ກົມຄຸ້ມຄອງລັດຖະກອນຢືນຢັນຄວາມໂປ່ງໃສໃນການເສັງເຂົ້າລັດຖະກອນ

           ເພື່ອຄວາມເຂົ້າໃຈກ່ຽວກັບການເສັງເຂົ້າລັດຖະກອນ ພາກຄວາມຮູ້ທົ່ວໄປ ປີ 2013- 2014 ສຳລັບພະນັກງານ ທີ່ບໍ່ທັນໄດ້ເຂົ້າລັດຖະກອນ ແລະ ນັກສຶກສາຮຽນ ຈົບໃໝ່ເພື່ອສະໝັກສອບເສັງ, ຕາມລະບຽບການຂອງກະຊວງພາຍໃນໃຫ້ ມີຄວາມ ໂປ່ງໃສ່.

          ຕໍ່ບັນຫາດັ່ງກ່າວໃນວັນທີ 19 ສິງຫານີ້ທ່ານ ວິໄຊ ພັນດານຸວົງ, ຫົວໜ້າກົມລັດ ຖະກອນກະຊວງພາຍໃນ, ໄດ້ອອກ ມາອະທິບາຍຕໍ່ໜັງສືພີີມລາວພັດທະນາ ຂອງ ພວກເຮົາວ່າ: ໃນນາມກະຊວງພາຍໃນທັງເປັນຜູ້ຮັບຜິດຊອບໃນການສອບເສັງ ເຂົ້າລັດ ຖະກອນພາກຄວາມຮູ້ທົ່ວໄປທີ່ຈະຈັດຂື້ນໃນວັນທີ 14 ກັນຍານີ້ ເຊິ່ງເປັນວຽກໜຶ່ງທີ່ ພວກເຮົາປະຕິບັດມາຫຼາຍປີ ແລ້ວ, ແຕ່ສະເພາະສົກປີ 2013 - 2014 ນີ້, ແມ່ນໄດ້ ແຍກເອົາການສອບເສັງພາກຄວາມຮູ້ທົ່ວໄປນີ້ມາຈັດເປັນລະບົບສະ ເພາະ ແລະ ແນ່ນອນວ່າສັງຄົມຈະມີຄວາມສົນໃນວ່າເຮັດ ແນວໃດການສອບເສັງຈຶ່ງຈະມີຄວາມສະເໝີພາບ, ຍຸດຕິທຳ ແລະ ໂປ່ງໃສ, ຕໍ່ບັນຫາດັ່ງກ່າວທາງກະຊວງພາຍໃນໄດ້ສ້າງນິຕິກຳ ອອກຫຼາຍສະບັບ ເຊັ່ນ: ກົດລະບຽບການຄຸ້ມຄອງການສອບເສັງ ແລະ ລະບົບການສອບເສັງແມ່ນກະຊວງພາຍໃນຈະເປັນ

ຜູ້ຄຸ້ມຄອງທົ່ວປະເທດ, ໂດຍການອອກນິຕິກຳ, ປື້ມຄຳຖາມ, ຄຳ ຕອບ ແລະ ການອອກຫົວບົດສອບເສັງຈະມີບັນດາອະນຸກຳ ມະການປະຈຳຢູ່ແຕ່ລະແຂວງ ເຊິ່ງໄດ້ເລີ່ມມາແຕ່ເດືອນມີຖຸນາ ເປັນຕົ້ນມາ ແລະ ມາຮອດປັດຈຸບັນຖືວ່າສຳເລັດຮຽບຮ້ອຍ ແລ້ວ ແລະ ຈະມີຄວາມຍຸດຕິທຳແກ່ຜູ້ສອບເສັງ, ເປັນຢ່າງດີ, ໂດຍການສອບເສັງແມ່ນຈະໃຊ້ລະບົບອອນລາຍ, ຜ່ານຄອມພິວ ເຕີໃນທົ່ວປະເທດເພື່ອບໍລິຫານຫານສອບເສັງ, ດ້ວຍລະຫັດ, ຂອງຜູ້ເຂົ້າສອບເສັງ.

