ເຈົ້າໜ້າທີ່ພະແນກສືບສວນ- ສອບສວນນະຄອນຫລວງວຽງຈັນ
ໃຫ້ຮູ້ວ່າ: ມາຮອດປັດຈຸບັນ, ເຈົ້າໜ້າທີ່ຍັງບໍ່ສາມາດສັນນະສູດໄດ້ເທື່ອວ່າສົບຜູ້ຍິງຖຶກຄາດຕະກຳແລ້ວໃສ່ຖົງປຸຍຖິ້ມໄວ້ຢູ່ປ່າແຄມທາງເຂດບ້ານດວງບຸດດີ
ເມືອງໄຊທານີ ທີ່ພົບເຫັນເມື່ອວັນທີ 12 ກັນຍາ 2013 ວ່າແມ່ນໃຜ, ເພາະວ່າສະພາບສົບແມ່ນເນົ່າເປື່ອຍຫລາຍຈົນຍາກຕໍ່ການພິສູດ.
ເຈົ້າໜ້າທີ່ພະແນກດັ່ງກ່າວ ລາຍງານວ່າ:
ສົບຍິງດັ່ງກ່າວຖືກພົບເຫັນໂດຍປະຊາຊົນຢູ່ບໍລິເວນໃກ້ຄຽງຫລັງມີກິ່ນເໝັນຢ່າງແຮງອອກມາໃນກະເປົາຢາງສີຂຽວຖືກມັດປາກຖິ້ມຢູ່ກ້ອງຕົ້ນໄມ້ແຄມທາງ
ຈຶ່ງໄດ້ເອົາໄມ້ໄປເຂ່ຍເບິ່ງ ແລະ ເຫັນຫົວກະໂຫລກຄົນ.ຈາກນັ້ນຈຶ່ງໄດ້ແຈ້ງຕໍ່ອຳນາດການປົກຄອງ
ແລະ ເຈົ້າໜ້າທີ່ ແລະ ຜ່ານການສັນນະສູດເບື້ອງຕົ້ນສົບດັ່ງກ່າວຖືກຂ້າມາດົນກວ່າສອງອາທິດກ່ອນຈະມີຜູ້ພົບເຫັນ
ແລະ ອາດຖືກຂ້າມາຈາກບ່ອນອື່ນແລ້ວຈຶ່ງເອົາສົບມາຖິ້ມໄວ້ຢູ່ຈຸດດັ່ງກ່າວ.
ສະ ພາບສົບແມ່ນເລົາຄີງເນົ່າເປື່ອຍ ນຸ່ງເສື້ອຊ້ອນໃນ, ນຸ່ງສົ້ງຢີນ, ສູງປະມານ
1,50 ແມັດ. ບໍ່ຊາບຊື່, ອາຍຸ, ສັນຊາດ ແລະ ຖິ່ນຖານ, ສ່ວນບັນດາຮ່ອງຮອຍບາດແຜ
ແລະ ຮູບຮ່າງບໍ່ສາມາດສັນນະສູດໄດ້.
No comments:
Post a Comment