ນັກສຶກສາເຕັກນິກວິຊາຊີບຫລວງນ້ຳທາກຽມພ້ອມຮັບໃຊ້ສັງຄົມ

      ໃນສົກປີ 2012-2013  ຜ່ານມາ, ນັກຮຽນໂຮງຮຽນເຕັກນິກວິຊາຊີບແບບປະ ສົບແຂວງຫລວງນ້ຳທາຈຳນວນ 140  ກວ່າຄົນ, ຍິງ ເກືອບ 50 ຄົນ, ສຳເລັດການ ສຶກສາ  ແລະ ກຽມພ້ອມອອກຮັບໃຊ້ສັງຄົມ ເຊິ່ງພິທີມອບ- ຮັບປະກາສະນິຍະ ບັດໄດ້ຈັດຂຶ້ນໃນອາທິດແລ້ວນີ້, ຢູ່ໂຮງຮຽນດັ່ງກ່າວໂດຍໃຫ້ກຽດມອບໂດຍ ທ່ານ ສີມູນ ທູນພູວຽງ ຮອງເຈົ້າ ແຂວງໆຫລວງ ນ້ຳທາ, ມີຄູອາຈານ ແລະ ນັກຮຽນເຂົ້າ ຮ່ວມ.  ໃນພິທີທ່ານ ສິງສະຫວັນ ແຕມວົງສາ ຜູ້ອຳນວຍການໂຮງຮຽນ ດັ່ງກ່າວ ໄດ້ຍົກ ໃຫ້ເຫັນການພັດທະນາວຽກງານການສຶກສາໃນສົກຮຽນ 2012-2013 ຜ່ານມາ ແລະ ແຜນການສົກປີ 2013- 2014, ຊຶ່ງ ທ່ານກ່າວວ່າ: ໃນສົກຮຽນຜ່ານມາ, ບັນດາພະນັກງານຄູ-ອາຈານ ແລະ ນັກຮຽນໄດ້ເຊື່ອມຊຶມແນວທາງນະ ໂຍບາຍຂອງ ພັກ, ລະບຽບກົດໝາຍຂອງລັດພ້ອມເຂົ້າໃຈແຜນການຮຽນການສອນໄດ້ເປັນຢ່າງດີພ້ອມມີຄວາມຫ້າວຫັນຕໍ່ການສິດສອນ ແລະ ການຮຽນດ້ວຍຄວາມຕັ້ງໜ້າ. ໂຮງຮຽນດັ່ງກ່າວປະກອບມີຄູ-ອາຈານ ທັງໝົດ 80 ຄົນ, ຍິງ 23 ລວມມີ ສາຂາປູກຝັງ- ລ້ຽງ ສັດລະບົບ 12+2+1,5, ຊັ້ນກາງສາຂາປູກຝັງ, ລ້ຽງສັດລະບົບ 12+2 ສາຂາໄຟຟ້າ, ສ້ອມແປງລະບົບ 12+2, ສາຂາ ເຟີນີເຈີ ລະ ບົບ 12+2, ສາຂາປູກຝັງ, ລ້ຽງສັດ, ປຸງແຕ່ງ ແລະ ສ້ອມແປງລະບົບ 9+3.