ທ່ານ ວິລັດ ປັນຍາລາດ ປະ ທານບໍລິສັດຄຳທະນະພອນຄວັດແກະສະຫລັກຫັດຖະກຳໄມ້ຈຳ
ກັດຜູ້ດຽວ ໄດ້ໃຫ້ສຳພາດວ່າ: ບໍ ລິສັດຕົນໄດ້ເລີ່ມເຂົ້າຮ່ວມວາງ ສະແດງຄ້າສິນຄ້າ ຈີນ-ອາຊຽນ
ແຕ່ປີ 2010 ເປັນຕົ້ນມາ ແລະ ການວາງສະແດງສີນຄ້າ ຈີນ-ອາຊຽນ ປີນີ້ ແມ່ນມີຄວາມຄຶກຄຶ້ນກວ່າປີຜ່ານມາ
ເພາະວ່າມີລູກຄ້າຕອບຮັບຫລາຍເປັນພິເສດ ຈົນຂາຍນຳບໍ່ທັນເຊິ່ງ ຈຸດດຶງດູດ
ລູກຄ້າແມ່ນຄວາມ ລະອຽດຂອງສິນຄ້າ ໂດຍເນັ້ນແຕ່ສິນຄ້າທີ່ ເປັນເອກະລັກຂອງຮ້ານ ແລະ ລວດລາຍຂອງຕະ
ຫລາດຈີນຕ້ອງການ.
ທ່ານ ວິລັດ ກ່າວວ່າ: ສິນຄ້າທີ່ນຳມາວາງສະແດງໃນເທື່ອນີ້ມີ
200 ກວ່າຮ້ານ ລວມມູນຄ່າທັງ ໝົດ 4 ລ້ານຢວນ (ສະ ກຸນເງິນ ຈີນ) ແຕ່ຂາຍດີເປັນພິເສດແມ່ນ ເຄື່ອງແກະສະຫລັກ
ແລະ ໂຕະ ນ້ອຍ ເຫັນໄດ້ຈາກໃນວັນທີ 3 ກັນຍາ, ນັກທຸລະ ກິດຈີນໄດ້ມາເຊັນສັນຍາຊື້ສິນຄ້າຈາກບໍລິສັດພວກເຮົາເປັນມູນຄ່າປີໜຶ່ງເຖິງ
30 ລ້ານໂດລາສະຫະລັດ ເຊິ່ງຜ່ານມາບໍລິສັດ ກໍໄດ້ເຮັດສັນຍາ ກັບ 6 ບໍລິສັດຂອງຈີນ ໂດຍມີການສົ່ງອອກເດືອນໜຶ່ງບໍ່ໜ້ອຍກວ່າ
1 ລ້ານໂດລາສະຫະລັດ, ຂະນະທີ່ບໍ ລິສັດມີແຜນສ້າງໂຮງງານເຟີນີເຈີຂຶ້ນອີກແຫ່ງໜຶ່ງຢູ່ແຂວງອັດຕະປືເພື່ອຊ່ວຍເພີ່ມການຜະລິດສິນຄ້າຕອບສະໜອງໄດ້ຕາມ
ຄວາມຕ້ອງການຂອງລູກຄ້າໂດຍເນັ້ນໃສ່ສິນຄ້າທີ່ເປັນເອກະລັກຂອງບໍລິສັດ.
No comments:
Post a Comment