ໃນວັນທີ 12 ຕຸລານີ້, ທ່ານ ບຸນຍັງ ວໍລະຈິດ ຮອງປະທານປະເທດ
ໄດ້ຕິດຕາມຄວາມຄືບໜ້າ ໂຄງການກໍ່ສ້າງເຂື່ອນໄຟຟ້ານ້ຳງຽບ 2 ທີ່ຕັ້ງຢູ່ລະຫ່ວາງເຂດ
ແດນເມືອງຄູນ ແລະ ເມືອງຜາໄຊ ແຂວງຊຽງຂວາງ ແລະ ໄດ້ຮັບຟັງການລາຍງານຈາກວິຊາການປະຈຳສະໜາມໂດຍຫຍໍ້ກ່ຽວກັບສະພາບການກໍ່ສ້າງເຂື່ອນໄຟຟ້າດັ່ງກ່າວວ່າ:ເຂື່ອນດັ່ງກ່າວ ແມ່ນ
ບໍລິສັດ CWE ຖືຫຸ້ນ 90%, ບໍລິສັດລັດວິສາຫະກິດໄຟຟ້າລາວ ຖືຫຸ້ນ10%, ມີກຳລັງການຜະລິດ ກະແສໄຟຟ້າ 180 ເມກາວັດ, ລວມມູນຄ່າການກໍ່ສ້າງ
300 ກວ່າລ້ານໂດລາສະຫະລັດ.ມາ ຮອດປັດຈຸບັນ,ການກໍ່ສ້າງເຂື່ອນຄອນກີຼດປະສົມແຮ່ຕົວເຂື່ອນສຳເລັດ
92%,ອຸມົງຜັນນ້ຳ ປະຕິບັດ ໄດ້ 58%,ເຂຶ່ອນກັກເກັບນ້ຳ 32%, ອຸມົງສົ່ງນ້ຳຫາເຮືອນຈັກ
86%, ທໍ່ ຫາຍໃຈ 20%, ເຮືອນຈັກ 15%, ສາຍສົ່ງໄຟຟ້າ 5%. ນອກນີ້ການຄຸ້ມຄອງສິ່ງແວດລ້ອມ-
ສັງຄົມ ແລະ ຍົກຍ້າຍຈັດສັນປະ
ຊາຊົນກໍໄດ້ດຳເນີນໄປໂດຍດີ, ການອະນາໄມອ່າງ,ການກວດກາຄຸນນະພາບ
ນ້ຳ,ການທົດແທນ,ການຊ່ວຍເຫຼືອສັງຄົມໄດ້ດຳເນີນຕາມຂັ້ນ ຕອນຢ່າງລະອຽດ.
ໃນໂອກາດນີ້,ຮອງປະທານປະເທດ ກໍໄດ້ໂອ້ລົມພະນັກງານບໍລິສັດ
ເຊິ່ງທ່ານໄດ້ສະແດງຄວາມດີໃຈຕໍ່ການພັດທະ ນາ,ຮ່ວມມື ແລະ ການລົງທຶນ ຂອງບໍລິສັດ
ພ້ອມທັງເນັ້ນໃຫ້ທຸກພາກສ່ວນຮ່ວມມືກັນ, ປຶກສາຫາ ລື ເພື່ອຈັດຕັ້ງປະຕິບັດວຽກງານໃຫ້ສຳເລັດຕາມຄາດໝາຍທີ່ກຳນົດໄວ້.
No comments:
Post a Comment