ປັດຈຸບັນ, ເສັ້ນທາງຫລາຍສາຍໃນຕົວເມືອງ ແລະ ເຂດຊານເມືອງຂອງນະຄອນຫລວງວຽງຈັນ
ໄດ້ຮັບການປັບປຸງກໍ່ ສ້າງຕັດຜ່ານເຊື່ອມຕໍ່ກັນເພື່ອອຳນວຍຄວາມສະດວກໃຫ້ແກ່ການຄົມມະນາຄົມ
ແລະ ເຮັດໃຫ້ເກີດມີຫລາຍທາງຄົບສາມແຍກ ແລະ ສີ່ແຍກ, ໃນນີ້ເຫັນວ່າບາງຈຸດຍັງບໍ່ໄດ້ມີການຕິດຕັ້ງໄຟອຳນາດເພື່ອຄວບຄຸມການສັນຈອນ
ຈຶ່ງສົ່ງຜົນເຮັດໃຫ້ການສັນ ຈອນມີຄວາມສັບສົນຂາດຄວາມເປັນລະບຽບ ແລະ ມັກເກີດອຸປະຕິເຫດ ໂດຍສະເພາະສີ່ແຍກທາງ
450 ປີ-ນາ ຄວາຍ ເມືອງໄຊເສດຖາ. ນັບແຕ່ເສັ້ນທາງດັ່ງກ່າວສ້າງສຳເລັດມາໃນປີ 2010 ກໍປາກົດວ່າມີລົດແລ່ນຜ່ານເປັນຈຳນວນຫລາຍໃນແຕ່
ລະມື້ໂດຍສ່ວນຫລາຍແມ່ນລົດບັນທຸກໜັກ ເຊັ່ນ:ລົດແກ່ດິນ, ລົດຂົນສົ່ງສິນຄ້າຕ່າງໆທີ່ແລ່ນໄວ.
ຂະນະທີ່ເສັ້ນທາງດັ່ງກ່າວກໍຍັງຂາດການຄວບຄຸມ
ແລະ ອຳນວຍຄວາມສະດວກຕໍ່ການສັນຈອນ ເຊັ່ນ: ບໍ່ມີປ້ອມຍາມ ຂອງເຈົ້າໜ້າທີ່ຈະລາຈອນປະຈຳເສັ້ນທາງ,
ບໍ່ມີການຕິດຕັ້ງໄຟອຳນາດຕາມສາມແຍກ-ສີ່ແຍກ, ໄຟເຍືອງທາງຫລາຍຍ່ານບໍ່ຮຸ່ງ ໃນຍາມຄ່ຳຄືນ ແລະ
ອື່ນໆ. ຈາກສະພາບດັ່ງກ່າວຈຶ່ງມັກມີອຸປະຕິເຫດເກີດຂຶ້ນເລື້ອຍໆ ແລະ ມີຜູ້ເສຍຊີວິດຫລາຍລາຍມາ
ແລ້ວຈົນປະຊາຊົນທີ່ຢູ່ບໍລິເວນໃກ້ຄຽງເອີ້ນສີ່ແຍກດັ່ງກ່າວວ່າເປັນສີ່ແຍກມໍລະນະຍ້ອນວ່າເກີດອຸປະຕິເຫດຄັ້ງໃດແມ່ນມີຜູ້
ເສຍຊີວິດທັນທີຄືດັ່ງທີ່ເຄີຍມີຂ່າວອອກຜ່ານສື່ຕ່າງໆໃນໄລຍະຜ່ານມາ.
No comments:
Post a Comment