ລາວເປີດໂຄງການຝາກທ້ອງແລະເກີດລູກແບບບໍ່ເສຍຄ່າເປັນຄັ້ງທຳອິດໂດຍໄດ້ຮັບທຶນສະໜັບສະໜູນຈາກສິງກະໂປ

       ພິທີເປີດໂຄງການຝາກທ້ອງ ແລະ ເກີດລູກບໍ່ໄດ້ເສຍຄ່າ, ໄດ້ຈັດຂຶ້ນຢູ່ໂຮງ ໝໍເ ມືອງໄຊທານີ ນະຄອນຫລວງວຽງຈັນ ໃນ ວັນ ທີ 20 ສິງຫານີ້ ໂດຍມີທ່ານ ສຈ. ດຣ. ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາທາລະນະສຸກ, ທ່ານ ນາງ ຄັງ ຊຽວ ເຄັ່ງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງປະ ເທດສິງ ກະໂປປະຈຳລາ ວພ້ອມດ້ວຍແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.

          ການຈັດຕັ້ງປະຕິບັດໂຄງການຝາກທ້ອງ ແລະ ເກີດລູກແບບບໍ່ເສຍຄ່າດັ່ງ ກ່າວນີ້ ຈັດຂຶ້ນເປັນຄ້ັງທຳອິດໂດຍໄດ້ຮັບ ການຮ່ວມມືຈາກສະຖານທູດສິງກະໂປປະຈຳລາວ, ສະໂມສອນມິດຕະພາບລາວ- ສິງກາໂປ ແລະ ສູນການແພດສາກົນອະ ໄລແອັນ ເຊິ່ງໄດ້ຮັບທຶນສະໜັບສະໜູນຈາກບໍລິສັດຕ່າງໆປະມານ 20.000ໂດລາ

ສະຫະລັດ. ໂຄງການດັ່ງກ່າວມີໄລຍະ ຈັດຕ້ັງປະຕິບັດເປັນເວລາ 1 ປີ ແລະ ຈະຮັບແມ່ຍິງຖືພາທີ່ ເຂົ້າຮ່ວມໂຄງການນີ້ປະ ມານ 100 ຄົນ. ນອກຈາກຝາກທ້ອງ ແລະ ເກີດລູກແບບທຳມະຊາດໂດຍບໍ່ເສຍຄ່າແລ້ວເຂົາເຈົ້າຍັງຈະໄດ້ຮັບຄຳແນະນຳກ່ຽວ ກັບ ການຮັກສາສຸຂະພາບ, ການກະກຽມ ຕົນເອງກ່ອນເກີດລູກ, ການເບິ່ງແຍງເດັກອ່ອນ, ການຮັກສາສຸຂະພາບຫລັງເກີດ ແລະ ຄ່າໃຊ້ຈ່າຍຈຳນວນໜຶ່ງໃນເວລາເດີນ ທາງມາຝາກທ້ອງຢູ່ໂຮງໝໍ. ເປົ້າໝາຍຂອງຜູ້ທີ່ເຂົ້າຮ່ວມໂຄງການນີ້ ແມ່ນເນັ້ນໃສ່ ຜູ້ທຸກຍາກ, ແມ່ຍິງຖືພາທີ່ມີຄວາມສ່ຽງ ເພື່ອເຮັດໃຫ້ແມ່ຍິງຖືພາທີ່ທຸກຍາກ ແລະ ຢູ່ເຂດຫ່າງໄກຈາກໂຮງໝໍສາມາດໄດ້ ຮັບການບໍລິການຝາກທ້ອງ ແລະ ເກີດລູກຢ່າງ ທົ່ວເຖິງທັງມີຄວາມປອດໄພນຳດ້ວຍ.