ສະໂມສອນວັດທະນະທຳສິນໄຊ ໄດ້ຈັດຊຸດເຝິກອົບຮົມໃຫ້ແກ່ໄວໜຸ່ມລາວ ກ່ຽວກັບສິລະປະ ວັດທະນະທຳລາວໃນຕອນເຊົ້າວັນທີ 3 ສິງຫາ 2013 ນີ້ ຢູ່ສູນການຄ້າລາວ-ໄອເຕັກ
ແລະ ຈະໄດ້ດຳເນີນໄປເປັນເວລາ 6 ວັນ (ສະເພາະແຕ່ວັນເສົາ-ອາທິດ) ໂດຍມີທ່ານ
ສີວຽງແຂກ ກອນ ນີວົງ ຫົວໜ້າກົມພິມຈຳໜ່າຍ ກະ ຊວງຖະແຫລງຂ່າວ, ວັດທະນະທຳ ແລະ ທ່ອງ ທ່ຽວ;
ທ່ານ ໂອທອງ ຄຳອິນຊູ ຫົວໜ້າອຳ ນວຍການວາລະສານວັນນະສິນທັງເປັນຫົວໜ້າຮັບຜິດຊອບສະ ໂມສອນ ວັດທະນະທຳສິນໄຊ, ມີບັນດາໄວໜຸ່ມລາວທີ່ມາຈາກສະໂມສອນດັ່ງກ່າວ
ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນການເຝິກອົບຮົມຜູ້ເຂົ້າຮ່ວມຈະໄດ້ຮຽນຮູ້ວັດທະນະທຳອັນດີງາມຂອງລາວ,
ມາລະຍາດໃນສັງຄົມ, ການສະແດງເດີນແບບເຄື່ອງນຸ່ງ, ການຟ້ອນ, ການຮ້ອງເພງ, ການແຕ່ງເພງ,
ການແຕ່ງເລື່ອງສັ້ນ, ການແຕ່ງກາບ ກອນ, ການແຕ້ມຮູບ, ການສະ
ແດງລະຄອນ ແລະ ການເປັນພິທີກອນ,
ທັງນີ້ ກໍເພື່ອເປັນການສ້າງໃຫ້ໄວໜຸ່ມລາວທີ່ເຂົ້າຮ່ວມ ກ້າຄິດ, ກ້າເຮັດ
ແລະ ກ້າສະແດງອອກໃນສັງຄົມ. ນອກນັ້ນ ຍັງຈະໄດ້ມີການຄັດເລືອກເອົາຜູ້ເຂົ້າຝຶກອົບຮົມທີ່ເດັ່ນຈຳນວນໜຶ່ງໄປສະແດງຢູ່ແຂວງຄຳມ່ວນ
ດ້ວຍການສະແດງແບບເຄື່ອງນຸ່ງຊົນເຜົ່າ, ຜ້າໄໝລາວ, ລາຍການຟ້ອນ, ຮ້ອງເພງ ແລະ
ອ່ານກາບກອນ.
ພາຍຫລັງສຳເລັດການເຝິກອົບຮົມກັບທີ່ແລ້ວ,
ບັນດາຜູ້ເຂົ້າຮ່ວມຍັງຈະໄດ້ໄປຕັ້ງຄ້າຍເຄື່ອນໄຫວກິດຈະກຳຢູ່ຕ່າງແຂວງ
ເພື່ອຈະໄດ້ສະແດງອອກໃນສິ່ງທີ່ຕົນໄດ້ຮຽນມາໂດຍການສະແດງໃນຄ້າຍພັກ, ການ
ສະແດງແລກປ່ຽນກັບຊາວໜຸ່ມຢູ່ ບ້ານ ແລະ ການສະແດງຢູ່ໂຮງລະຄອນ.
No comments:
Post a Comment