ໃນຕອນແລງວັນທີ 19 ກັນຍານີ້, ຢູ່ໂຮງແຮມດອນຈັນພາເລດ
ນະຄອນຫລວງວຽງຈັນ ໄດ້ມີພິທີເປີດບໍລິສັດເຄເບິນທີວີ CTH- SSN ປະເທດລາວ
ໂດຍການເຂົ້າຮ່ວມຂອງທ່ານ ສະຫວັນຄອນ ຣາຊມົນຕຣີ ລັດຖະມົນຕີຊ່ວຍວ່າການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ, ມີບັນດາຂາຫຸ້ນ ແລະ ຜູ້ອຳນວຍ ການສື່ຕ່າງໆ ແລະ ສື່ມວນຊົນເຂົາຮ່ວມ.ຜູ້ຕາງ
ຫນ້າບໍລິສັດ CTH ປະເທດໄທ ກ່າວວ່າ: ບໍລິສັດ CTH ສ້າງຕັ້ງຂຶ້ນໂດຍທຶນຈົດທະບຽນ 1 ພັນລ້ານບາດ ( ສະກຸນເງິນໄທ ) ເປັນຜູ້ໃຫ້ບໍລິການໂທລະພາບໃຊ້ສາຍ
ຫລື ( Cable TV ) ໃນລະບົບດີຈີຕອນທີ່ທັນສະໄຫມ
ໃຫ້ບໍລິການທັງລະບົບສາຍເຄເບິນຜ່ານໂຄງຂ່າຍສາຍໃຍແກ້ວ ( Fiber oftic
cable network ) ລະບົບຈານດາວທຽມ ແລະ ລະບົບອິນເຕີເນັດ
( Internet ) ມີສັນຍານຄວບຄຸມທົ່ວປະເທດໄທ.ປັດຈຸບັນບໍລິສັດ ໄດ້ໃຫ້ບໍລິ ການລາຍການທີ່ເປັນຂ່າວສານ,
ສາລະ,ຄວາມຮູ້,ຄວາມບັນເທີງ ຫລາຍຮູບແບບໃນລະບົບພາບທີ່ມີຄວາມແຈ້ງທີ່ສຸດ
( High Definition - HD ) ເຊິ່ງສ້າງຄວາມແຕກຕ່າງໃນການຮັບຊົມໂທລະພາບທີ່ຫນ້າຕື່ນຕາຕື່ນໃຈໃຫ້ລູກຄ້າທີ່ເປັນສະມາຊິກ
ແລະ ໄດ້ຮັບການຕອບຮັບຢ່າງດີຢູ່ຫລາຍປະເທດໃນປັດຈຸບັນ.
ນອກຈາກລາຍການທີ່ມີ ຄຸນນະພາບດັ່ງກ່າວແລ້ວ,CTH ຍັງເປັນຜູ້ໄດ້ຮັບສິດໃນການເຜີຍແຜ່ສັນຍານການຖ່າຍທອດສົດການແຂ່ງຂັນເຕະບານພຣີເມຍລີກ
ອັງກິດ ( Barclays Premier League ) ຈາກປະເທດອັງກິດ
ຕະຫລອດ 3 ລະດູການ ນັບແຕ່ລະດູການ 2013-2016 ໂດຍລູກຄ້າສະມາຊິກສາມາດຮັບຊົມການ
ຖ່າຍທອດສົດໄດ້ທຸກຄູ່ການແຂ່ງ ຂັນ ເຊິ່ງສິດການເຜີຍແຜ່ສັນຍານການຖ່າຍສົດຜ່ານທາງ CTH ໄດ້ຮັບດັ່ງກ່າວຄວບຄຸມທົ່ວປະເທດໄທ,
ລາວ ແລະ ກຳປູເຈຍ.
