ທ່ານ ຈອນ ແບ ລັດຖະມົນຕີວ່າການກະຊວງການຕ່າງປະເທດການາດາ
ໄດ້ປະກາດຈະໃຫ້ການສະໜັບສະໜູນທຶນຈຳ ນວນ 1 ລ້ານໂດລາສະຫະລັດ ເພື່ອນຳໃຊ້ເຂົ້າໃນການວຽກງານເກັບກູ້ລະເບີດຢູ່ລາວ.
ການປະກາດດັ່ງກ່າວມີຂຶ້ນໃນໂອກາດທີ່ທ່ານ ແລະ ຄະນະໄດ້ໄປຢ້ຽມຢາມສູນຟື້ນຟູຄົນພິການ
ໃນວັນທີ 15 ຕຸລານີ້.
ທ່ານ ຈອນ ແບ ກ່າວວ່າ: ການຢ້ຽມຢາມເທື່ອນີ້ມີຄວາມສຳຄັນຫລາຍ
ໂດຍສະເພາະການເຮັດວຍກກ່ຽວກັບການເກັບກູ້ລະເບີດບໍ່ທັນແຕກ ແລະ ການໃຫ້
ການສະໜັບສະໜູນຊ່ວຍເຫລືອຜູ້ຖືກເຄາະຮ້າຍຈາກລະເບີດບໍ່ທັນແຕກໃນປາງສົງຄາມ.
ປະເທດລາວເປັນໜຶ່ງທີ່ໄດ້ຮັບຜົນກະທົບຢ່າງໜັກໜ່ວງຈາກລະເບີດລູກຫວ່ານ ແລະ
ມິນຝັງດິນ ເຊິ່ງລະເບີດດັ່ງກ່າວໄດ້ສືບຕໍ່ທຳລາຍຊີວິດ ແລະ ສ້າງຄວາມຫຍຸ້ງຍາກຕໍ່ການດຳລົງຊີວິດຂອງປະຊາ
ຊົນລາວ. ດັ່ງນັ້ນ ປະເທດການາດາຈຶ່ງເພີ່ມທະວີການມີສ່ວນຮ່ວມໃນພັນທະເຂົ້າວຽກງານລະເບີດລູກຫວ່ານ
ແລະ ສົນທິສັນຍາວ່າດ້ວຍການຕ້ານລະເບີດ ແລະ ສຳ ລັບປີນີ້ ປະເທດການາດາຈະໃຫ້
ການສະໜັບສະໜູນເປັນຈຳນວນເງິນ 1 ລ້ານໂດລາສະຫະລັດ ໃຫ້ແກ່ວຽກງານດ້ານລະເບີດໃນລາວ
ໂດຍຈຳ
ນວນເງິນດັ່ງກ່າວຈະໄດ້ສະໜັບສະໜູນຜ່ານ 2 ໂຄງ ການ ຄືໂຄງການທຳອິດຈະຖືກດຳເນີນໂດຍອົງການເກັບກູ້ລະເບີດແມັກ
(MAG) ໃນເນື້ອທີ່ 150.000 ຕາແມັດ ແລະ ໂຄງ ການ ທີສອງສະໜັບສະໜູນການຮ່ວມມືລະຫວ່າງໂຄງການເກັບກູ້ລະເບີດແຫ່ງຊາດ
(UXO Lao) ແລະ ອົງ ການ ສປຊ ເພື່ອການພັດທະນາ ເຊິ່ງນັບແຕ່ປີ 2009-2011 ການາດາໄດ້ສະໜັບສະ
ໜູນຂະແໜງການທີ່ຕິດພັນກັບລະເບີດບໍ່ທັນແຕກ ເພື່ອຊ່ວຍເຫລືອປະຊາຊົນລາວ,
ຊ່ວຍເຫລືອຊີວິດການເປັນຢູ່ເພື່ອໃຫ້ເຂົາເຈົ້າມີສະພາບແວດລ້ອມທີ່ປອດໄພລວມທັງສອງໂຄງການທີ່ກ່າວມານີ້
ເປັນຈຳ ນວນເງິນຫລາຍກວ່າ 2,1 ລ້ານໂດລາສະຫະ ລັດ.
No comments:
Post a Comment