ຜົນກອງປະຊຸມລັດຖະບານປະຈຳເດືອນສິງຫາ 2013

           ກອງປະຊຸມຖະບານສະໄໝສາມັນປະຈຳເດືອນສິງຫາ 2013 ໄດ້ໄຂຂຶ້ນແຕ່ ວັນທີ 22-23 ສິງຫານີ້ ພາຍໃຕ້ການເປັນ ປະທານຂອງທ່ານ ທອງສິງ ທຳມະວົງ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ແລະ ສະມາຊິກໃນ ຄະນະລັດຖະບານເຂົ້າຮ່ວມ.          

           ບັນຫາທີ່ນໍາມາຄົ້ນຄວ້າ, ປຶກສາຫາລືປະກອບມີ:1).ຮັບຮອງບົດລາຍງານ ຜົນການກວດສອບບົດສະຫລຸ ຂາດຕົວການຈັດຕັ້ງປະຕິບັດແຜນງົບປະ ມານແຫ່ງ ລັດສົກປີ 2010-2011 ຊຶ່ງເປັນປີທີໜຶ່ງຂອງການຈັດຕັ້ງປະຕິບັດແຜນພັດທະນາ ເສດຖະກິດ- ສັງຄົມ 5 ປີຄັ້ງທີ VII, ເຊິ່ງບົດ ລາຍງານໄດ້ຍົກໃຫ້ເຫັນການຈັດ ເກັບລາຍຮັບ-ລາຍຈ່າຍ, ແຫລ່ງດຸ່ນດ່ຽງງົບປະ ມານ ແລະ ຜົນການກວດສອບລາຍຮັບງົບ ປະມານ. ໂດຍລວມແລ້ວດ້ານລາຍຮັບງົບປະມານແຫ່ງລັດແມ່ນມີຄວາມຖືກຕ້ອງ ກັບຕົວຈິງຮອດມື້ປິດສະຫລຸບຂາດຕົວ ງົບປະມານແຫ່ງລັດ, ປະຕິບັດໄດ້ເກີນແຜນການບໍ່ວ່າຢູ່ສູນກາງ ແລະ ທ້ອງຖິ່ນ. ພ້ອມນັ້ນ, ໄດ້ຍົກໃຫ້ເຫັນບາງບັນຫາຂໍ້ຄົງ ຄ້າງທີ່ຈະໄດ້ສືບຕໍ່ເອົາໃຈໃສ່ແກ້ໄຂໃນຕໍ່ໜ້າເປັນຕົ້ນການເພີ່ມທະວີຄວາມເຂັ້ມງວດໃນການ ຈັດຕັ້ງປະຕິບັດກົດໝາຍ ແລະ

ລະບຽບການເງິນ, ຄົ້ນຄວ້ານິຕິກໍາໃນການຄຸ້ມຄອງການຈັດເກັບລາຍຮັບ-ລາຍຈ່າຍວິຊາການ, ການກໍານົດຄັງແຮໃຫ້ຈະແຈ້ງ. ພ້ອມດຽວກັນນັ້ນ, ຕ້ອງໄດ້ແຈ້ງໃຫ້ບັນດາແຂວງ ແລະ ນະຄອນຫລວງດໍາເນີນການຈັດຕັ້ງປະ ຕິບັດມະຕິຂອງສະພາແຫ່ງຊາດ ສະບັບເລກທີ 01/ສພຊ, ລົງ ວັນທີ 26 ກໍລະກົດ 2013 ຢ່າງ ເຂັ້ມງວດ,ຮັບຮອງຮ່າງດຳລັດ ວ່າດ້ວຍການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ສົກປີ 2013-2014 ເຊິ່ງ ແຜນດັ່ງກ່າວໄດ້ກຳນົດທິດທາງລວມ, ຄາດໝາຍຕົ້ນຕໍ, ການຜະລິດເປັນສິນຄ້າ, ສູ້ຊົນບັນລຸເປົ້າໝາຍສະຫັດສະວັດດ້ານການ ພັດທະນາ, ວຽກງານສ້າງແຂວງໃຫ້ ເປັນຫົວໜ່ວຍຍຸດທະສາດ, ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ ແລະ ສ້າງ ບ້ານເປັນຫົວໜ່ວຍພັດທະນາ, ການຈັດຕັ້ງປະຕິບັດແຜນການລົງທຶນຂອງລັດ ແລະ ການແກ້ໄຂໜີ້ສິນການລົງທຶນຂອງລັດ, ການມອບໝາຍວຽກ ແລະ ຄວາມຮັບຜິດຊອບໃຫ້ກະຊວງ-ອົງການຂັ້ນສູນກາງ ແລະ ອົງການປົກຄອງທ້ອງຖິ່ນລວມທັງການ ກະກຽມສ້າງແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ສົກປີ 1014-2015. ທັງໝົດນີ້, ເປັນ ແຜນ ສືບຕໍ່ບຸກທະລຸທັງ 4 ດ້ານ ຕາມມະຕິຂອງກອງປະຊຸມໃຫຍ່ ຄັ້ງທີ IX ຂອງພັກ ຄື: ບຸກທະລຸທາງດ້ານຈິນຕະນາການ ; ບຸກ ທະລຸທາງດ້ານການພັດທະນາ ຊັບພະຍາກອນມະນຸດ ແລະ ຍົກສູງຄຸນນະພາບການສຶກສາ; ບຸກ ທະລຸດ້ານກົນໄກ, ລະບອບ, ລະບຽບການບໍລິຫານ ແລະ ບຸກທະລຸທາງດ້ານການແກ້ໄຂຄວາມທຸກຍາກຂອງປະຊາຊົນ, ຮັບຮອງຮ່າງກົດໝາຍວ່າດ້ວຍ ວຽກງານປ້ອງກັນຄວາມສະຫງົບແຫ່ງຊາດຊຶ່ງໄດ້ກໍານົດຫລັກການ, ລະບຽບການ ແລະ ມາດຕະການ ກ່ຽວກັບວຽກງານ ປ້ອງ ກັນຄວາມສະຫງົບເພື່ອເຮັດໃຫ້ວຽກງານດັ່ງກ່າວເປັນຄວາມ ຮັບຜິດຊອບຂອງທົ່ວປວງຊົນລາວທັງຊາດ ເຂົ້າໃນການເຮັດ ໜ້າ ທີ່ປ້ອງກັນຄວາມສະຫງົບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມ ຢ່າງເປັນຂະບວນ ໜັກແໜ້ນ ເຂັ້ມແຂງແນໃສ່ເຮັດໃຫ້ປະເທດຊາດ ມີສະຖຽນລະພາບ, ມີຄວາມປອດໄພຮັບປະກັນໃຫ້ແກ່ການ ພັດທະນາເສດຖະ ກິດ, ວັດທະນະທຳ-ສັງຄົມຂອງຊາດມີຄວາມສະຫງົບ ແລະ ໝັ້ນຄົງ, ກອງປະຊຸມໄດ້ຄົ້ນຄ້ວາ ແລະ ປຶກສາຫາລື ດ້ວຍຄວາມຮັບ ຜິດຊອບຢ່າງສູງຕໍ່ຮ່າງດຳລັດວ່າດ້ວຍຄວາມເຊື່ອ ແລະ ສາສະໜາ. ກອງປະຊຸມໄດ້ຊີ້ນຳໃຫ້ພາກສ່ວນກ່ຽວຂ້ອງສືບຕໍ່ນຳ ໄປ ຄົ້ນຄວ້າໃຫ້ເລິກເຊິ່ງ ແລະ ຈັດສຳມະນາໃຫ້ກ້ວາງຂວາງຕື່ມ ໂດຍໃຫ້ກວດກາຄືນນິຕິກຳຕ່າງໆທີ່ກ່ຽວຂ້ອງບໍ່ໃຫ້ເກີດຊ່ອງ ຫວ່າງຕໍ່ຜູ້ບໍ່ຫັວງດີໂດຍສວຍໃຊ້ໄປໃນທາງທີ່ບໍ່ຖືກຕ້ອງ ແລະ ຜິດຕໍ່ລະບຽບກົດໝາຍກໍຄື ລັດຖະທຳມະນູນ, ປຶກສາຫາລື ບາງມາດຕາຂອງກົດໝາຍວ່າດ້ວຍອາກອນມູນຄ່າເພີ່ມເພື່ອສະເໜີຕໍ່ຄະນະປະຈຳສະພາແຫ່ງຊາດກ່ຽວກັບການຍົກເວັ້ນອາ ກອນມູນຄ່າເພີ່ມສຳລັບການນຳເຂົ້າເຄື່ອງກົນຈັກ, ອຸປະກອນ, ວັດຖຸດິບທີ່ຈະນຳມາທຳການ ຜະລິດແນໃສ່ສ້າງ ເງື່ອນໄຂເອື້ອ ອຳນວຍທີ່ເໝາະສົມໃຫ້ແກ່ຜູ້ລົງທຶນຢູ່ລາວຖ້າວ່າຄະນະປະຈໍາສະພາແຫ່ງຊາດພິຈາລະນາ ແລະ ເຫັນດີກໍຈະສາມາດປະຕິ ບັດກ່ອນການປັບປຸງກົດໝາຍສະບັບດັ່ງກ່າວ, ຮັບຮອງບົດລາຍງານກ່ຽວກັບໂຄງການປະກວດນາງສາວລາວປະຈຳປີ 2013, ຈຸດປະສົງແມ່ນເພື່ອສົ່ງເສີມ ແລະ ເຜີຍແຜ່ລວມທັງອະນຸລັກຮັກສາ ແລະ ເສີມຂະຫຍາຍຄຸນຄ່າເອກະລັກວັດທະນະທຳ ຂອງຊາດເປັນຕົ້ນການນຸ່ງຖື, ຫົວຄິດປະດິດສ້າງ, ສີໄມ້ລາຍມືການຕໍ່າຫູກທໍໄໝຂອງແມ່ຍິງລາວບັນດາເຜົ່າ, ການເວົ້າຈາສຸ ພາບອ່ອນໂຍນ, ການເຄົາລົບນົບໄຫ້ວ ພ້ອມທັງເປັນການສະແດງໃຫ້ເຫັນວ່າປະເທດເຮົາ ກໍຄືປະຊາຊົນລາວມີການເຕີບໃຫຍ່ ເຂັ້ມແຂງທັງພັດທະນາດ້ານຮ່າງກາຍຈິດໃຈ,ຄວາມຮູ້ຄວາມ ສາມາດບວກກັບແມ່ຍິງລາວຮູ້ຈັກລ້ຽງດູ, ສຶກສາອົບຮົມລູກເຕົ້າ ຖືກລັກສະນະສຸຂະອານາໄມ, ການກິນຢູ່ຖືກຫລັກໂພສະນາການ. ອັນສຳຄັນແມ່ນລັດສົ່ງເສີມການເຄື່ອນໄຫວວັດທະນະທຳ ທັງເປັນການປົກປັກຮັກສາມໍລະດົກທາງດ້ານວັດທະນະທຳຂອງຊາດ. ກອງປະຊຸມໄດ້ເຫັນດີໂດຍພື້ນຖານເພື່ອຈັດງານປະ ກວດດັ່ງກ່າວ ໂດຍມີການຈັດຕັ້ງ, ມີການຄຸ້ມຄອງໃຫ້ດີ, ແນໃສ່ສົ່ງເສີມດ້ານຕັ້ງໜ້າ ແລະ ແກ້ໄຂສິ່ງຫຍໍ້ທໍ້ໃນພາກປະຕິບັດ ຕົວຈິງ.              

            ທ່ານນາຍົກລັດຖະມົນຕີ ໄດ້ຊີ້ນຳໃຫ້ບັນດາກະຊວງ ແລະ ພາກສ່ວນທີ່ກ່ຽວຂ້ອງສືບຕໍ່ນຳເອົາເອກະສານ ຕ່າງໆທີ່ກ່ າວມາຂ້າງເທິງນັ້ນນຳໄປປັບປຸງໃຫ້ລະອຽດ, ຈະແຈ້ງຕາມຄວາມເຫັນຂອງບັນດາສະມາຊິກລັດຖະບານເພື່ອຮັບປະກັນໃຫ້ມີ ເນື້ອໃນຄົບຖ້ວນ, ຮັດກຸມ, ຊັດເຈນສາມາດຈັດຕັ້ງປະຕິບັດໄດ້ທັງບໍ່ຂັດກັບນິຕິກຳອື່ນໆ ແລະ ບໍ່ສ້າງໃຫ້ມີຊ່ອງຫວ່າງ ແລະ ສະເໜີໃຫ້ສະມາຊິກລັດຖະບານ ເອົາໃຈໃສ່ຈັດຕັ້ງປະຕິບັດວຽກງານຈຸດສຸມ ແລະ ແກ້ໄຂບັນຫາຕ່າງໆທີ່ກ່ຽວຂ້ອງກັບ ຄວາມ ຮັບຜິດຊອບຕາມຂະແໜງການຂອງຕົນໃນເດືອນກັນຍາ 2013 ດັ່ງນີ້:ວຽກງານຮີບດ່ວນສະເພາະໜ້ານີ້, ໃຫ້ບັນດາກະຊວງ-ອົງການທີ່ກ່ຽວຂ້ອງຮີບຮ້ອນລົງໄປສົມທົບກັບບັນດາແຂວງ ທີ່ຖືກອຸທົກກະໄພເພື່ອສົງເຄາະຊ່ວຍເຫລືອປະຊາຊົນ ຜູ້ປະສົບ ເຄາະຮ້າຍຈາກໄພນ້ຳຖ້ວມໂດຍໄວ, ພ້ອມກັນນີ້, ກໍຮີບຮ້ອນສ້ອມແປງຟື້ນຟູຖະໜົນຫົນທາງ, ໄຟຟ້າ ແລະ ຟື້ນ ຖານໂຄງລ່າງ ອື່ນໆ ນັບທັງຟື້ນ ຖານ ການຜະລິດຂອງປະຊາຊົນ ໃຫ້ກັບຄືນສູ່ສະພາບປົກກະຕິໂດຍ ໄວ,ໃຫ້ສືບຕໍ່ຕັ້ງໜ້າແກ້ໄຂ ແລະ ສະກັດກັ້ນການລະບາດຂອງພະ ຍາດໄຂ້ຍຸງ ລາຍໃຫ້ຢຸດຕິລົງ ໂດຍໄວ,ໃຫ້ບັນດາກະຊວງ ແລະ ອົງການທີ່ກ່ຽວຂ້ອງຕັ້ງໜ້າຈັດ ເກັບລາຍຮັບງົບປະມານ ໃນ ເດືອນ ສຸດທ້າຍຂອງສົກປີງົບປະ ມານ 2012-2013 ໃຫ້ໄດ້ຕາມ ຄາດໝາຍ;ເອົາໃຈໃສ່ແກ້ ໄຂບັນຫາເງິນເດືອນທີ່ຍັງຄ້າງຄາ ຜ່ານ ມາໃຫ້ໄວ;ເອົາໃຈໃສ່ຕິດຕາມ, ກວດກາ,ຄຸ້ມຄອງລາຄາສິນຄ້າ ແລະ ອັດຕາແລກປ່ຽນ ແລະ ມີມາດຕະການແກ້ໄຂຢ່າງຕັ້ງໜ້າ ແລະ ເໝາະສົມກວ່າເກົ່າ, ຈຳກັດ ໄພເງິນເຟີ້ໃຫ້ຢູ່ໃນຂອບທີ່ສາມາດຄວບຄຸມໄດ້, ໃຫ້ ບັນດາກະຊວງ, ອົງການ ແລະ ທ້ອງຖິ່ນຕັ້ງໜ້າກະກຽມເງື່ອນໄຂ ແລະ ຄວາມພ້ອມດ້ານຕ່າງໆເພື່ອຈັດຕັ້ງປະຕິບັດແຜນພັດ ທະນາເສດຖະກິດ- ສັງຄົມ ແລະ ແຜນງົບປະມານສົກປີ 2013-2014 ເຊິ່ງຈະເລີ່ມ ໃນວັນທີ 1 ຕຸລາ 2013 ເປັນຕົ້ນ ໄປ ໃຫ້ມີບາດກ້າວໃໝ່ທີ່ຕັ້ງໜ້າກວ່າເກົ່າ,ໃຫ້ກະຊວງສຶກສາທິການ ແລະກິລາເປັນເຈົ້າການສົມທົບກັບກະຊວງທີ່ກ່ຽວຂ້ອງ ແລະ ອົງການປົກຄອງ ທ້ອງຖິ່ນ ທຸກຂັ້ນເພື່ອຫ້າງຫາກະກຽມ ຄວາມພ້ອມດ້ານຕ່າງໆ ໃຫ້ແກ່ ການເປີດສົກຮຽນໃໝ່ປະຈຳປີນີ້ ຢ່າງມີຄວາມຮັບຜິດຊອບສູງ ແລະ ບັນຍາກາດເບີກບານມ່ວນ ຊື່ນຂອງບັນດາລູກຫລານ ນັກ ຮຽນ-ນັກສຶກສາ ແລະ ຄູອາ ຈານໃນທົ່ວປະເທດ, ໃຫ້ເອົາໃຈໃສ່ວຽກງານປ້ອງກັນຊາດ-ປ້ອງກັນ ຄວາມສະຫງົບ ເພື່ອຮັບປະກັນໃຫ້ມີຄວາມສະຫງົບ-ປອດໄພ ແລະ ຄວາມເປັນລະບຽບຮຽບຮ້ອຍຢູ່ໃນສັງຄົມ, ແກ້ໄຂປະກົດການຫຍໍ້ທໍ້ຕ່າງໆໃຫ້ມີອັນຫລຸດລົງ ໂດຍເອົາໃຈໃສ່ ຄຸ້ມຄອງ, ສຶກສາອົບຮົມລູກຫລານໃຫ້ດີກວ່າເກົ່າ ໂດຍເລີ່ມຈາກຄອບຄອບພະນັກງານ-ລັດຖະກອນບັນດາກະຊວງຂະແໜງ ການຕະຫລອດເຖິງປະຊາຊົນເຂດຕົວເມືອງ ແລະ ທ້ອງຖິ່ນຕ່າງໆ ແລະ ເອົາໃຈໃສ່ກະກຽມເນື້ອໃນ ແລະ ເຂົ້າຮ່ວມການ ດຳເນີນຊີວິດການເມືອງຂອງສະມາຊິກລັດຖະບານໃນໂອກາດເຂົ້າຮ່ວມກອງປະຊຸມປະຈຳປີໃນເດືອນກັນຍາ 2013 ນີ້.