ໃນລະຫວ່າງວັນທີ 16-17 ກໍລະກົດ 2013 ນີ້, ທ່ານ ບຸນຍັງ ວໍລະຈິດ ຮອງປະທານປະເທດ ແຫ່ງ ສປປ ລາວ
ໄດ້ລົງ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງບໍລິຄຳໄຊ ໂດຍການຕ້ອນ ຮັບຢ່າງສົມກຽດຈາກທ່ານ
ປ້ານນ້ອຍມະນີ ເຈົ້າ ແຂວງໆບໍລິຄຳໄຊ ພ້ອມຄະນະນຳຂັ້ນແຂວງ ແລະ ເມືອງເຂົ້າຮ່ວມ.
ໃນໂອກາດການຢ້ຽມຢາມຄັ້ງນີ້, ເຈົ້າແຂວງໆບໍລິຄຳໄຊ
ໄດ້ລາຍງານສະ ພາບການພັດທະ ນາເສດຖະກິດ-ສັງຄົມ ແລະ ວຽກງານ 3 ສ້າງ ໃຫ້ຮອງປະທານ ປະເທດໄດ້ຮັບຊາບ.ຈາກນັ້ນ, ຮອງປະ
ທານປະເທດ ກໍໄດ້ມີຄຳເຫັນ ແລະ ໂອ້ລົມ ຕໍ່ການນຳພັກ-ລັດຂັ້ນແຂວງ ໂດຍທ່ານໄດ້ ຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະ ທີ່ການນຳພັກ-ລັດ
ແຂວງພ້ອມພໍ່ແມ່ ປະຊາຊົນຊາວແຂວງບໍລິຄຳໄຊ ຍາດໄດ້ໃນໄລຍະຜ່ານມາ. ພ້ອມ ທັງຮຽກຮ້ອງໃຫ້ການນຳຂັ້ນແຂວງຈົ່ງສຸມໃສ່ວຽກງານ
3 ສ້າງ ໃຫ້ໜັກແໜ້້ນເປັນຕົ້ນໃຫ້ເອົາໃຈໃສ່ແບບແຜນການນຳພາ, ແບບແຜນການເຮັດວຽກ, ສ້າງໃຫ້ສັງຄົມມີຄວາມສະຫງົບ,
ພັດທະ ນາເສດຖະກິດ-ສັງຄົມ ໃຫ້ຂະຫຍາຍຕົວ ແລະ ເອົາໃຈໃສ່ເຮັດໃຫ້ພໍ່ແມ່ປະຊາຊົນບັນດາເຜົ່າ ມີວຽກເຮັດ
ງານທຳ,
ມີລາຍຮັບຖາ ວອນ, ເອົາໃຈໃສ່ວຽກງານຮາກຖານບ້ານໃຫ້ເຂົ້າເຖິງຄອບຄົວຂອງປະຊາຊົນ, ພ້ອມທັງມີແຜນສູ້ຊົນການຜະລິດເປັນສິນຄ້າ
ເພື່ອສ້າງລາຍຮັບໃຫ້ແກ່ບ້ານ ແລະ ຄອບຄົວ ເພື່ອສູ້ຊົນໃຫ້ຫລຸດພົ້ນອອກຈາກຄວາມທຸກຍາກ. ພ້ອມນີ້
ທ່ານຍັງໄດ້ເນັ້ນໃຫ້ ແຂວງເອົາໃຈໃສ່ປັບປຸງ ຍົກສູງຄວາມສາມາດການນຳພາຂອງຄະນະພັກເມືອງເປັນສຳຄັນ,
ຍົກສູງການຄຸ້ມຄອງບໍລິຫານລັດໃຫ້ ໜັກ ແໜ້ນ,ສ້າງບຸກຄະລະກອນການນຳຂັ້ນ ຮາກຖານ ແລະ ການນຳບ້ານໃຫ້ໄດ້ບຸກ
ຄົນດີເດັ່ນປະຕິບັດວຽກງານຂອງຕົນ, ມີ ຫົວຄິດປະດິດສ້າງເພື່ອນຳພາປະຊາຊົນສ້າງລາຍໄດ້ ແລະ
ມີບ່ອນຊື້-ຂາຍ ຖາວອນເຮັດໃຫ້ຄອບຄົວມີຊີວິດການເປັນຢູ່ດີທີ່ ຂຶ້ນ.
ໃນໂອກາດດຽວກັນ, ຮອງປະທານປະເທດພ້ອມຄະນະຍັງໄດ້ລົງຊີ້ນຳວຽກງານ
3 ສ້າງ ຢູ່ກຸ່ມບ້ານພັດທະນາຜາເມືອງ ເມືອງບໍລິຄັນ, ບ້ານສີວິໄລ ເມືອງປາກຊັນຕື່ມອີກ.
No comments:
Post a Comment