ປັດຈຸບັນ, ການນຳທຸກຂັ້ນຂອງແຂວງອຸດົມໄຊ
ໄດ້ເລັ່ງໃຫ້ການຊ່ວຍເຫລືອ ແລະ ຟື້ນຟູໂຄງລ່າງພື້ນຖານລວມທັງເນື້ອ ທີ່ການຜະລິດຕະຫລອດເຖິງແນວຄິດຈິດໃຈຂອງປະຊາຊົນ
ດ້ວຍຄວາມເອົາໃຈໃສ່, ໃນຂະນະທີ່ການຕີລາຄາຜົນເສຍຫາຍຫຼ້າສຸດຕົກເປັນມູນຄ່າ
293 ຕື້ກວ່າກີບ.
ທ່ານ ຄຳແພງ ຈິດຕະວົງ ຮອງເຈົ້າແຂວງໆອຸດົມໄຊ,
ປະ ທານຄະນະກຳມະ ການຕ້ານໄພ ພິບັດຂັ້ນແຂວງໃຫ້ຮູ້ວ່າ: ໃນລະ ຫວ່າງວັນທີ 20-21
ສິງຫາຜ່ານມາ ໄດ້ມີຝົນຕົກໜັກຕໍ່ເນື່ອງ ເຮັດ ໃຫ້ເກີດມີນ້ຳໄຫລຊຸຈາກແມ່ນ້ຳ ສອງ-ສາມສາຍ
ເຮັດໃຫ້ຊັບສິນເສຍຫາຍຈຳນວນບໍ່ໜ້ອຍ ແລະ ມີປະຊາຊົນເສຍຊີວິດຈຳນວນ 17 ຄົນ, ຍິງ
10 ຄົນ, ໃນນີ້ ສະເພາະເມືອງແບງ ມີ ຜູ້ເສຍຊີສິດເຖິງ 15 ຄົນ,ເມືອງໄຊ 1 ຄົນ
ແລະ ເມືອງງາ 1 ຄົນ. ຈາກນັ້ນ ກໍໄດ້ຮ່ວມ ກັບໜ່ວຍງານທີ່ກ່ຽວຂ້ອງຈັດກອງປະ ຊຸມດ່ວນເພື່ອວາງແຜນແກ້ໄຂໃຫ້ທັນ
ການໂດຍສະເພາະໄດ້ລະດົມກຳລັງປ້ອງກັນຊາດ-ປ້ອງກັນຄວາມສະ
ຫງົບ ແລະ ໜ່ວຍ ງານຊາວໜຸ່ມ ແຂວງ ລົງຊ່ວຍເຫລືອກູ້ໄພໃນການຍົກຍ້າຍເຄື່ອງຂອງ
ແລະ ເກັບກູ້ສົບຜູ້ເສຍຊີວິດຢ່າງຮີບດ່ວນ. ຫລັງນ້ຳແຫ້ງລົງກໍມີການ ຊ່ວຍເຫລືອບັນເທົາທຸກໃນເບື້ອງຕົ້ນທັນທີ
ໂດຍໄດ້ມີການນຳສັງກະສີ, ແພບັດ, ເຂົ້າສານ-ອາ ຫານແຫ້ງ, ນ້ຳດື່ມ-ນ້ຳໃຊ້ ແລະ ອື່ນໆທີ່ຈຳເປັນໄປຊ່ວຍເຫລືອທັງສົ່ງທີມງານແພດໝໍ
ລົງໄປຕິດຕາມເບິ່ງແຍງສຸຂະພາບ, ປ້ອງກັນເຊື້ອພະຍາດທີ່ ອາດເກີດຂຶ້ນ.ຈາກນັ້ນ
ໄດ້ເລັ່ງແກ້ໄຂສ້ອມແປງລະບົບ ໄຟຟ້າທີ່ເປັນປັດໄຈສຳຄັນ ໃຫ້ໄດ້ຊົມໃຊ້,ສິ່ງສຳຄັນໄດ້ເອົາໃຈໃສ່ເກັບກູ້ສົບຜູ້ເສຍຊີວິດ
ແລະ ຊ່ວຍເບິ່ງແຍງຈັດພິທີບຳເພັນກຸສົນ ຕາມປະເພນີທັງມອບເງິນຊ່ວຍເຫຼືອໃຫ້ຄອບຄົວ
2,7 ລ້ານ ກີບຕໍ່ ຄົນ(ທີ່ເສຍຊີວິດ).ຢ່າງໃດກໍຕາມ ໃນລະດູຝົນປີນີ້,ແຂວງອຸດົມໄຊ
ໄດ້ຮັບຜົນກະທົບຈາກໄພທຳມະຊາດເກືອບທຸກເມືອງ ລວມທັງໝົດ 32 ບ້ານ, ແຕ່ໜັກໜ່ວງກວ່າ
ໝູ່ແມ່ນຢູ່ 3 ບ້ານ ໃນຈຳນວນ 28 ບ້ານຂອງເມືອງແບງ, ປະຊາຊົນໄດ້ຮັບຜົນກະທົບກວ່າ
1.700 ຄອບຄົວ, ພົນລະເມືອງກວ່າ 8.000 ຄົນ, ພ້ອມນີ້ ມີເຮືອນຖືກນ້ຳຊຸໄຫລທັງໝົດ
48 ຫລັງ ແລະ ມີເຮືອນເປ່ເພກວ່າ 100 ຫລັງ, ສຳລັບເມືອງໄຊມີເຮືອນຖືກນ້ຳຊຸໄຫລ
5 ຫລັງ ແລະ ມີເຮືອນເປ່ເພຈຳນວນໜຶ່ງ.
