ພາຍຫລັງໜັງສືພິມລາວ ພັດທະນາໄດ້ລົງຂ່າວກ່ຽວກັບໃຫ້ເບິ່ງຄືນບັນຫາການເກັບເງິນຄ່າຝາກລົດໃຫຍ່ຕາມແຄມທາງໃນຕົວເມືອງເມື່ອບໍ່ດົນມານີ້,
ປາກົດວ່າມີເພື່ອນຜູ້ອ່ານຈຳນວນບໍ່ໜ້ອຍໄດ້ໂທລະສັບເຂົ້າມາຫາກອງບັນນາທິການໜັງສືພິມພວກເຮົາເພື່ອສະແດງຄຳຄິດເຫັນຕໍ່ບັນຫາດັ່ງກ່າວຢ່າງຫລວງຫລາຍກວ້າງຂວາງ
ໂດຍສ່ວນໃຫຍ່ແມ່ນສະແດງຄວາມເປັນຫວ່ງ ນຳຄວາມເປັນລະບຽບຮຽບຮ້ອຍຂອງສັງຄົມ ໂດຍສະເພາະແມ່ນບັນຫາການສວຍໂອກາດເກັບເງິນຄ່າຝາກລົດໃຫຍ່ຕາມແຄມທາງໃນຕົວເມືອງ
ເຊິ່ງບັນຫານີ້ເຫັນວ່າເກີດຂຶ້ນຫລາຍຈຸດ ພາຍຫລັງທີ່ມີການສ້ອມແປງຖະໜົນຫົນທາງໃຫ້ມີຄວາມເປັນລະ
ບຽບຈົບງາມ ແລະ ອີກບັນຫາໜຶ່ງທີ່ພົວພັນມານຳການຝາກລົດນັ້ນແມ່ນໃນປີ້ຝາກລົດສ່ວນຫລາຍລະບຸວ່າ
“ຈະບໍ່ຮັບຜິດຊອບຕໍ່ຄວາມເສຍຫາຍໃດໆ” ຈຸດນີ້ຫລາຍຄົນກໍມີຄວາມສົນໃຈ ແລະ ສະເໜີໃຫ້ພາກສ່ວນທີ່ຮັບຜິດຊອບເກັບຄ່າບໍລິການຄວນເພີ່ມຄວາມຮັບຜິດຊອບຂອງຕົນຂຶ້ນຕື່ມຢ່າງເໜາະສົມໃນເມື່ອເກີດກໍລະນີເສຍຫາຍຕ່າງໆບໍ່ແມ່ນວ່າເກັບເອົາແຕ່ເງິນຢ່າງດຽວ,
ເມື່ອເກີດກໍລະນີເສຍຫາຍ ເຊັ່ນ: ຖືກຄົນບໍ່ດີງັດ ຫລື ທຸບແວ່ນລົດເພື່ອເອົາຊັບສີນ
ແລະ ລົດຖືກດາດຈົນສີໂປກ ກໍຄວນມີສ່ວນຮັບຜິດຊອບຕໍ່ຄວາມເສຍຫາຍທີ່ເກີດຂຶ້ນເຊິ່ງບັນຫານີ້
ຖ້າປ່ອຍໃຫ້ຜູ້ສຳປະທານເຮັດຕາມລຳພັງໃຈກໍເທົ່າກັບວ່າເປັນການສວຍໂອກາດເອົາປຽບສັງຄົມກໍຄືຜູ້ໃຊ້ບໍລິການຢ່າງບໍ່ມີມື້ສິ້ນສຸດ.
Daily news
No comments:
Post a Comment