການບໍ່ຮັດກຸມເປັນຕົ້ນລາ
ຄາຫົວໜ່ວຍອາດຖືກຕ້ອງແລ້ວ, ແຕ່ປະລິມານວັດຖຸອຸປະກອນຍັງຄຸ້ມຄອງບໍ່ໄດ້ເຊັ່ນຕົວຢ່າງ:
ໂຄງ ການກໍ່ສ້າງເສັ້ນທາງ 10 ກິໂລແມັດ ຕ້ອງໃຊ້ນ້ຳມັນຮັບໃຊ້ໂຄງ ການປະມານ 1
ແສນລິດ, ແຕ່ມີການສວຍໂອກາດກຳນົດວ່າ 1-2 ລ້ານລິດ ຈຶ່ງເຫັນວ່າເປັນຊ່ອງຫວ່າງໃໝ່ສຳຄັນ.
ດັ່ງນັ້ນ ເພື່ອໃຫ້ບັນຫາດັ່ງກ່າວມີການຄຸ້ມຄອງດີກວ່າເກົ່າ, ຂະແໜງການກ່ຽວຂ້ອງຕ້ອງເພີ່ມທະວີຄວາມເຂັ້ມງວດໃນການຄວບຄຸມມູນຄ່າໂຄງການ
ໂດຍສະເພາະການກຳນົດບໍລິມາດວັດຖຸອຸປະກອນທີ່ຈຳເປັນສຳລັບການກໍ່ສ້າງໂຄງ
ການໃຫ້ແທດເໝາະກັບຄວາມເປັນຈິງ ແລະ ເພີ່ມທະວີການຕິດຕາມກວດກາປະຕິບັດໂຄງການ,
ຖ້າພົບເຫັນການນຳໃຊ້ວັດຖຸອຸປະກອນບໍ່ຖືກຕ້ອງກັບເປົ້າໝາຍ ໂດຍສະເພາະນຳເຂົ້າເພື່ອຂາຍຕ້ອງປະຕິບັດມາດຕະການວິໄນຕໍ່ຜູ້ກະທຳຜິດຢ່າງເຂັ້ມງວດຕາມກໍລະນີໜັກເບົາເປັນຕົ້ນຢຸດຕິປະ
ຕິບັດນະໂຍບາຍຕໍ່ບໍລິສັດ, ໃຊ້ມາດຕະການປັບໃໝທີ່ເໝາະສົມ ແລະ ກຳນົດຄວາມຮັບຜິດຊອບຕໍ່ຄວາມຜິດພາດຕ່າງໆ.
No comments:
Post a Comment