ສຳລັບເນື້ອທີ່ການຜະລິດທີ່ໄດ້ຮັບຜົນກະທົບ
ແລະ ເສຍຫາຍ ມີເນື້ອທີ່ນາ 512 ເຮັກຕາ, ສວນ ສາລີ 520 ກວ່າເຮັກ ຕາ, ສວນກ້ວຍ 54
ເຮັກຕາ.ຕາມການຕີລາ ຄາຜົນເສຍຫາຍໃນຂົງເຂດກະສິ ກຳ 57 ຕື້ກວ່າກີບ,ຂະແໜງໂຍທາ
ທິການ ແລະ ຂົນສົ່ງ 230 ຕື້ກວ່າກີບ, ໄຟຟ້າ 1,2 ຕື້ກວ່າກີບ, ສາທາ ລະນະສຸກ 500 ກວ່າລ້ານກີບ
ແລະ ຂົງເຂດສຶກສາເກືອບ 1 ຕື້ ກີບ. ມາຮອດດຽວນີ້, ການຊ່ວຍເຫລືອບັນເທົາທຸກຂອງອຳນາດການປົກຄອງນອກຈາກສະໜອງເຂົ້າປາອາຫານ,
ເຄື່ອງອຸປະໂພກ- ບໍລິໂພກລວມທັງການສ້າງທີ່ພັກອາໄສຊົ່ວຄາວແລ້ວ, ຍັງໄດ້ສ້ອມແປງລະບົບຊົນລະປະທານຫລາຍຈຸດທີ່ຈຳເປັນ
ເພື່ອສະໜອງນ້ຳໃຫ້ເນື້ອທີ່ນາ ແລະ ເນື້ອທີ່ປູກພືດໃຫ້ໄດ້ຮັບຜົນເກັບກ່ຽວ,ດຳເນີນການຕັດຜັງບ້ານ
ເພື່ອຈັດສັນໃຫ້ຜູ້ປະ ສົບໄພເຮືອນຖືກຊຸ, ສ້ອມແປງລະບົບນ້ຳລິນ-ນ້ຳສະອາດ
ແລະ ອື່ນໆຈຳນວນໜຶ່ງມູນຄ່າ 600 ກວ່າລ້ານກີບ ໂດຍນຳໃຊ້ທຶນປະ ກອບສ່ວນບັນເທົາທຸກຈາກທົ່ວສັງຄົມລວມທັງພາກລັດ
ແລະ ເອກກະຊົນທີ່ລະດົມມາໃນວົງເງິນ 1,7 ຕື້ກວ່າກີບ. ແນວໃດກໍດີປັດຈຸບັນ,ເງິນທີ່ໄດ້ຮັບການບັນເທົາທຸກຈາກສັງຄົມນີ້
ແມ່ນບໍ່ທັນພຽງພໍ ຖ້າທຽບໃສ່ຄວາມຕ້ອງການທີ່ມີເກືອບ 300 ຕກີບື້, ແຕ່ຄະນະນຳແຂວງ
ກໍໄດ້ມີແຜນສືບຕໍ່ລະດົມ ຈາກຫລາຍພາກສ່ວນຕື່ມອີກ ພ້ອມທັງມີນະໂຍບາຍຢ່າງເໝາະສົມໃນການປະ
ຕິບັດໂຄງການຕ່າງໆ ທັງໄລຍະສັ້ນ ແລະ ໄລຍະຍາວ ເພື່ອຟື້ນຟູໃຫ້ຄືນສູ່ປົກກະຕິໂດຍໄວ.
No comments:
Post a Comment