ການປຸກສ້າງທີ່ຢູ່ອາໄສ ແມ່ນຄວາມຈຳເປັນພື້ນຖານຂອງຄົນໃນສັງຄົມ, ໝາຍວ່າຖ້າຢາກມີເຮືອນເປັນຂອງຕົນເອງຈັກໜຶ່ງຫລັງຕ້ອງໄດ້ໃຊ້ເງິນຈຳນວນຫລາຍ ໃນການຊື້ທີ່ດິນ ແລະ ປຸກສ້າງເຮືອນ. ດັ່ງນັ້ນ ໂຄງການບ້ານຈັດສັນ ກີນ ລີຊີເດັນ (Green Residence) ໄດ້ຊ່ວຍຕອບໂຈດບັນຫາສຳລັບຜູ້ທີ່ມີເງິນຈຳກັດໃຫ້ສາມາດມີທີ່ພັກພາອາໄສທີ່ສວຍງາມ, ບົນພື້ນຖານສະພາບແວດລ້ອມເອື້ອອຳນວຍ, ສະດວກສະບາຍດ້ວຍການໃຫ້ຜ່ອນຊຳລະຍາວນານເຖິງ 20-25 ປີ,ໂດຍການຈ່າຍກ່ອນ 20% ຂອງມູນຄ່າທີ່ດິນ ແລະ ເຮືອນ, ເຊິ່ງເລີ່ມຕົ້ນພຽງແຕ່ 627 ໂດລາສະຫະລັດເທົ່ານັ້ນກໍສາມາດເຂົ້າມາເປັນເຈົ້າຂອງກຳມະສິດເຮືອນ ແລະ ທີ່ດິນໄດ້ແລ້ວ.
ທ່ານນາງ ດາລຸນນີ ພູມມະສັກ ອຳນວຍການໂຄງການບ້ານຈັດສັນ ດັ່ງກ່າວໄດ້ໃຫ້ສຳພາດນັກຂ່າວພວກເຮົາເມື່ອບໍ່ດົນມານີ້ວ່າ: ບ້ານຈັດສັນແຫ່ງນີ້ຕັ້ງຢູ່ບ້ານທົ່ງປົ່ງ, ເມືອງສີໂຄດຕະບອງ,ນະຄອນຫລວງວຽງຈັນ, ມີເຮືອນທັງໝົດ
69 ຫລັງ, ໃນນັ້ນ ໄດ້ແບ່ງອອກເປັນ 4 ປະເພດເຮືອນຄື:ເຮືອນຄູ່,ເຮືອນດ່ຽວ 2 ຊັ້ນ, ອາຄານ
3 ຊັ້ນ ແລະ ເຮືອນ 2 ຊັ້ນ, ໃນນັ້ນເຮືອນຄູ່ເໝາະສຳລັບຄອບຄົວທີ່ມີລາຍຮັບປານກາງ, ມີສະມາຊິກປະມານ 3-4 ຄົນ, ມີຄວາມລຽບງ່າຍແຕ່ພາຍໃນມີການຕົບແຕ່ງແບບທັນສະໄໝ,
ສ່ວນເຮືອນດ່ຽວ 2 ຊັ້ນ ເໝາະສຳລັບຄອບຄົວໃຫຍ່ທີ່ມີສະມາຊິກປະມານ 5-6 ຄົນ, ມີເນື້ອທີ່ກ້ວາງຂວາງ, ມີຫ້ອງຮັບແຂກໂອ້ໂຖງ, ມີສວນຢູ່ດ້ານໜ້າ ແລະ ຫລັງເຮືອນກວ້າງຂວາງ, ສ່ວນອາຄານ 3 ຊັ້ນແມ່ນຕັ້ງຢູ່ຖະໜົນໃຫຍ່ເໝາະແກ່ການຄ້າຂາຍ,
ແລະ ຫ້ອງການສຳນັກງານຕ່າງໆ, ເນື່ອງຈາກແຕ່ລະຊັ້ນມີເນື້ອທີ່ກວ້າງຂວາງ ແລະ ສາມາດຈັດວາງສິ່ງຂອງຕ່າງໆໄດ້ຢ່າງສະດວກ ແລະ ເຮືອນ 2 ຊັ້ນແມ່ນໄດ້ອອກແບບດ້ວຍຄວາມທັນສະໄໝ, ມີເນື້ອທີ່ພາຍນອກ ແລະ ພາຍໃນກວ້າງຂວາງ, ມີສະຖານທີ່ຈອດລົດໃນຮົ່ມ ແລະ ມີຫ້ອງນອນທີ່ກວ້າງຂວາງ, ລະບຽງໃນຫ້ອງນອນສາມາດເຮັດເປັນພື້ນທີ່ພັກຜ່ອນໄດ້ເປັນຢ່າງດີ.
ທ່ານນາງ ດາລຸນນີ ກ່າວວ່າ: ໂຄງການບ້ານຈັດສັນແຫ່ງນີ້ ຍັງເນັ້ນໃສ່ລະບົບຮັກສາຄວາມສະອາດເປັນສໍາຄັນ, ໂດຍສະເພາະມີການກຳຈັດຂີ້ເຫຍື້ອ 3 ວັນຕໍ່ອາທິດ, ມີການລ້າງຖະໜົນພາຍໃນໂຄງການຢ່າງໜ້ອຍອາທິດລະຄັ້ງ, ມີສູນອອກກຳລັງກາຍແບບບໍ່ເສຍຄ່າ, ມີເດີ່ນຫຍ້າສຳລັບໃຫ້ເດັກຫລີ້ນພັກຜ່ອນ, ມີຄວາມປອດໄພ, ມີໂຮງຮຽນ, ມີລະບົບເຕືອນອັກຄີໄພໄວ້ທົ່ວໂຄງການ, ຕິດຕັ້ງກ້ອງວົງຈອນປິດໃນຈຸດສຳຄັນ, ມີຮົ້ວກັ້ນທີ່ໜາແໜ້ນ, ມີພະນັກງານຮັກສາຄວາມປອດໄພຕະຫລອດ 24 ຊົ່ວໂມງ ແລະ ພິເສດສຳລັບຜູ້ທີ່ເຂົ້າມາຈັບຈອງພາຍໃນເດືອນມີນານີ້ທາງໂຄງການຈະມີສ່ວນຫລຸດແບບພິເສດ ແລະ ຍັງມີຂອງຂັວນສົມມະນາຄຸນຈາກຮ້ານເຟີນີເຈີ ອິນເທັກ ໃນມູນຄ່າ 5 ພັນໂດລາສະຫະລັດໃຫ້ລ້າໆ ແລະ ມາຮອດປັດຈຸບັນ ເຮືອນເກືອບເຄິ່ງໜຶ່ງຂອງໂຄງການພວກເຮົາແມ່ນໄດ້ມີລູກຄ້າຈັບຈອງແລ້ວ.
No comments:
Post a Comment