ໄຂ້ເລືອດອອກເລີ່ມຫລຸດລົງຜ່ອນລົງແລ້ວ ແຕ່ໃຫ້ສືບຕໍ່ເຝົ້າລະວັງ

     ວັນທີ 22 ສິງຫານີ້, ທ່ານ ຮອງສາສະດາຈານ ດຣ. ຄຳເປ ພົງສະຫວັດ ຜູ້ອຳນວຍການໂຮງ ໝໍເສດຖາທິຣາດ ໄດ້ໃຫ້ສ ຳພາດ ຕໍ່ນັກຂ່າວລາວພັດທະນາພວກ ເຮົາວ່າ: ຜ່ານຈາກການຕິດຕາມ, ເອົາໃຈໃສ່ປິ່ນປົວຄົນເຈັບທີ່ຕິດ ພະຍາດໄຂ້ເລືອດ ອອກ ຢູ່ໂຮງໝໍ ຂອງຕົນໃນອາທິດຜ່ານມາເຫັນ ວ່າການລະບາດຂອງພະຍາດດັ່ງ ກ່າວໂດຍທົ່ວໄປມີທ່າອ່ຽງຫລຸດລົງ, ແຕ່ເຖິງ ຢ່າງໃດ ກໍຢາໃຫ້ປະຊາຊົນເອົາໃຈໃສ່ສືບຕໍ່ເຝົ້າລະວັງຕໍ່ໄປເລື້ອຍໆຈົນກວ່າຈະໝົດລະດູຝົນນີ້.

    ອຳນວຍການໂຮງໝໍເສດຖາທິ ຣາດ ກ່າວວ່າ: ໂຮງໝໍຂອງຕົນກໍ ແມ່ນໜຶ່ງໃນບັນດາໂຮງໝໍໃຫຍ່ຢູ່ນະຄອນຫລວງວຽງຈັນ ທີ່ໄດ້ຮັບ ພາລະອັນໜັກໜ່ວງໃນການປິ່ນ ປົວຄົນເຈັບໄຂ້ເລືອດອອກ ເຊິ່ງ ເລີ່ມແຕ່ຕົ້ນປີມາຈົນຮອດປັດຈຸບັນໂຮງໝໍໄດ້ຮັບ ຄົນເຈັບທັງໝົດ 3 ພັນກວ່າຄົນ, ໃນນັ້ນ ຫລາຍ ກວ່າ 1.000 ຄົນ ແມ່ນໄດ້ເຂົ້າຮັກ ສາປິ່ນປົວຢູ່ໂຮງໝໍຂອງຕົນ ແລະ ໂຊກບໍ່ ດີມີຜູ້ເສຍຊີວິດ 7 ຄົນ ເປັນ ຜູ້ໃຫຍ່ 2 ຄົນ ແລະ ເດັກນ້ອຍ 5 ຄົນ ໂດຍສະເພາະຢູ່ໃນໄລຍະ 2 ເດືອນຜ່ານມາ ເປັນເດືອນ ທີ່ມີການລະບາດຮຸນແຮງ ເຊິ່ງແຕ່ລະ ມື້ຈະມີຄົນເຈັບໄຂ້ເລືອດອອກເຂົ້າ ມາກວດ ແລະ ປິ່ນປົວບໍ່ຕ່ຳກວ່າ 100 ກໍລະນີ, ແຕ່ ມາຮອດຕົ້ນອາ ທິດນີ້ ການລະບາດຂອງພະຍາດດັ່ງກ່າວໄດ້ມີທ່າອ່ຽງຫລຸດລົງ ແລ້ວ, ແຕ່ເຖິງຢ່າງໃດ ໃນໄລຍະຜ່ານມາ

