ຈັບຂະບວນຄ້າຢາເສບຕິດລາຍໃຫຍ່ອີກແລ້ວ

ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດແຂວງຫລວງພະບາງ ລາຍງານໃຫ້ຮູ້ວ່າ: ພາຍ ຫລັງໄດ້ຮັບແຈ້ງຈາກ ພົນລະເມືອງດີໃນເຊົ້າຂອງວັນທີ 7 ມິຖຸນາຜ່ານມານີ້ວ່າ ໄດ້ມີຂະບວນການເຄືອຂ່າຍຄ້າຢາເສບຕິດລາຍໃຫຍ່ມາພັກ ເຊົາຢູ່ເຮືອນຫລັງ ໜຶ່ງຢູ່ເຂດບ້ານປາກແວດ ເມືອງຊຽງເງິນ ແຂວງຫລວງພະບາງຈຶ່ງນຳກ ຳລັງເຂົ້າກວດ ຄົ້ນເຮືອນເປົ້າ ໝາຍດັ່ງກ່າວ ແລະ ຈັບຜູ້ຕ້ອງຫາໄດ້ຄື: ນາງ ໄມເຮີ ອາຍຸ 37 ປີ ອາຊີບຄ້າຂາຍຢູ່ບ້ານພອນໄຊ ເມືອງ ຫລວງພະບາງ ແລະ ນາງ ປາເຢງຢ່າງ ອາຍຸ 27 ປີ ອາຊີບພະນັກງານຢູ່ບ້ານປາກຂັນ ເມືອງຊຽງເງິນ ພ້ອມຂອງກາງເຮໂຣອິນໜັກ 17 ກິໂລ ທີ່ຊຸກເຊື່ອງໄວໃນລົດກະບະວີໂກ້ສອງຄັນໝາຍເລກທະບຽນ ວນ 4555 ກຳແພງນະຄອນ ແລະ ກຜ 1187 ກຳແພງນະຄອນທີ່ຈອດຢູ່ຂ້າງເຮືອນຜູ້ກ່ຽວຈຶ່ງໄດ້ຍຶດໄວ້ເປັນຫລັກຖານເພື່ອ ດຳເນີນຄະດີຕາມລະບຽບກົດໝາຍ.

    ຜ່ານການສືບສວນ-ສອບສວນຂອງເຈົ້າໜ້າທີ່ທັງສອງຮັບສາລະພາບວ່າ: ເຮໂຣອິນດັ່ງກ່າວເປັນຂອງພວກກ່ຽວແທ້, ໂດຍຊື້ມາຈາກເຄືອຂ່າຍຢາເສບຕິດຕ່າງຊາດລາຍ ໃຫຍ່ຢູ່ເມືອງຕົ້ນເຜິ້ງ ແຂວງບໍ່ແກ້ວ ເພື່ອຈະມາສົ່ງໃຫ້ລູກຄ້າຢູ່ແຂວງ ຫລວງ ພະບາງ ແຕ່ຖືກເຈົ້າໜ້າທີ່ຈັບຕົວກ່ອນ.

    ຂ່າວໃຫ້ຮູ້ຕື່ມວ່າ:ໃນວັນທີ 5 ມິຖຸນາຜ່ານມາ, ເຈົ້າໜ້າທີ່ ປກສ ແຂວງຫົວພັນ ໄດ້ຈັບຕົວທ້າວ ເຢຍເປົາຊົງ ອາຍຸ 48 ປີ ຢູ່ບ້ານຫ້ວຍເໝືອຍ ເມືອງຊ່ອນ ແຂວງຫົວພັນ ໃນຂໍ້ຫາຄ້າຢາເສບຕິດ, ພ້ອມຂອງກາງຢາບ້າ 768 ເມັດ, ຝິ່ນ 10 ກວ່າກິໂລ, ຈຶ່ງໄດ້ຍຶດໄວ້ເປັນຫລັກຖານເພື່ອດຳເນີນຄະດີຕາມລະບຽບກົດໝາຍ.