ທາງ​ຊອຍເຮັດໃໝ່ຄຸນນະພາບຕ່ຳ

         ໃນລະຫວ່າງການກະກຽມ ໃຫ້ແກ່ກອງປະຊຸມສາກົນຄັ້ງປະຫວັດສາດ, ທີ່ ສປປ ລາວໄດ້ຮັບກຽດເປັນເຈົ້າພາບເຊັ່ນ ກອງປະຊຸມອາແຊັດ ຄັ້ງທີ 7 ແລະ ກອງ ປະຊຸມອາເຊມຄັ້ງທີ 9 ໃນປີ 2012 ຜ່ານມາ, ລັດຖະບານ, ໄດ້ໃຊ້ງົບນັບ ຫຼາຍຕື້ກີບ ເຂົ້າໃນການປັບປຸງ, ກໍ່ສ້າງພື້ນຖານໂຄງລ່າງດ້ານຄົມມະນາຄົມຢູ່ນະຄອນຫຼວງ ວຽງຈັນ, ໃນນັ້ນມີເສັ້ນທາງສາຍສຳຄັນຫຼາຍ ສາຍ ແລະ ເສັ້ນທາງຊອຍຢູ່ຕາມຄຸ້ມ ບ້ານຕ່າງໆ, ໄດ້ຖືກກໍ່ສ້າງ ແລະ ນຳໃຊ້, ທັນກັບກອງປະຊຸມດັ່ງກ່າວເບິ່ງແລ້ວ ກໍງາມຕາດີ, ແຕ່ການນຳໃຊ້ໃນເວລາຕໍ່ມາບໍ່ພຽງແຕ່ເທົ່າໃດເດືອນເສັ້ນທາງດັ່ງ ກ່າວເຫຼົ່ານັ້ນກໍ່ເປ່ເພ ກ່ອນອາຍຸນຳໃຊ້ງານເປັນຈຳນວນຫຼາຍ ແລະ ຕ້ອງໃຊ້ງົບສ້ອມ ເປັນຄືນເປັນຈຳນວນບໍ່ໜ້ອຍຄື: ເສັ້ນທາງຊອຍເລີ່ມຈາກສີ່ແຍກໄຟແດງຖະໜົນສາມ ແສນໄທຜ່ານ ທາດດຳ, ກ້ຽວຫາເສັ້ນທາງສາມແຍກຂົມບູລົມ (ດ້ານຫຼັງສະຖານທູດສະຫະລັດອາເມລິກາ) ເຖິງສາແຍກເດີ່ນ ກິລາເຈົ້າອານຸວົງ ແລະ ຈາກສາມແຍກຖະໜົນສາມແສມໄທຂ້າງໂຮງແຮມລາວພາຊ່າ ຕັດໄປໃສ່ສາມແຍກຖະໜົນຂຸນບູລົມ, ລຽບເດີນກິລາ ເຈົ້າອານຸວົງ ແລະ ທາງຊອຍອື່ນໆ, ພາບຫຼັງເປີດການນຳໃຊ້ກ່ອນກອງປະຊຸມອາເຊມບໍ່ພໍເທົ່າໃດອາທິດ, ມາ

ຮອດດຽວນີ້ຖືກເປ່ ເພ, ບໍ່ຮູ້ວ່າເສັ້ນທາງທີ່ກໍ່ສ້າງສຳເລັດ ແລະ ນຳໃຊ້ບໍ່ເຖິງປີແຕ່ຖືກເປ່ເພແມ່ນໃຜຈະຮັບຜິດຊອບ ຄ່າໃຊ້ຈ່າຍ ເຂົ້າໃນການສ້ອມ ແປງ, ເຖິງວ່າປັດຈຸບັນມີຫຼາຍຈຸດກໍພວມດຳເນີນການສ້ອມແປງເພື່ອບໍ່ໃຫ້ການເປ່ເພຂະຫຍາຍເປັນວົງ ກວ້າງ, ແຕ່ການສ້ອມ ແປງເຫຼົ່ານັ້ນຊຳພັດຫຼ້າຊ້າ, ອັນໄດ້ສ້າງຄວາມຍຸກຍາກໃຫ້ແກ່ການສັນຈອນໄປມາຫຼາຍສົມຄວນ.