           ທ່ານ ວິໄຊ ໃຫ້ຮູ້ອີກວ່າ: ສຳລັບລັດຖະບານມີໂກຕາຮັບ ລັດຖະກອນຈຳນວນ 16.500 ຄົນ ເຊິ່ງມາຮອດປັດຈຸບັນ ມີຜູ້ສົ່ງຟອມສະໜັກສອບເສັງແລ້ວ 30.000 ກວ່າຄົນ ໃນນີ້ຢູ່ນະຄອນຫຼວງມີ 12 ພັນກວ່າຄົນ, ຕ່າງແຂວງ 28 ພັນກວ່າຄົນ, ສຳລັບຜົນການ ສອບ ເສັງແມ່ນໃຫ້ໄດ້ 50 % ຂອງຈຳນວນຄຳຕອບທັງໝົດຂຶ້ນ ໄປຖືວາໄດ້ຜ່ານການສອບເສັງ ແລະ 49 % ລົງມາແມ່ນເສັງບໍ່ຜ່ານ ແລະ ຜູ້ເສັງຜ່ານ ແມ່ນຖືວ່າ ໄດ້ຮັບໃບອະນຸຍາດ, ສາມາດໃຫ້ໄປເສັງເຂົ້າລັດຖະກອນໄດ້. ສຳລັບພະ ນັກງານ ພາຍຫລັງໄດ້ຜ່ານການສອບເສັງນີ້ແລ້ວກໍຕ້ອງໄດ້ ໄປເສັງເຂົ້າຂະແໜງທີ່ຕົນຍາກສັງກັດຕໍ່ໄປ, ໂດຍອົງການນັ້ນຈະ ເປັນຜູ້ຄັດເລືອກເອົາ ແລະການ ສອບເສັງດັ່ງກ່າວມີກຳນົດ 2 ປີ, ຖ້າຫາກຊອກວຽກເຮັດບໍ່ໄດ້ຮອດປີທີສາມກໍຈະຕ້ອງໄດ້ ກັບຄືນມາເສັງຄັດເລືອກອີກ, ເພື່ອຈະມີສິດເຂົ້າສຳພາດເປັນລັດຖະກອນໃໝ່ໄດ້ ດັ່ງນັ້ນຈຶ່ງຮຽກຮ້ອງມາຍັງບັນດານັກສອບ ເສັງຕ້ອງຕິດຕາມຕາຕາລາງສອບເສັງ, ໂດຍສະເພາະວັນທີ 10 ກັນຍານີ້ແມ່ນ ໃຫ້ທຸກຄົນກວດເບິ່ງສະຖານທີ່ສອບເສັງໃຫ້ ຮຽບຮ້ອຍເພື່ອປ້ອງກັນຄວາມຜິດພາດ.

          ການສອບເສັງພາກຄວາມຮູ້ທົ່ວໄປນີ້ນອກຈາກຈະເປັນການຄັດເລືອກເອົາລັດຖະກອອນແລ້ວ, ຍັງເປັນການເຜີຍແຜ່ ແນວທາງນະໂຍບາຍຂອງພັກ-ລັດ, ເພື່ອສົ່ງເສີມການຮຽນຮູ້ໃຫ້ຮອບດ້ານ, ໂດຍສະເພາະແມ່ນໄວໜຸ່ມ, ເພື່ອໃຫ້ເຂົາເຈົ້າມີ ຄວາມຮູ້ໃນດ້ານການເມືອງ-ການປົກຄອງ, ເສດຖະກິດ, ວັດທະນະທຳ-ສັງຄົມ, ວິທະຍາສາດເຕັກໂນໂລຊີ ແລະ ຂ່າວສານ, ພົວພັນຕ່າງປະເທດ, ສາສະໜາດ ແລະ ຊົນເຜົ່າ, ອົງການຈັດຕັ້ງມະຫາຊົນ, ພູມສາດ- ປະຫວັດສາດ ແລະ ພາສາລາວ-ວັນ ນະຄະດີເພື່ອໃຫ້ເຂົ້າເຈົ້າສາມາດເຮັດວຽກງານຢ່າງມີຄຸນນະພາບ.