ກອງປະຊຸມປຶກສາຫາລືກ່ຽວກັບວຽກງານຄົນພິການລາວ
ປະຈຳປີ 2013 ໄດ້ໄຂຂຶ້ນ ໃນວັນທີ 15 ຕຸລານີ້
ຢູ່ນະ ຄອນຫລວງວຽງຈັນ, ພາຍໃຕ້ການເປັນປະທານ ຂອງ ທ່ານນາງ ອ່ອນຈັນ ທຳມະວົງ ລັດຖະມົນຕີວ່າການກະຊວງແຮງງານ
ແລະ ສະຫວັດດີການສັງຄົມ, ມີບັນດາຜູ້ຕາງໜ້າຈາກກະຊວງກ່ຽວ ຂ້ອງອ້ອມຂ້າງສູນກາງ,
ອົງການຈັດຕັ້ງສາກົນປະຈຳລາວ, ຜູ້ຕາງໜ້າສະມາຄົມຄົນພິການລາວ ແລະ ພາກສ່ວນກ່ຽວຂ້ອງເຂົ້າ
ຮ່ວມ. ໃນກອງປະຊຸມດັ່ງກ່າວ ໄດ້ປຶກສາຫາລືຫລາຍບັນ ຫາທີ່ພົວພັນກັບວຽກງານຄົນພິການເປັນຕົ້ນ:
ນະໂຍບາຍດ້ານການພັດທະນາ, ການລຶບລ້າງຄວາມທຸກຍາກ, ການມີສ່ວນຮ່ວມດ້ານສັງຄົມ,
ການມີວຽກເຮັດງານທຳ, ການເຂ້ົາເຖິງການບໍລິການຂັ້ນພື້ນຖານທາງສັງຄົມ, ຂະບວນການຕັດສິນໃຈ
ແລະ ອື່ນໆ.
ໃນໂອກາດກ່າວເປີດ ກອງປະຊຸມ ທ່ານນາງ
ອ່ອນຈັນ ທຳມະວົງ ໄດ້ຍົກໃຫ້ເຫັນວ່າ: ຜ່ານມາລັດຖະບານລາວ ໄດ້ໃຫ້ຄວາມສຳຄັນຕໍ່ການພັດທະນາຄົນພິການ
ແລະ ຖືເປັນບູລິມະສິດຕ້ົນຕໍໃນແຜນພັດທະນາ ດ້ວຍການສົ່ງເສີມ ແລະ ໃຫ້
ການສະໜັບສະໜູນໃນຫລາຍຮູບການ
ເພື່ອແນໃສ່ໃຫ້ເຂາເຈົ້າໄດ້ມີການພັດທະນາຢ່າງຕັ້ງໜ້າ ເຊັ່ນ: ສົ່ງເສີມດ້ານການສຶກ ສາ, ການບໍລິ ການສຸຂະພາບ,
ການເຝິກອົບຮົມວິຊາຊີບ, ການຈ້າງງານ, ການປົກປ້ອງທາງສັງຄົມ, ການເຂົ້າເຖິງຂໍ້ມູນຂ່າວ
ສານ, ລວມທັງການມີສ່ວນຮ່ວມໃນການພັດທະ ນາຢູ່ຂັ້ນສູນກາງ ແລະ ຊຸມຊົນ. ແຕ່ຜ່ານການ
ຈັດຕັ້ງປະຕິບັດຕົວຈິງ ຍັງເຫັນວ່າ: ຄົນພິການຈຳ ນວນຫລາຍຍັງບໍ່ທັນສາມາດເຂົ້າເຖິງການບໍລິການທາງສັງຄົມໄດ້ຢ່າງເຕັມສ່ວນສາເຫດເນື່ອງຈາກ
ແນວຄວາມຄິດຂອງສັງຄົມສ່ວນຫລາຍຍັງມີຂໍ້ຈຳກັດຕໍ່ຄົນພິການ, ທຶນທີ່ນຳໃຊ້ໃນການພັດທະນາສິ່ງອຳນວຍຄວາມສະດວກສຳລັບຄົນພິການຍັງມີຈຳກັດ
ແລະ ອື່ນໆ.
ຕະຫລອດໄລຍະການດຳເນີນກອງປະຊຸມ 1 ວັນ,
ຜູ້ເຂົ້າຮ່ວມ ໄດ້ຄົ້ນຄວ້າປະກອບຄຳເຫັນໃສ່ຂໍ້ຄົງຄ້າງໃນການຈັດ ຕັ້ງປະຕິບັດວຽກງານໄລຍະຜ່ານມາ
ເພື່ອນຳມາປັບປຸງແກ້ໄຂ ແລະ ພັດທະນາຊີວິດການເປັນຢູ່ຂອງຄົນພິການລາວໃຫ້ນັບມື້ດີຂຶ້ນ,
ທັງເປັນຊ່ອງທາງໃຫ້ລັດຖະບານ, ອົງການຈັດຕ້ັງຂອງຄົນພິການ, ອົງການຈັດຕັ້ງສາກົນ
ແລະ ຄູ່ຮ່ວມງານດ້ານການພັດ ທະນາສາມາຮັບຮູ້ໄດ້ເຖິງຄວາມຕ້ອງການຈຳເປັນໃນການປັບ
ປຸງ, ສົ່ງເສີມ ແລະ ການພັດທະນາຄົນພິການໃຫ້ມີປະສິດທິພາບ ແລະ ປະສິດທິຜົນຫລາຍຂຶ້ນ.
No comments:
Post a Comment