ທາງໂຮງໝໍກໍພົບຄວາມ ຫຍຸ້ງຍາກຫລາຍຢ່າງ ໂດຍສະ ເພາະສະຖານທີ່ຮອງຮັບ ແລະ   ຕຽງນອນຄົນເຈັບບໍ່ພຽງພໍ ຕ້ອງ ໄດ້ເສີມຕຽງນອນເຂົ້າຕື່ມ, ແຕ່ ຄຽງຄູ່ກັນນັ້ນ ກໍໜ້າດີໃຈ ໄດ້ມີ ຫລາຍພາກສ່ວນ ແລະ ບຸກຄົນ ເຂົ້າມາໃຫ້ການບໍລິຈາກວັດ ຖຸອຸ ປະກອນຕ່າງໆເຊັ່ນ: ຕຽງນອນ, ໝອນ, ມຸ້ງ, ຜ້າຫົ່ມ ແລະ ອື່ນໆ ໃຫ້ໂຮງໝໍຢ່າງຫລວງຫລາຍ ແລະ ທາງກະຊວງສາທາ ລະນະສຸກກໍໄດ້ສົ່ງນັກສຶກສາອາສາສະໝັກເຂົ້າມາຊ່ວຍຈຳນວນໜຶ່ງເພື່ອໃຫ້ການບໍລິການປິ່ນປົວຄົນ ເຈັບໄດ້ທ່ວງທັນເວລາ ແລະ ທົ່ວເຖິງ, ພ້ອມນັ້ນທາງໂຮງງານຜະລິດຢາກໍສາມາດຕອບສະໜອງຢາໄດ້ຕາມຄວາມຕ້ອງການເປັນຢ່າງດີ.

    ຮອງສາສະດາຈານ ດຣ. ຄຳ ເປ ກ່າວອີກວ່າ: ເພື່ອຮັບມືກັບສະ ພາບການລະບາດທີ່ຮ້າຍແຮງ ຂອງພະຍາດດັ່ງກ່າວ, ທາງ ໂຮງໝໍຂອງຕົນໄດ້ເອົາໃຈໃສ່ຕິດຕາມ ສຸມໃສ່ວຽກປິ່ນປົວຄົນເຈັບຢ່າງ ເອົາຈິງເອົາຈັງເຊັ່ນ: ຖ້າຄົນເຈັບ ມີອາການຮຸນແຮງ ຫລື ຊ໋ອກ, ຕ້ອງເຝົ້າຕິດຕາມຕະຫລອດທຸກ ຊົ່ວໂມງ. ນອກນັ້ນ ແພດຜູ້ຊ່ຽວ ຊານພາຍໃນໂຮງໝໍໄດ້ປຶກສາຫາ  ລື, ຖອດຖອນ ບົດຮຽນເຊິ່ງກັນ ແລະ ກັນທຸກໆມື້ ແລະ ຖອດຖອນ ບົດຮຽນກັບບັນດາໂຮງໝໍໃຫຍ່ ອື່ນໆເປັນປະຈຳ ເພື່ອສາມາດຮັບ ມືກັບ ພະຍາດດັ່ງກ່າວ ໃນນີ້ສິ່ງ ສຳຄັນແມ່ນທາງໂຮງໝໍໄດ້ຈັດ ຕັ້ງທີມງານຜູ້ຊ່ຽວຊານສະເພາະ ແລະ ມີນະໂຍບາຍຕໍ່ວຽກດັ່ງກ່າວ ເປັນຢ່າງດີ ແລະ ໂອກາດນີ້, ທ່ານຍັງໄດ້ຮຽກຮ້ອງໃຫ້ປະຊາ ຊົນຈົ່ງໄດ້ສືບຕໍ່ເຝົ້າລະວັງ, ເຖິງວ່າປັດຈຸບັນ ການລະບາດຂອງ ພະຍາດໄຂ້ຍຸງລາຍຈະມີທ່າອ່ຽງຫລຸດລົງ, ແຕ່ກໍຍັງມີກໍລະນີຮຸນ ແຮງເຂົ້າມາປິ່ນປົວເລື້ອຍໆ ແລະ ສິ່ງສຳຄັນແມ່ນເວລາຮູ້ວ່າ ຕົນເອງເປັນໄຂ້ໃຫ້ໄປພົບແພດຜູ້ຊ່ຽວຊານໂດຍໄວ ແລະ ບໍ່ໃຫ້ປະໝາດເດັດຂາດ. ນອກນີ້ແມ່ນໃຫ້ ເປັນເຈົ້າການຊ່ວຍກັນ ທຳລາຍແຫລ່ງເພາະພັນຂອງຍຸງລາຍເປັນປະຈຳຈົນກວ່າຈະໝົດລະດູຝົນ ແລະ ພະຍາດດັ່ງກ່າວຈະໝົດໄປ.