ປະກາດຫາຍາດພີ່ນ້ອງຜູ້ເສຍຊີວິດຈາກອຸປະຕິເຫດ ຢູ່ເຂດບ້ານອີ່ໄລໃຕ້

     ເຈົ້າໜ້າທີ່ ພະແນກຈະລາຈອນ ນະຄອນຫລວງ​ວຽງຈັນ ໃຫ້ຮູ້ວ່າ: ໃນວັນທີ 10 ມິຖຸນາ ນີ້,  ຢູ່ເຂດບ້ານອີ່ໄລໃຕ້, ເມືອງ ນາຊາຍທອງ ນະຄອນຫລວງວຽງຈັນ, ໄດ້ເກີດອຸປະຕິເຫດ ລົດບັກທຸກ ໝາຍເລກະທຽນ ບກ 0629 ຂັບຂີ່ໂດຍ ທ້າວ ຕຸ້ຍ ອາຍຸ 36 ປີ ອາຊີບຂັບລົດ ຢູ່ບ້ານວຽງ ໃໝ່, ເມືອງ ແລະ ແຂວງຫລວງພະບາງຂັບຂີ່ມາຈາກນະຄອນຫລວງ ວຽງຈັນ ມຸ້ງ ໜ້າໄປ ຫລວງພະບາງ ເມື່ອມາຮອດປ້ຳນ້ຳມັນ ເຂດບ້ານອີ່ໄລ ໄດ້ຈອດລົດບັນທຸກ ຄັນດັ່ງກ່າວໄວ້ແຄມທາງ ແລ້ວເຂົ້າໄປໃຊ້ ບໍລິການ ຕ່າງໆຢູ່ພາຍໃນປ້ຳຫລັງຈາກນັ້ນ ໄດ້ມີ ລົດຈັກ ເວບ ສີຂຽວດຳ ບໍ່ມີປ້າຍທະບຽນຂັບຂີ່ມາດ້ວຍ ຄວາມໄວ ແລະ ມີອາການ ມຶນເມົາ ຈຶ່ງໄດ້ໄປຕຳເອົາທ້າຍລົດບັນທຸກຄັນດັ່ງກ່າວເສຍຊີວິດຄາທີ່, ຜູ້ຕາຍເປັນເພດຊາຍ ອາຍຸ ປະມານ 20​​-30 ປີ,  ບໍ່ຮູ້ຊື່ ແລະ ທີ່ຢູ່ເພາະບໍ່ມີເອກະສານຕິດໂຕໃດໆ.  ສະນັ້ນ ຈຶ່ງໄດ້ປະກາດ ຫາຍາດພີ່ນ້ອງຜູ້ ເສຍຊີວິດ ດັ່ງກ່າວ, ເພື່ອມາ ຮັບເອົາສົບ. ຜູ້ກ່ຽວຢູ່ໂຮງເຢັນຂອງໂຮງໝໍມະໂຫສົດນະຄອນຫລວງວຽງຈັນ ແລະ ສາມາດ ມາຕິດຕໍ່ກັບ ເຈົ້າໜ້າທີ່ຈະລາຈອນ ນະຄອນຫລວງວຽງຈັນໄດ້ຕະຫລອດເວລາ.