ເຈົ້າໜ້າທີ່ ປກສ ເມືອງຄົງເຊໂດນ ແຂວງສາລະວັນ
ແຈ້ງໃຫ້ຮູ້ວ່າ:ເວລາທ່ຽງເວັນຂອງວັນທີ 2 ສິງຫາ, ໄດ້ມີຄົນຮ້າຍຈຳ ນວນ 3
ຄົນ ເຂົ້າປຸ້ນຮ້ານຂາຍຄຳຂອງນາງ ກຸກ ອາຍຸ 55 ປີ ອາຊີບຄ້າຂາຍຢູ່ບ້ານຄົງໃຫຍ່
ເມືອງຄົງເຊໂດນ ເຊິ່ງພວກຄົນຮ້າຍສາ ມາດປຸ້ນຄຳຮູບປະພັນໄປໄດ້ຫລາຍກວ່າ
100 ບາດ (4 ສະ ຫລຶງ/ບາດ).
ຈາກນັ້ນ,
ເຈົ້າໜ້າທີ່ສອບສວນຄະດີອາຍາ ປກສ ແຂວງສາລະວັນ ແລະ ແຂວງຈຳປາສັກ ໄດ້ຮ່ວມກັນເລັ່ງຕິດຕາມກຸ່ມເປົ້າໝາຍ
ຈົນຮອດວັນທີ 5 ສິງ ຫາ, ເຈົ້າໜ້າທີ່ຈຶ່ງສາມາດຈັບຄົນຮ້າຍໄດ້ ຄືທ້າວ ໄຊຊະນະ
(ຖັງ) ອາຍຸ 29 ປີ ອາຊີບວ່າງວຽກ ຢູ່ ບ້ານຫລັກເມືອງ ເມືອງປາກເຊ ແຂວງຈຳປາສັກ
ແລະ ທ້າວ ຈັນ ທະວົງ (ຫລ້າ) ອາຍຸ 18 ປີຢູ່ບ້ານໂພນສະຫວັນ ເມືອງປາກເຊ ແຂວງຈຳປາສັກ
ແລະ ຍັງມີ ທ້າວ ມານະໄຊ ຫລື ແຫລ້ ອາຍຸ 31 ປີ ບ້ານພັດທະນາ ເມືອງປາກເຊ ແຂວງຈຳປາສັກ
ແລະ ທ້າວ ຫລັດທະບູນ (ຕ໋ອງ) ອາຍຸ 34 ປີ ບ້ານດອນເຂາະ ເມືອງປາກເຊ ແຂວງຈຳປາສັກ
ພວມຫລົບໜີ, ເຈົ້າໜ້າທີ່ຕຳຫລວດທັງສອງແຂວງພວມເລັ່ງຕິດຕາມນຳຈັບມາດຳເນີນຄະດີໃຫ້ໄດ້ໂດຍໄວ.
ລະຫວ່າງການນຳຈັບພວກຄົນຮ້າຍ, ເຈົ້າໜ້າທີ່
ປກສ ທັງສອງແຂວງ ສາລະວັນ-ຈຳປາສັກ ສາມາດເກັບກູ້ຂອງກາງໄດ້ຄືນຈຳນວນໜຶ່ງ ເປັນຄຳຮູບປະພັນ
ນ້ຳໜັກ 32 ບາດ ແລະ 1 ສະຫລຶງ, ພ້ອມຢຶດຂອງກາງລົດໂຕໂຍຕາ ຟໍຈູນເນີ້ ທີ່ພວກຄົນຮ້າຍນຳໃຊ້ເປັນພາຫະນະ
ແລະ ພວກຄົນຮ້າຍໄດ້ຮັບສາລະພາບວ່າ: ລົດຄັນດັ່ງກ່າວພວກກ່ຽວໄດ້ລັກມາຈາກບ້ານສະພານທອງ
ເມືອງສີສັດຕະນາກ ນະຄອນ ຫລວງວຽງຈັນ.
ໃນວັນທີ 5 ກັນຍານີ້, ເຈົ້າ ໜ້າທີ່ພະແນກສືບສວນຄະດີອາ
ຍາ ປກສ ແຂວງສາລະວັນ ໄດ້ມອບຊັບທີ່ເກັບກູ້ມາໄດ້ ແລະ ລົດຄັນດັ່ງກ່າວຄືນໃຫ້ຜູ້ເປັນເຈົ້າ
ຂອງເດີມເປັນທີ່ຮຽບຮ້ອຍແລ້ວ.
No comments:
Post a Comment