CTH ເຫັນວ່າ:ສປປ ລາວ ເປັນປະເທດບ້ານໃກ້ເຮືອນຄຽງທີ່ມີຄວາມຜູກພັນຢ່າງແໜ້ນແຟ້ນທຸກໆດ້ານ
ແລະ ທຸກລະດັບ,ມີການຈະເລີນເຕີບໃຫຍ່ທາງທຸລະກິດ,ມີຄວາມສະຫງົບຫມັ້ນຄົງທາງການເມືອງປົກຄອງ,ປະຊາ
ຊົນມີຄວາມເປັນມິດໄມຕີ ປະ ກອບກັບທັງລາວ ແລະ ໄທ ຈະເຂົ້າສູ່ປະຊາຄົມເສດຖະກິດອາຊຽນ
( AEC ) ໃນອີກ 3 ປີຂ້າງຫນ້ານີ້ ອັນຈະນຳມາເຊິ່ງຄວາມຈະເລີນຮຸ່ງເຮືອງ ແລະ
ໂອກາດທາງການຄ້າທົ່ວພາກພື້ນອາຊຽນ ເຊິ່ງ 1 ໃນນະໂຍບາຍຂອງ CTH ຄືການຂະຫຍາຍການໃຫ້ບໍລການສູ່ປະເທດລາວ ເພື່ອເປັນສ່ວນຫນຶ່ງໃນການຍົກລະດັບໃຫ້ການບໍລິການໂທລະພາບໃຊ້ສາຍເຄເບິນ
ແລະ ອິນເຕີເນັດຄວາມໄວສູງ ຕະຫລອດຈົນບໍລິການອື່ນໆທີ່ກ່ຽວຂ້ອງດ້ວຍເຕັກໂນໂລຊີລະດັບສູງເຊັ່ນດຽວກັນກັບຢູ່ປະເທດໄທ.
CTH
ຈຶ່ງໄດ້ສ້າງຕັ້ງ ບໍລິສັດ ຊີທີເອສ-ເອັສເອັສເອັນ ເທເລວີຊັນ ( ສປປ ລາວ
) ຫລື CTH-SSN Television ( Lao PDR ) ໂດຍຮ່ວມກັບບໍລິສັດ ເຊົາສະຕາເນັດເວີກ
ຈຳກັດ ແລະ ບໍລິສັດ ທີເຄ ຈຳກັດ ໂດຍທຶນຈົດທະບຽນ 100 ລ້ານບາດ ເພື່ອໃຫ້ບໍລິການໂທລະ
ພາບໃຊ້ສາຍເຄເບິນຢູ່ ສປປ ລາວ ນັບແຕ່ມື້ນີ້ເປັນຕົ້ນໄປ, ປະຊາຊົນລາວທຸກຄອບຄົວສາມາດຮັບຊົມໂທລະພາບທີ່ມີຄວາມແຈ້ງທີ່ສຸດ
( HD ) ທັງລາຍການລະຄອນ, ເພງ, ຮູບເງົາ, ສາລະດີ, ຂ່າວ, ການທ່ອງ ທ່ຽວ, ອາຫານ, ລາຍການເດັກ
ແລະ ອື່ນໆຈາກປະເທດໄທ ລວມທັງຊ່ອງຂ່າວ ທຊລ 1 ຂອງລາວ ແລະ ແນ່ນອນທີ່ສຸດຂາດບໍ່ໄດ້ຄືການຮ່ວມຮັບຊົມຮັບເຊຍທີ່ທ່ານມັກ
ເຊັ່ນ: ແມນເຊສເຕີ ຢູໄນເຕັດ, ລີເວີພູລ, ເຊວຊີ, ອາເຊນອລ ແລະ ອື່ນໆ ພ້ອມກັນຈາກປະເທດອັງກິດຜ່ານການໃຫ້ບໍລິການຂອງບໍລິສັດ
CTH-SSN Television ( Lao PDR ) ເຊິ່ງເປັນບໍລິສັດ ທີ່ໄດ້ຮັບສິດໃນການຖ່າຍທອດສົດຢ່າງເປັນທາງການ
ແລະ ຖືກຕ້ອງຕາມກົດຫມາຍໃນ ສປປ ລາວ ແຕ່ພຽງຜູ້ດຽວເທົ່ານັ້ນ.
CTH
ເຊື່ອຫມັ້ນວ່າ : ການເປີດໃຫ້ບໍລິການໃນນາມບໍລິສັດ CTH-SSN Television
( Lao PDR ) ຈະເປັນການເປີດມິຕິໃຫມ່ໃນການຮັບຊົມໂທລະພາບ ລວມ ທັງນຳມາເຊິ່ງການເຜີຍແຜ່ລາຍ
ການທີ່ເປັນຂ່າວສານ, ມີສາລະ, ຄວາມຮູ້, ຄວາມບັນເທີງ ອັນຈະສ້າງສັນ ແລະ ເປັນສ່ວນຫນຶ່ງໃນການສ້າງຄວາມຈະເລີນເຕີບໃຫຍ່ທາງເສດຖະກິດ,ການສ້າງວຽກເຮັດງານທຳ
ແລະ ການຮ່ວມມືອັນແຫນ້ນແຟ້ນຍິ່ງຂຶ້ນໄປໃນອະນາຄົດ.
No comments:
Post a Comment