ລາວໂທລະຄົມສືບຕໍ່ມອບທຶນການສຶກສາໃຫ້ຜູ້ທຸກຍາກ

        ວັນທີ 10 ກັນຍານີ້, ບໍລິສັດ ລາວໂທລະຄົມມະນາຄົມໄດ້ຈັດພິທີີມອບທຶ ນການສຶກສາໃຫ້ຜູ້ທຸກຍາກ ໄດ້ມີເງື່ອນໄຂເຂົ້າສຶກສາຮ່ຳຮຽນຕໍ່ມະຫາວິທະຍາໄ ລແຫ່ງຊາດປະຈຳສົກປີ 2012- 2013 ຢູ່ມະຫາວິທະຍາໄລແຫ່ງຊາດດັ່ງກ່າວຢູ່ດົງ ໂດກ ໂດຍການເຂົ້າຮ່ວມຂອງທ່ານ ພູຂົງ ຈິດຮູບໂລກຮອງຜູ້ອຳນວຍການໃຫຍ່ລາວ ໂທລະຄົມ, ທ່ານ ຮສ ລຳໄມ ພິພັກຂະວົງ ຮອງອະທິການບໍດີມະຫາວິທະຍາໄລ ແຫ່ງຊາດ ແລະ ຄູ-ອາຈານພ້ອມດ້ວຍນັກສຶກສາ ມຊ ເຂົ້າຮ່ວມເປັນຈຳນວນຫຼາຍ.

           ທ່ານ ພູຂົງ ຈິດຮູບໂລກ ກ່າວວ່າ: ຄຽງຄູ່ກັບການດຳເນີນທຸລະກິດຂອງຕົນຍາມໃດ, ລາວໂທລະຄົມກໍໄດ້ໃຫ້ຄວາມ ສຳຄັນ ແລະ ເອົາໃຈໃສ່ຊ່ວຍເຫຼືອສັງຄົມໂດຍສະເພາະແມ່ນການມີສ່ວນຮ່ວມໃນກິດຈະກຳຕ່າງໆຂອງລັດ ແລະ ເອກະຊົນ ເຊັ່ນ: ອຸປະຖຳການສຶກສາ, ກິລາ, ການປຸກລະດົມຂັບຂີ່ປອດໄພ, ການລະດົມທຶນຊ່ວຍຜູ້ປະສົບໄພນ້ຳຖ້ວມມາເປັນເວລາ

ເກືອບ 4 ປີ ແລ້ວຄືເລີ່ມແຕ່ສົກປີ 2009-2010 ເປັນຕົ້ນມາ, ລາວໂທລະຄົມໄດ້ອຸປະຖຳໃຫ້ແກ່ມູນນິທິການສຶກສາຜູ້ທຸກ ຍາກຂອງ ມຊ ເປັນຈຳນວນເງິນ 200 ລ້ານກີບແລ້ວ, ເພື່ອສະໜັບສະໜູນການສຶກສາ ແລະ ຊຸກຍູ້ສົ່ງເສີມນັກສຶກສາຜູ້ ທຸກຍາກຂາດເຂີນມີເງື່ອນໄຂສຶກສາຮ່ຳຮຽນເພື່ອອະນາຄົດອັນສົດໃສຂອງເຂົາເຈົ້າ.

          ຮອງຜູ້ອຳນວຍການໃຫຍ່ລາວໂທລະຄົມກ່າວອີກວ່າ: ເຖິງຢ່າງໃດກໍຕາມ, ການປະກອບສ່ວນດັ່ງກ່າວຈະເປັນເງິນບໍ່ ຫຼາຍ, ແຕ່ມັນກໍແມ່ນນ້ຳໃຈຂອງລາວໂທລະຄົມ ແລະ ຫວັງວ່າ ຫຼັງຈົບການສາສຶກແລ້ວ, ນັກສຶກສາທີ່ໄດ້ຮັບການຊ່ວຍເຫຼືອ ຈະມີວິຊາຊີບ, ມີວຽກເຮັດງານທຳສາມາຊ່ວຍເຫຼືອຕົນເອງ, ຄອບຄົວ ແລະ ປະເທດຊາດໄດ້.

         ເລີ່ມແຕ່ສົກຮຽນປີ 2009 -2010 ເປັນຕົ້ນມາ, ບໍລິສັດລາວໂທລະຄົມໄດ້ໃຫ້ທຶນຊ່ວຍເຫຼືອຜູ້ທຸກຍາກທີ່ມາຮຽນຢູ ມະຫາວິທະຍາໄລແຫ່ງຊາດເປັນຈຳນວນເງິນປີລະ 50 ລ້ານກີບຊຶ່ງລວມເປັນ 200 ລ້ານກີບແລ້ວ. ເງິນດັ່ງກ່າວ, ມຊ ໄດ້ຈ່າຍ ເປັນເບ້ຍລ້ຽງໃຫ້ແກ່ນັກສຶກສາຜູ້ທຸກຍາກປີລະ 30 ຄົນ, ປັດຈຸບັນມີນັກສຶກສາທີ່ໄດ້ຮັບທຶນຈາກລາວ ໂທລະຄົມທັງໝົດ 51 ຄົນ, ຍິງ 14 ຄົນ, ໃນນີ້ມີຜູ້ຮຽນຈົບແລ້ວ 29 ຄົນ, ຍິງ 8 ຄົນ. ນອກຈາກທືນດັ່ງກ່າວແລ້ວ, ລາວໂທລະຄົມຍັງໄດ້ປະກອບ ສ່ວນວັດຖຸ ແລະ ປັດໄຈໃຫ້ແກ່ມະຫາວິທະຍາໄລແຫ່ງຊາດໃນວັນສຳຄັນຕ່າງໆອີກຫຼາຍຢ່າງ.