ໃນວັນທີ 16 ກັນຍາ 2013 ກອງປະຊຸມລັດຖະບານປະຈຳສົກປີ
2012- 2013 ໄດ້ໄຂຂຶ້ນຢ່າງເປັນທາງການທີ່ຫ້ອງ ວ່າການລັດຖະບານ. ພາຍໃຕ້ການເປັນປະ ທານຂອງ ທ່ານ
ນາຍົກລັດຖະມົນຕີທອງສິງ ທຳມະວົງ. ເຂົ້າ ຮ່ວມກອງປະຊຸມ ດັ່ງ ກ່າວມີບັນດາທ່ານຮອງນາຍົກລັດຖະມົນຕີ,
ບັນດາສະມາຊິກລັດຖະບານ, ເຈົ້າຄອງ ນະຄອນຫຼວງ, ບັນດາເຈົ້າແຂວງ, ຫົວ ໜ້າ, ຮອງຫົວໜ້າອົງການຈັດຕັ້ງພັກ,
ສູນ ກາງແນວລາວສ້າງຊາດບັນດາອົງການຈັດຕັ້ງມະຫາຊົນອ້ອມຂ້າງສູນກາງພັກ- ລັດ ຖະບານ, ສະພາແຫ່ງຊາດ,
ອົງການຕຸລາ ການ. ກອງປະຊຸມຈະໄດ້ປຶກສາຫາລືບັນດາບັນຫາສຳຄັນດັ່ງນີ້:
ຕີລາຄາເບື້ອງຕົ້ນໝົດປີ ຜົນ ການຈັດຕັ້ງປະຕິບັດແຜນພັດທະ
ນາເສດຖະກິດ-ສັງຄົມ ສົກປີ 2012- 2013 ແລະ ສະເໜີແຜນວຽກຄາດໝາຍໃຫຍ່ ຂອງແຜນ ພັດທະນາເສດຖະກິດ-ສັງຄົມ
ສົກປີ 2013-2014.
ແນະນຳການຈັດຕັ້ງປະຕິບັດ ດຳລັດຂອງລັດຖະບານວ່າດ້ວຍ
ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ແລະແຜນ ງົບປະມານແຫ່ງລັດ ສົກປີ
2013- 2014,ການປັບປຸງດຳລັດ288/ນຍ ກ່ຽວກັບແຜນພັດທະນາເສດຖະກິດ-ສັງ ຄົມ 5 ປີ ຄັ້ງທີ
VII, ຮັບຟັງບົດລາຍງານລາຍງານກ່ຽວກັບມາດຕະການການເກັບລາຍຮັບງົບປະມານສົກປີ
2013-2014; ສະພາບການຈັດຕັ້ງປະຕິບັດລະບົບກົງຈັກການຈັດຕັ້ງພາສີ, ສ່ວຍສາອາກອນ ແລະ ຄັງເງິນແຫ່ງຊາດຂຶ້ນກັບການຄຸ້ມຄອງຕາມສາຍຕັ້ງ
ແລະ ຮ່າງຄຳສັ່ງຂອງນາຍົກລັດຖະມົນຕີວ່າດ້ວຍມາດຕະການປະຢັດ ແລະ ຕ້ານການຟູມເຟືອຍ.
ບົດລາຍງານລາຍງານກ່ຽວກັບໂຄງການຄ້ຳປະກັນຄວາມໝັ້ນຄົງທາງດ້ານສະບຽງອາຫານ
ແລະ ການຜະລິດເຂົ້າເປັນສິນຄ້າສົ່ງອອກ.
ບົດລາຍງານກ່ຽວກັບ “ ຍຸດ ທະສາດການພັດທະນາພື້ນຖານໂຄງລ່າງດ້ານການຄົມມະນາ
ຄົມ-ຂົນສົ່ງ ” ທາງບົກ, ທາງລົດ ໄຟ, ທາງອາກາດ ແລະ ທາງນ້ຳ ຂອງ ສປປ ລາວ.
ບົດລາຍງານຜົນການສຳ ມະນາ ກ່ຽວກັບການປັບປຸງກົດ
ໝາຍ ວ່າດ້ວຍລັດຖະບານ, ກົດ ໝາຍ ວ່າດ້ວຍການປົກຄອງທ້ອງຖິ່ນ ແລະ ຮ່າງກົດໝາຍ ວ່າດ້ວຍນະຄອນ
ແລະ ເທດສະບານ.
ກອງປະຊຸມລັດຖະບານ ປະ ຈຳສົກປີ 2012-2013 ນີ້ແມ່ນຈະ
ໄດ້ດຳເນີນເປັນເວລາ 5 ວັນເຕັມ ເຊິ່ງຈະໄດ້ປິດລົງໃນ ວັນທີ 20 ກັນຍານີ້.
No comments:
Post a Comment