ແຂວງວຽງຈັນຈະສ້າງເຂື່ອນໄຟຟ້າຂະຫນາດນ້ອຍຢູ່ນ້ຳເຟືອງ

               ນຳ້ເຟືອງຕອນລຸ່ມທີ່ຢູ່ ຫ່າງເທສະບານເມືອງແມດ 13 ກິໂລແມັດ ຈະໄດ້ຮັບການສຳຫຼວດສຶກສາຄວາມເປັນໄປໄດ້ເພື່ອກໍ່ສ້າງເຂື່ອນໄຟຟ້ານຳ້ຕົກ ຂະໜາດນ້ອຍ 15 MW ລົງມາຫລັງໄດ້ເຊັນບົດບັນທຶກຄວາມເຂົ້າໃຈລະຫວ່າງ ອຳນາດການປົກຄອງແຂວງວຽງຈັນ ແລະ ບໍລິສັດບົວທິບລາວຈຳກັດຜູ້ດຽວໃນວັນທີ 16 ກັນຍາ 2013 ນີ້ ໂດຍທ່ານ ບຸນມີ ພຸດທະ ວົງຮອງເຈົ້າແຂວງໆວຽງຈັນ, ທ່ານ ຄຳສົດ ເພັດລາວັນ ເຈົ້າເມືອງໆແມດພ້ອມດ້ວຍພະນັກງານທັງສອງຝ່າຍເຂົ້າຮ່ວມ.     

               ທ່ານ ໃຫຍ່ ພົມມະຈັກ ທີ່ປຶກສາບໍລິສັດບົວທິບຈຳກັດຜູ້ດຽວ ກ່າວວ່າ:ນຳ້ເຟືອງຕອນລຸ່ມທີ່ຕັ້ງຢູ່ບ້ານ ນຳ້ ເຟືອງ ເມືອງແມດ ແຂວງວຽງຈັນ ຫ່າງຈາກເທສະບານເມືອງແມດ ໄປທາງທິດຕາເວັນຕົກ 13 ກິໂລແມັດ ຈະໄດ້ຮັບການສຳ ຫຼວດສຶກສາ ຄວາມເປັນໄປໄດ້ສ້າງເຂື່ອນໄຟ ຟ້ານຳ້ຕົກຂະໜາດນ້ອຍ15MW ລົງມາ ແລະ ພາຍຫຼັງເຊັນ MOU ນີ້ແລ້ວ,

ບໍລິສັດຕົນຈະເລີ່ມລົງມືສຳຫຼວດໂດຍໄວໃນເວລາ 18 ເດືອນໂດຍເລັ່ງໃສ່ສຳຫຼວດຜົນກະທົບຕໍ່ສິ່ງແວດລ້ອມກໍຄືຂອບເຂດ ອ່າງເກັບນຳ້, ສຶກສາຄວາມເປັນໄປໄດ້ຕໍ່ການຜະລິດກະແສໄຟຟ້າ, ອອກແບບກໍ່ສ້າງຢ່າງລະອຽດຕາມບົດບັນທຶກຄວາມເຂົ້າ ໃຈຢ່າງເຂັ້ມງວດເພື່ອກ້າວສູ່ການເຊັນສັນຍາກໍ່ສ້າງເຂື່ອນແຫ່ງດັ່ງກ່າວ.     

         ການເຊັນບົດບັນທຶກຄວາມເຂົ້າໃຈດັ່ງກ່າວ, ຕາງໜ້າໃຫ້ແກ່ອຳນາດການປົກຄອງແຂວງວຽງຈັນໂດຍ ທ່ານ ອຸດົງ ພົງໄພ ປະດິດຫົວໜ້າພະແນກແຜນການ-ການລົງທຶນແຂວງ ແລະ ທ່ານນາງ ທອງທິບ ພົມມະຈັກ ຜູ້ອຳນວຍການບໍລິສັດບົວທິບ ຈຳ ກັດຜູ້ດຽວ.