ໂດຍ : ຄຳກອງ ທຳມະເທວາ
ການສຶກສາເຮັດໃຫ້ຄົນເຮົາມີຄວາມຮູ້, ຄວາມສະຫລາດ
ແລະ ມີຫົວຄິດປະດິດສ້າງທີ່ດີ, ປະເທດໃດມີຊັບພະຍາກອນ ມະນຸດທີ່ມີລະດັບການສຶກສາສູງແນ່ນອນປະເທດນັ້ນກໍຈະພັດທະນາໄດ້ຢ່າງວ່ອງໄວ.
ປີນີ້ແມ່ນປີທີ 3 ແລ້ວ ທີ່ກະຊວງສຶກສາທິການ ແລະ
ກິລາ ໄດ້ມີນະໂຍບາຍແກ້ໄຂບັນຫາຄ່ານິຍົມແລ່ນນຳການຮຽນ ບາງ ວິຊາຂອງນັກຮຽນໃຫ້ຫັນມາຮຽນໃນສາຍອະຊີວະສຶກສາຫລາຍຂຶ້ນເນື່ອງຈາກວ່າ
“ ໃນປະເທດຍັງມີຄວາມຕ້ອງການຜູ້ທີ່ມີ ສີມືແຮງງານຫລາຍທີ່ສຸດ”. ກໍດັ່ງຄຳເຫັນຂອງລັດຖະມົນຕີວ່າການກະຊວງສຶກສາທິການ
ແລະ ກິລາວ່າ: ໃນໄລຍະຜ່ານມານີ້, ກະ ຊວງສຶກສາທິການ ແລະ ກິລາ ໄດ້ແກ້ໄຂຄ່າກະແສນິຍົມທີ່ບໍ່ແທດເໝາະແລ່ນນຳບາງວິຊາຮຽນຍັງເຮັດໄດ້ບໍ່ຫລາຍປານ
ໃດເຊິ່ງສະແດງໃຫ້ເຫັນໃນສົກຮຽນ ປີ 2012-2013 ຍັງມີນັກຮຽນເຂົ້າສຶກສາໃນລະດັບປະລິນຍາຕີຢູ່ບາງໂຮງຮຽນທັງພາກ
ລັດ ແລະ ເອກະຊົນຈຳນວນທັງໝົດ 95.929 ຄົນ, ໃນນັ້ນຮຽນບໍລິຫານທຸລະກິດ 30.230 ຄົນ, ຮຽນກົດໝາຍ
11.366 ຄົນ, ແຕ່ຂະນະດຽວກັນ, ບັນດາວິຊາຮຽນທີ່ຕະຫລາດແຮງງານຕ້ອງການຊ້ຳພັດມີຜູ້ເຂົ້າຮຽນໜ້ອຍເຊັ່ນ:
ການບໍລິການຂົນສົ່ງ ມີພຽງ 203 ຄົນ, ຄະນິດສາດ ແລະ ສະຖິຕິ 224 ຄົນ, ວິຊາອຸດສາຫະກຳປຸງແຕ່ງ
337 ຄົນ ແລະ ການປະມົງ 3.501 ຄົນ.
ຈາກໂຕເລກນີ້ຊີ້ໃຫ້ເຫັນວ່າ: ວິຊາຮຽນທີ່ຕະຫລາດແຮງງານຕ້ອງການຊ້ຳພັດມີໜ້ອຍ,
ບໍ່ພຽງພໍກັບຄວາມຕ້ອງການພັດ ທະນາປະເທດຊາດເປັນຕົ້ນພະນັກງານວິຊາການປູກຝັງລ້ຽງສັດ, ແຕ່ກົງກັນຂ້າມ
ແຮງງານປະເພດນີ້ພັດມີໜ້ອຍ. ດັ່ງນັ້ນ, ພວກເຮົາຕ້ອງໄດ້ເບິ່ງວ່າດຽວນີ້ຕະຫລາດແຮງງານຕ້ອງການຫລາຍທີ່ສຸດແມ່ນຫຍັງ,
ຮຽນຈົບແລ້ວໄດ້ມີວຽກເຮັດງານທຳ ກໍຍັງດີກວ່າຮຽນແລ້ວບໍ່ມີບ່ອນໄດ້ເຮັດວຽກ ແລະ ຕ້ອງເຂົ້າໃຈວ່າ:
ການຮຽນນັ້ນບໍ່ວ່າວິຊາໃດກໍຢ່າ, ສຳຄັນແມ່ນພວກເຮົາ ຕ້ອງມີຄວາມຕັ້ງໃຈ ຮຽນໃຫ້ມັນດີ, ຮຽນໃຫ້ມັນເກັ່ງ,
ຮຽນຈົບແລ້ວມີຄວາມຮູ້, ມີສີມືດີ ແລ້ວ ບໍ່ອຶດແຕ່ຜູ້ຢາກໃຫ້ເຂົ້າຮ່ວມ ເຮັດວຽກນຳ ແລະ ກົງກັນຂ້າມເລືອກຮຽນວິຊາທີ່ມີຄ່ານິຍົມສູງ,
ແຕ່ຕົນເອງພັດຮຽນບໍ່ເກັ່ງຈົບອອກໄປໄດ້ແຕ່ໃບປະກາສະ ນີຍະບັດ, ແຕ່ຄວາມຮູ້ບໍ່ດີກໍບໍ່ມີອົງການ,
ສຳນັກງານໃດຢາກໄດ້ ເພາະວ່າຍຸກສະໄໝນີ້ໃຜໆກໍຕ້ອງການຄົນດີຄົນເກັ່ງເພື່ອເຮັດ ວຽກເທົ່ານັ້ນ.
ສະນັ້ນ, ໃນສົກຮຽນປີນີ້ ມີນັກ ຮຽນທີ່ຈົບ ມ.7 ເສັງເຂົ້າຮຽນມະ
ຫາວິທະຍາໄລທັງໝົດ 15.570 ຄົນ, ແຕ່ໂກຕ້າມີພຽງ 6.694 ຄົນ ເທົ່ານັ້ນ ແລະ ສ່ວນເຫລືອນັ້ນເດ
ຈະໄປຮຽນຫຍັງ ? ຕ້ອງຄິດໃຫ້ດີ ເມື່ອຮຽນຈົບມາແລ້ວ ຈະໄດ້ມີ ວຽກເຮັດງານທຳ.
No comments:
Post a Comment