ລັດຖະບານລາວ ແລະ ອົງການສະຫະປະຊາຊາດ ໄດ້ຈັດກອງປະຊຸມເຜີຍແຜ່ບົດ ລາຍງານການຈັດຕັ້ງປະຕິບັດເປົ້າ
ໝາຍຫັດສະວັດດ້ານການພັດທະນາ ຫລື MDGs ສະ ບັບທີ 3 ຂອງ ສປປ ລາວ ໃນວັນທີ 6 ກັນຍາ 2013 ທີ່ໂຮງແຮມ
ດອນຈັນພາເລດ, ນະຄອນຫລວງວຽງຈັນ. ໂດຍການເປັນປະທານຂອງ ທ່ານ ທອງລຸນ ສີສຸລິດ ຮອງນາຍົກ ລັດຖະມົນຕີ
ລັດຖະມົນຕີວ່າການກະຊວງການຕ່າງປະເທດ, ມີບັນດາລັດຖະມົນຕີການ, ພ້ອມດ້ວຍແຂກຈາກພາກສ່ວນທີ່ກ່ຽວຂ້ອງ
ແລະ ເຈົ້າໜ້າທີ່ຂັ້ນສູງຂອງອົງການສະຫະປະ ຊາຊາດເຂົ້າຮ່ວມ.
ທ່ານຮອງນາຍົກລັດຖະມົນຕີ ທອງລຸນ ສີສຸລິດ ກ່າວວ່າ:
ສປປ ລາວ ໄດ້ດຳເນີນ ການຈັດຕັ້ງປະຕິບັດເປົ້າໝາຍສະຫັດ ສະວັດດ້ານການພັດທະນາມາແຕ່ປີ
2000.ໃນໄລຍະຜ່ານມາໄດ້ສຳເລັດການສ້າງບົດລາຍງານແຫ່ງຊາດ 2 ສະບັບຄື: ສະບັບທີໜຶ່ງໃນປີ
2004 ແລະ ສະບັບທີສອງໃນປີ 2008 ສ່ວນສະບັບທີ 3 ແມ່ນເລີ່ມແຕ່ປີ 2012 ມາເຖິງປະຈຸບັນ
ເພື່ອກຳນົດໃຫ້ບັນລຸເປົ້າໝາຍສະຫັດສະວັດດ້ານການພັດທະນາພາຍໃນປີ 2015. ຕະຫລອດໄລຍະຂອງການຈັດຕັ້ງປະຕິບັດເປົ້າໝາຍດັ່ງ
ກ່າວ ສ ປປລາວ ສາມາດບັນລຸໄດ້ໃນ
ຫລາຍໆເປົ້າໝາຍຂອງ MDGs ເຊັ່ນ: ການສົ່ງເສີມບົດບາດ
ຍິງ-ຊາຍ ແລະ ການສ້າງ ຄວາມເຂັ້ມແຂງໃຫ້ແມ່ຍິງ, ການຫລຸດຜ່ອນອັດຕາການເສຍຊີວິດຂອງເດັກ,ຕ້ານກັບເຊື້ອພະຍາດ
HIV/AIDs, ໄຂ້ມາເລເລຍ, ເຊື້ອພະຍາດອື່ນໆ ແລະ ການສ້າງຄູ່ຮ່ວມມືດ້ານການພັດທະນາໃນຂອບເຂດທົ່ວໂລກ.
ເຖິງຢ່າງໃດກໍຕາມ ຍັງມີບາງຕົວຊີ້ວັດສະແດງໃຫ້ເຫັນວ່າ: ສປປ ລາວ ຍັງບໍ່ທັນປະຕິບັດໄດ້ໃນບາງເປົ້າໝາຍ
ແລະ ຍັງສືບຕໍ່ເປັນສິ່ງທ້າທາຍໃນການບັນລຸເປົ້າໝາຍສະຫັດສະ ວັດດ້ານການພັດທະນາ,
ອັນໄດ້ແກ່ການລຶບລ້າງຄວາມທຸກຍາກ ແລະ ໄພອຶດຫິວ,ການຂາດໂພຊະນາການຂອງສານອາຫານ,
ການໃຫ້ທຸກຄົນໄດ້ຮັບການສຶກສາພື້ນຖານຂັ້ນປະຖົມຢ່າງທົ່ວເຖິງ, ການປັບປຸງສຸຂະພາບຂອງແມ່,
ການຮັບປະກັນຄວາມຍືນຍົງດ້ານສິ່ງແວດລ້ອມ ແລະ ບັນຫາສຳຄັນທີ່ຂັດຂວາງການພັດທະນາແມ່ນບັນຫາການເກັບກູ້ລະເບີດຕົກຄ້າງທີ່ບໍ່ທັນແຕກຢູ່
ສປປ ລາວ.
ເພື່ອບັນລຸເປົ້າໝາຍສະຫັດສະວັດດ້ານການພັດທະນາ
ຫລື MDGs,ລັດຖະບານລາວ ໄດ້ເອົາໃຈໃສ່ຢ່າງຕັ້ງໜ້າໃນການຜັນຂະຫຍາຍບັນດາເປົ້າໝາຍດັ່ງ
ກ່າວເຂົ້າໃນແຜນຍຸດທະສາດການພັດທະນາ ເພື່ອການຈະເລີນເຕີບໂຕ ແລະ ການລຶບລ້າງຄວາມທຸກຍາກແຫ່ງຊາດ
ໂດຍແນໃສ່ເປົ້າໝາຍນຳເອົາປະເທດຫລຸດພົ້ນອອກຈາກສະຖານະພາບການເປັນປະເທດດ້ອຍພັດ
ທະນາໃນປີ 2020.ພ້ອມດຽວກັນນີ້ ກໍໄດ້ກຳ ນົດເອົາແຜນເລັ່ງລັດເພື່ອການບັນລຸເປົ້າໝາຍສະຫັດສະວັດດ້ານການພັດທະນາ
ຕິດພັນກັບແຜນການພັດທະນາທີ່ເປັນບູລິມະສິດໃນການນພັດທະນາເສດຖະກິດ- ສັງຄົມແຫ່ງຊາດ.
No comments:
Post a Comment