ກອງປະຊຸມເຜີຍແຜ່ສະພາບການຈັດຕັ້ງປະຕິບັດແຜນພັດທະນາເສດຖະ ກິດ-ສັງຄົມ
ແລະ ແຜນງົບປະມານສົກປີ 2012-2013 ແລະ ແຜນສົກປີ 2013- 2014, ໄດ້ຈັດຂຶ້ນໃນລະຫວ່າງວັນທີ
2-3 ຕຸລາ 2013 ທີ່ຫໍປະຊຸມແຫ່ງຊາດ ນະ ຄອນຫລວງວຽງຈັນ, ໂດຍການເປັນປະທານຂອງທ່ານ
ທອງສິງ ທຳມະວົງ ນາຍົກ ລັດຖະ ມົນຕີ, ມີບັນດາສະມາຊິກລັດຖະ ບານ, ຫົວໜ້າ-ຮອງຫົວໜ້າຫ້ອງວ່າການ ສູນກາງພັກ,
ຫ້ອງວ່າການສະພາແຫ່ງຊາດ, ຄະນະຈັດຕັ້ງສູນກາງພັກ, ຄະນະໂຄສະ ນາອົບຮົມສູນກາງພັກ,
ອົງການຕຸລາການພ້ອມດ້ວຍພະນັກງານຫລັກແຫລ່ງ, ພະ ນັກງານບຳນານອາວຸໂສອ້ອມຂ້າງສູນກາງ
ແລະ ນະຄອນຫລວງເຂົ້າຮ່ວມ 1.500 ຄົນ.
ກອງປະຊຸມໄດ້ຮັບ ຟັງການໂອ້ລົມ
ຈາກ ທ່ານ ທອງສິງ ທຳມະວົງ ນາຍົກລັດຖະມົນຕີ ກ່ຽວກັບສະພາບການຈັດ ຕັ້ງປະຕິບັດແຜນພັດທະນາເສດຖະກິດ-
ສັງຄົມ ແລະ ແຜນງົບປະມານສົກປີ 2012-2013 ແລະ ແຜນປະຈຳສົກປີ 2013- 2014. ທັງນີ້ເພື່ອຜັນຂະຫຍາຍ
ແລະ ຈັດຕັ້ງປະຕິບັດ ຕາມມະຕິຂອງກອງປະຊຸມໃຫຍ່ ຄັ້ງທີ IX ຂອງພັກ ແລະ ເພື່ອສືບ
ຕໍ່ຈັດຕ້ັງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີຄ້ັງທີ VII ໃຫ້ບັນລຸຕາມເປົ້າ
ໝາຍໃນປີ 2015, ໂດຍສະ
ເພາະການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ
ໃນສົກປີ ຜ່ານມາເຫັນວ່າ ປະເທດເຮົາຍັງຮັກສາຄວາມສະຫງົບ, ຄວາມເປັນລະບຽບຮຽບຮ້ອຍທາງສັງ
ຄົມໄດ້ດີ, ອັດຕາການເຕີບໃຫຍ່ ທາງເສດຖະກິດ ຍັງຢູ່ໃນລະດັບ 8%, ສະພາບການຄ້າ-ການລົງ
ທຶນ, ການຜະລິດ-ທຸລະກິດຍັງປົກກະຕິ ແລະ ມີທ່າອ່ຽງຂະຫຍາຍ ຕົວ, ການພັດທະນາເສດຖະກິດ-
ສັງຄົມ, ການພັດທະນາຊົນນະບົດ ແລະ ການແກ້ໄຂຄວາມທຸກຍາກ ຕິດພັນກັບການເຮັດທົດລອງ
3 ສ້າງ ສືບຕໍ່ເປັນຂະບວນການກວ້າງຂວາງ. ເວົ້າລວມແລ້ວ ສົກປີ 2012-2013 ຜ່ານມາ ປະເທດເຮົາຍັງສາມາດສ້າງໄດ້ທ່ວງທ່າທີ່ດີໃນການກະກຽມກ້າວສູ່ປີ
2014 ທັງເປັນພື້ນ ຖານໃຫ້ແກ່ການບັນລຸເປົ້າໝາຍພັດທະນາໃນອະນາຄົດ.
ສຳລັບແຜນສົກປີ 2013- 2014 ນີ້,
ແມ່ນມີຄວາມສຳຄັນຫລາຍ ເພາະເປັນປີທີສີ່ຂອງການ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ
5 ປີ ຄັ້ງທີ VII (2011-2015) ແລະ ເປັນແຜນສືບຕໍ່ບຸກທະລຸທັງ 4 ດ້ານ ຕາມມະຕິກອງປະຊຸມໃຫຍ່
ຄັ້ງທີ IX ຂອງພັກ, ເພື່ອສືບຕໍ່ຮັກ ສາສະຖຽນລະພາບ ແລະ ການພັດທະນາເສດຖະກິດ-ສັງຄົມໃຫ້ຂະ
ຫຍາຍຕົວຕໍ່ເນື່ອງ ທັງຮັບປະ ກັນຄວາມຍືນຍົງຕິດພັນກັບການປົກປັກຮັກສາສິ່ງແວດລ້ອມ.
ໃນຕອນທ້າຍ ທ່ານນາຍົກ ລັດ ຖະມົນ ຕີ ຍັງໄດ້ຊີ້ນຳໃຫ້ທຸກພາກສ່ວນທີ່ ກ່ຽວຂ້ອງ
ນຳເອົາເນື້ອໃນຈິດໃຈຂອງກອງປະຊຸມຄັ້ງນີ້ ໄປຈັ ຕັ້ງປະຕິບັດໃນຂອບເຂດສິດ, ໜ້າທີ່
ແລະ ຄວາມຮັບຜິດຊອບຂອງຕົນ ເພື່ອເຮັດໃຫ້ການຈັດຕັ້ງປະຕິບັດແຜນພັດທະນາເສດຖະກິດ-
ສັງ ຄົມ ສົກປີ 2013-2014 ກໍຄື ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ
VII ບັນລຸຕາມເປົ້າໝາຍ ແລະ ໄດ້ຮັບຜົນດີ.
No comments:
Post a Comment