ດັ່ງໄດ້ຮັບຮູ້ນຳກັນແລ້ວ, ປັດຈຸບັນສະພາບລົດແອອັດ
ຕາມທ້ອງຖະໜົນຫລວງໃນນະ ຄອນຫລວງວຽງຈັນ ແລະ ຕົວເມືອງໃຫຍ່ໆຂອງປະເທດ ເຮົາແມ່ນມີທ່າອ່ຽງເພີ່ມຂຶ້ນໃນ
ແຕ່ລະປີເຊິ່ງທັງໝົດນັ້ນແມ່ນມີ ຫລາຍສາເຫດແຕ່ໂດຍລວມ ແລ້ວແມ່ນອາດມາຈາກ
1. ສະພາບຍວດຍານພາ ຫະນະເພີ່ມຂຶ້ນ.
2. ສະພາບການວາງແຜນຈັດສັນຕົວເມືອງບໍ່ທັນສອດ
ຄ່ອງກັບທ່າອ່ຽງການພັດທະ ນາເປັນຕົ້ນແມ່ນທີ່ຕັ້ງສຳນັກງານອົງ ການ, ໂຮງແຮມ, ເຮືອນພັກ, ໂຮງມໍ,
ໂຮງຮຽນ, ສູນການຄ້າ, ຕະຫລາດບໍລິສັດຫ້າງຮ້ານຕ່າງໆບໍ່ມີສະຖານທີ່ຈອດລົດເອົາຖະໜົນເປັນບ່ອນຈອດລົດເຮັດໃຫ້ທາງກວ້າງ
ກາຍເປັນທາງແຄບແອອັດ. ໃນບາງບ່ອນທາງຄົນຍ່າງກາຍເປັນບ່ອນຈອດລົດ ເຮັດໃຫ້ຄົນທຽວທາງບໍ່ມີທາງຍ່າງ
ອັນໄດ້ສ້າງຄວາມສັບສົນ ແລະ ບໍ່ເປັນລະ ບຽບຮຽບຮ້ອຍຄວາມບໍ່ຈົບບໍ່ງາມ ສົ່ງຜົນໃຫ້ການປະຕິບັດຄຳຂວັນ
6 ສ ຂອງນະຄອນຫລວງດຳເນີນໄປຍາກ. ຂະນະດຽວກັນ ກໍແມ່ນການພັດທະນາຕົວເມືອງສ່ວນຫລາຍສຸມໃສ່ແຕ່ບ່ອນຊຸມຊົນໜາແໜ້ນ
ບໍ່ທັນຂະຫຍາຍອອກໄປເຂດຊານເມືອງອອກໄປສູ່ບ່ອນກວ້າງຂວາງ ອັນເປັນຕົ້ນເຫດໃຫ້ຂະບວນລົດຕ່າງໆຫລັ່ງໄຫລເຂົ້າສູ່ຕົວເມືອງຢ່າງອັ່ງອໍ.
3. ການສ້າງໂຄງລ່າງຖະໜົນຫົນ ທາງບໍ່ສາມາດຮອງຮັບທັນກັບການເພີ່ມຂຶ້ນຂອງຍວດຍານພາ
ຫະນະ. 4.ຜູ້ຂັບຂີ່ຈຳນວນບໍ່ໜ້ອຍ ບໍ່ທັນມີຄວາມຮູ້ພຽງພໍ, ບໍ່ທັນເຂົ້າໃຈໄດ້ໝົດກົດຈະລາຈອນຈຳ
ນວນໜຶ່ງລະເມີດກົດຈະລາຈອນ, ຂັບຂີ່ບໍ່ເປັນລະບຽບ,ບໍ່ໃຫ້ກຽດເຊິ່ງກັນ ແລະ ກັນ
ອັນກໍ່ໃຫ້ເກີດອຸປະຕິເຫດຢ່າງຕໍ່ເນື່ອງ
ແລະ ເປັນຈຳນວນຫລວງຫລາຍ. ຈາກສະພາບດັ່ງກ່າວໄດ້ເຮັດໃຫ້ລົດອັ່ງອໍຍາວຢຽດເກືອບທຸກເສັ້ນ
ທາງໃນນະຄອນຫລວງ ແລະ ບັນ ດາຕົວເມືອງໃຫຍ່ໆຂອງປະເທດເຮົາ ໂດຍສະເພາະໃນຊົ່ວໂມງເລັ່ງດ່ວນໄປລ້າມາການ
ທັງໃນຕອນເຊົ້າ ແລະ ຕອນແລງ ອັນພາໃຫ້ເປືອງນ້ຳມັນ ແລະ ເວລາຫລາຍຂຶ້ນ ແລະ
ກໍລະນີເກີດອຸ ປະຕິເຫດກໍແມ່ນເສຍຊີວິດຊັບສິນຢ່າງບໍ່ສາມາດກອບກູ້ເອົາຄືນມາໄດ້.ສະນັ້ນເພື່ອເປັນການປະ
ກອບສ່ວນແກ້ໄຂສະພາບດັ່ງ ກ່າວ, ວິທະຍຸກະຈາຍສຽງແຫ່ງຊາດຈຶ່ງໄດ້ເປີດລາຍການທີ່ມີຊື່
ວ່າ: ຂັບຂີ່ປອດໄພ, ເປົ້າໝາຍຂອງລາຍການນີ້ກໍແມ່ນໃຫ້ຄວາມຮູ້ກົດໝາຍທາງຫລວງ,
ກົດລະບຽບຈະລາຈອນ,ຂ່າວຄາວອຸປະຕິເຫດຕ່າງໆ, ແນະນຳການສັນຈອນໄປມາໃຫ້ເຂົ້າສູ່ລະບຽບ
ແລະ ຄວາມປອດໄພ, ສຳ ພາດເຈົ້າໜ້າທີ່ທີ່ມີສ່ວນກ່ຽວຂ້ອງມາອອກອາກາດ. ພິເສດແມ່ນໃນຊົ່ວໂມງອັນເລັ່ງ
ດ່ວນຈະໄດ້ແນະນຳບັນດານັກຂັບຂີ່ໃຫ້ໄປຕາມເສັ້ນທາງທີ່ໄວກວ່າ ແລະ ບໍ່ມີລົດອັ່ງອໍປານໃດ.
ທັງນີ້ກໍເພື່ອໃຫ້ການສັນຈອນໄປ ມາມີຄວາມສະດວກດີຂຶ້ນ, ບໍ່ເສຍເວລາ ແລະ ປະຢັດນ້ຳມັນ.
ລາຍ ການນີ້ຈະອອກອາກາດໃນລະບົບ FM 103,7 MHZ ຕອນເຊົ້າເລີ່ມແຕ່ເວລາ
8:00-8:30 ໂມງ, ຕອນແລງແຕ່ເວລາ 16:00-16:30ໂມງ. ຂ້າພະເຈົ້າຄິດວ່າລາຍການນີ້ຈະເປັນປະໂຫຍດອັນດີສຳລັບນັກຂັບຂີ່ທຸກຄົນ
ແລະ ກໍຂໍຖືໂອກາດນີ້ຂໍການຮ່ວມມືຈາກຜູ້ຟັງທັງຫລາຍໃຫ້ການຊ່ວຍເຫລືອລາຍການນີ້ໃນການລາຍງານຂ່າວຄາວສຳ
ລັບການສັນຈອນໄປມາ ເພື່ອທົ່ວສັງຄົມໄດ້ຮັບຮູ້ໄດ້ຕາມເບີໂທລະສັບ 021
264131-242248.
No comments:
Post a Comment