ສະເຫລີມສະຫລອງວັນຄູແຫ່ງຊາດຄົບ 19 ປີ

        ວັນທີ 3 ຕຸລານີ້, ອົງການປົກ ຄອງນະຄອນຫຼວງໄດ້ຈັດພິທີສະເຫຼີມສະວັນ ຄູແຫ່ງຊາດ 7 ຕຸລາ ຄົບຮອບ 19 ປີ ຂຶ້ນທີ່ໂຮງ ຮຽນ ມປາຍ ສີໂຄດ, ໂດຍການ ເຂົ້າ ຮ່ວມຂອງທ່ານ ສາຍທອງ ແກ້ວດວງດີ,ຮອງເຈົ້າຄອງນະຄອນຫຼວງວຽງຈັນ, ທ່ານ ຊົມພູ ແກ້ວປັນຍາ, ຫົວໜ້າພະແນກສຶກ ສາທິການ ແລະ ກິລາ ຄູ​ອາຈານ​ ແລະ ນັກຮຽນເຂົ້າຮ່ວມເປັນຈຳນວນຫຼາຍ.

          ໃນພິທີດັ່ງກ່າວ ທ່ານຫົວໜ້າພະແນກສຶກສາ ແລະ ກິລານະຄອນຫຼວງໄດ້ລາຍງານຜົນຂອງການຈັດຕັ້ງປະຕິບັດການ ຮຽນການສອນໃນໄລຍະຜ່ານມາເຫັນວ່າຍັງມີ 5 ບັນຫາທີ່ເປັນຂໍ້ຄົງຄ້າງ ແລະ ຈະຕ້ອງໄດ້ສືບຕໍ່ເອົາໃຈໃສ່ປະຕິ ບັດເຊັ່ນ: 1 ພະ ນັກງານ, ຄູ-ອາ ຈານຈຳນວນໜຶ່ງຍັງບໍ່ທັນເອົາໃຈໃສ່ຕໍ່ການປະຕິບັດໜ້າທີ່ວຽກ ງານຂອງຕົນຢ່າງເຕັມສ່ວນ ແລະ ນັກຮຽນຈ ຳນວນໜຶ່ງກໍຍັງບໍ່ທັນເອົາໃຈໃສ່ສຶກສາຮ່ຳຮຽນ, ເຮັດໃຫ້ການຮຽນການສອນບໍ່ມີຄຸນນະພາບ, 2 ການແກ້ໄຂປາກົດການຫຍໍ້

ທໍ້ໃນຂົງເຂດການສຶກ ສາຍັງບໍ່ທັນເຮັດໄດ້ຂາດຕົວ, 3 ອັດຕາຄ້າງຫ້ອງ,ອັດຕາປະລະ ໂຮງຮຽນຂອງນັກ ຮຽນຍັງສູງ, 4 ການ ຮ່ວມຊີວິກການເມືອງ ແຕ່ ລະຈຸ,ແຕ່ລະໜ່ວຍພັກບາງໄລຍະ ບໍ່ທັນປົກກະຕິ,ການຕຳນິ ກໍ່ສ້າງ ຍັງມີລັກສະນະລວມໆ ແລະ ຈົ່ງຈຽມ ແລະ 5 ໂຮງຮຽນປະຖົມທີ່ມີນັກຮຽນໜ້ອຍຍັງບໍ່ທັນໄດ້ປັບປຸງ ແລະ ພັດທະນາເພື່ອນຳໃຊ້ໃຫ້ເກີດຜົນປະໂຫຍດ ຕໍ່ສັງຄົມ ແລະ ​ໃນໂອກາດນີ້ ທາງພະແນກສຶກສາ ແລະ ກິລານະຄອນຫຼວງໄດ້ມອບໃບຍ້ອງຍໍໃຫ້ຄູ-ອາຈານ ຜູ້ທີ່ມີຜົນງານ ດີເດັ່ນຈຳນວນ​ໜຶ່ງ.

              ປັດຈຸບັນນະຄອນຫຼວງ ວຽງຈັນ ມີໂຮງຮຽນສາມັນທັງ ໝົດລວມ ທັງພາກລັດ ແລະ ເອ ກະຊົນ 881 ແຫ່ງ ​ໃນ​ນັ້ນ ໂຮງ ຮຽນລ້ຽງເດັກ, ອະນຸບານ 223 ແຫ່ງ,ໂຮງຮຽນປະຖົມ 501 ແຫ່ງ ແລະ ໂຮງຮຽນມັດຖະຍົມ 147 ແຫ່ງ)ທຽບໃສ່ ປີຜ່ານມາເພີ່ມຂຶ້ນ 24 ແຫ່ງ,ມີນັກຮຽນທັງໝົດ 177.459 ຄົນ ແລະ ມີຄູສອນທັງ ໝົດ 8.070 ຄົນ(ບໍນັບ ພະນັກງານ ບໍລິຫານ).