ນັກສຶກສາລາວ 37 ຄົນໄດ້ຮັບທຶນສຶກສາຕໍ່ຢູ່ເອີຣົບ

       ສຳນັກງານຜູ້ຕາງໜ້າສະຫະພາບເອີຣົບ ທີ່ນະຄອນຫລວງ ວຽງຈັນ,ໄດ້ຈັດງານພົບ ປະຜູ້ທີ່ໄດ້ ຮັບທຶນການສຶກສາເອລັສ ມູສ ມູສ ດູສ(Erasmus Mundus) ຂອງສະ ຫະພາບເອີຣົບ ທີ່ຈະເດີນທາງໄປ ສຶກສາໃນທຸກລະດັບ ນັບແຕ່ການ ເຝຶກອົບ ຮົມວິຊາສະ ເພາະໄລຍະ ສັ້ນຈົນຮອດລະດັບປະລິນຍາເອກ ທີ່ປະເທດຕ່າງໃນສະຫະພາບເອີ ຣົບ.ອີຢູ ສະໜອງ 36 ທຶນສຶກສາ ພາຍໃຕ້ກອບແຜນງານຮ່ວມມືເອລັສມູສມູນດູສ ແລະ ອີກໜຶ່ງ ທຶນພາຍໃຕ້ຂອບເປີດແກ່ນັກສຶກສາລາວສຳລັບປີການ ສຶກສາ 2013.

           ໂຄງການທຶນການສຶກສາເອລັສມູສມູນດູສໃຫ້ການຊ່ວຍເຫລືອທາງດ້ານ ການ ເງິນແກ່ສະຖາບັນແລະທຶນການສຶກສາສຳລັບທຸກຄົນໂຄງການນີ້ມີເປົ້າໝາຍຍົກສູງ ຄຸນນະ ພາບການສຶກສາລະດັບສູງໂດຍຜ່ານການສະໜອງທຶນສຶກສາ ແລະ ການຮ່ວມມືວິຊາ ການລະຫວ່າງເອີຣົບ ແລະ ປະເທດຕ່າງໆໃນທົ່ວໂລກ ແລະ ກໍເປັນການພັດທະນາຄວາມຮູ້ຄວາມສາມາດໃນການ ປະຕິບັດ ໜ້າທີ່ຂອງນັກຮຽນ ແລະ ບັນດາພະນັກງານທີ່ມາຈາກປະເທດຄູ່ຮ່ວມມື.

        ໂຄງການ ເອລັສມູສ ມູນດູສ ນັບມື້ນັບມີຄວາມເຂັ້ມແຂງນັບແຕ່ມີການສ້າງຕັ້ງຂຶ້ນໃນປີ 2004 ໂຄງການນີ້ໄດ້ກາຍເປັນ ໜຶ່ງໃນບັນດາໂຄງການແລກປ່ຽນທີ່ໄດ້ຮັບຄວາມນິຍົມລະດັບແຖວໜ້າຂອງສາກົນຍ້ອນມີເປົ້າໝາຍທີ່ ສຸມໃສ່ຄຸນນະພາບ ແລະ ຄວາມເປັນເລີດ, ໂຄງການນີ້ໄດ້ເຮັດຫລ້ອນໜ້າທີ່ຢ່າງໜ້າຍົກຍ້ອງໃນການສົ່ງເສີມການສຶກສາລະດັບສູງຂອງເອີຣົບໃນ ເວທີສາກົນ.

             ທ່ານ ມີແຊນ ໂກແຟງ ອຸປະທູດສຳນັກງານຜູ້ຕາງໜ້າສະຫະພາບເອີຣົບ ກ່າວໃນພິທີພົບປະວ່າ:ການສຶກສາມີ ບົດບາດ ສຳຄັນໃນການພັດທະນາຂອງແຕ່ລະປະເທດເພື່ອສະໜອງຄວາມຮູ້ຄວາມສາມາດແກ່ຄົນຮຸ້ນໜຸ່ມຍ້ອນມີການສົ່ງ ເສີມການແລກປ່ຽນການສຶກສາກັບປະເທດ ຕ່າງໆໃນທົ່ວໂລກ ລວມທັງ ສປປ ລາວ ພວກເຮົາໄດ້ສະໜອງອາວຸດອັນແຫລມ ຄົມໃຫ້ກັບຜູ້ທີ່ໄດ້ຮັບທຶນໃນການປະຕິບັດໜ້າທີ່ຂອງເຂົາເຈົ້າໃນອານາຄົດ ແລະ ກໍເພື່ອເປັນການຮຽນຮູ້ ແລະ ເຂົ້າໃຈເຊິ່ງກັນ ແລະ ກັນ.

         ແຕ່ປີ 2004 ເປັນຕົ້ນມາ, ນັກສຶກສາຈາກລາວໄດ້ຮັບທຶນຈາກໂຄງການເອລັສມູສມູນດູສ ໃນຂອບທຶນເປີດ ເພື່ອສຶກ ສາຕໍ່ໃນລະດັບປະລິນຍາໂທ ແລະ ໃນຂະນະ ທີ່ 132 ທ່ານ ໄດ້ຮັບທຶນໃນຂອບໂຄງການຮ່ວມມືເພື່ອສຶກສາຕໍ່ ໃນທຸກລະດັບ ຕັ້ງແຕ່ການເຝິກອົບຮົມວິຊາການ, ປະລີນຍາຕີ, ປະລິນຍາໂທ ຈົນເຖິງປະລີນຍາເອກ ແລະ ຫລັງມະຫາໃນຈຳນວນດັ່ງກ່າວ, ຜູ້ທີ່ໄດ້ຮັບທຶນ 37 ທ່ານ ສຳລັບສົກປີການສຶກສາ 2013 ນີ້ ແມ່ນຈະໄດ້ອອກເດີນທາງ ໄປ ຍັງບັນດາປະເທດເອີຣົບເພື່ອຮຽນ ຮູ້ປະສົບການທາງດ້ານການສຶກສາ, ວັດທະນາທຳ ແລະ ສັງຄົມທີ່ໃໝ່ ແລະ ແຕກຕ່າງຈາກເດີມ. ນອກຈາກນີ້ ລາວຍັງຈະ ໄດ້ຮັບທຶນການສຶກສາຈຳນວນ 26 ທຶນ ພາຍໃຕ້ຂອບແຜນງານຮ່ວມມືສຳລັບປີການສຶກສາ 2014 ສະນັ້ນບັນດາທ່ານທີ່ມີ ຄວາມສົນໃຈກໍໃຫ້ກະກຽມເພື່ອການຄັດເລືອກໄດ້.