ວັນທີ 17 ຕຸລານີ້ ສະມາຄົມ ນັກປະພັນລາວໄດ້ຖະແຫຼງຂ່າວ
ຕໍ່ສືມວນຊົນ ກ່ຽວກັບການໄດ້ຮັບລາງວັນວັນນະກຳ ສ້າງສັນສຸດຍອດແຫ່ງອາຊຽນ (ຊີໄຣ) ປະ ຈຳ ປີ
2013 ແມ່ນ ທ່ານ ສຸຂີ ນໍຣະສິລປ໌ ຢູ່ຖະຊວງຖະແຫຼງຂ່າວວັດທະນະທຳ ແລະ ທ່ອງ ທ່ຽວ ຊຶ່ງ ທ່ານ
ນາງ ຜີວລາວັນ ຫຼວງວັນນ ປະທານສະມາຄົມນັກກະວີລາວຖະແຫຼງວ່າ: ລາງວັນວັນນະກຳຊີໄຣ ໄດ້ຈັດຂຶ້ນ
ເປັນປະຈຳໃນທຸກໆປີສະເພາະ 10 ປະເທດໃນອາຊຽນ ແລະ ປີນີ້ ແມ່ນການແຂ່ງຂັນຂຽນບົດກະວີຍາວ, ໂດຍນັກ
ກາວີລາວໄດ້ສົ່ງ ບົດກະວີເຂົ້າ ຮ່ວມແຂ່ງຂັນທັງ ໝົດ 56 ບົດ ແລະ ໜຶ່ງໃນ 56 ບົດນັ້ນ ສາມາດຍາດໄດ້ລາງວັນ
ວັນ ກະກຳ ສ້າງສັນສຸດຍອດແຫ່ງອາຊຽນ, ແມ່ນບົດກະວີເລີ່ອງ “ ຄວາມຫຼັງຄັ້ງເຍົາໄວ ” ເປັນຜົນ ງານປະດີດແຕ່ງຂອງທ່ານ
ສຸຂີ ນໍ ຣະສິລປ໌, ນັກກະວີຜູ້ທີມີຊື່ສຽງ ຄົນໜຶ່ງຂອງ ລາວ ແລະ ການໄດ້ ຮັບລາງວັນຊີໄຣໃນຄັ້ງນີ້ແມ່ນ
ເປັນຄັ້ງ 16 ຂອງ ນັກປະພັນ ລາວ, ຊຶ່ງຜ່ານມາ ລາວເຮົາໄດ້ຮັບລາງ ວັນ
ດັ່ງກ່າວມາແລ້ວ 15 ຄັ້ງ,
ຜ່ານການແຂ່ງຂັນໃນແຕ່ລະປີຈະມີຄວາມແຕກຕ່າງກັນ ເຊັ່ນ: ບາງ ປີແຂ່ງຂັນຂຽນບົດກະວີ, ບາງປີ
ຂຽນບົດເລ່ືອງ, ນະວະນິຍາຍ ແລະ ອື່ນໆ, ໂຄງການວັນນະກຳສ້າງສັນສຸດຍອດ ແຫ່ງອາຊຽນ (ຊີໄຣ) ສ້າງຂຶ້ນໂດຍພາລາຊະ ວັງຂອງເຈົ້າຊີວິດໄທ.
ໂອກາດນີ້ ປະທານສະມາຄົມນັກປະພັນລາວຍັງຮຽກຮ້ອງໃຫ້ບັນດາການນຳ,
ອົງການຈັດຕັ້ງພັກ-ລັດ, ຫົວໜ່ວຍທຸລະກິດ ຕ່າງໆ, ອົງການຈັດຕັ້ງສາກົນ, ຈົ່ງເຫັນເຖິງຄວາມສຳຄັນ
ແລະ ໃຫ້ການສະໜັບສະໝູນຊ່ວຍເຫຼືອເຂົ້າເຈົ້າໃນການສ້າງສັນ
ຜົນງານອອກສູ່ສັງຄົມ, ເພື່ອໃຫ້ເຊັ່ນລູກຫຼານໄດ້ຮູ້ໄດ້ເຫັນບົດກະວີ ແລະ ບົດປະພັນຕ່າງໆທີ່ເປັນມູນເຊື້ອຂອງລາວເຮົາ.
No comments:
Post a Comment