ທີເປີດຕະຫຼາດນັດວາງສະແດງແລະຈຳໜ່າຍສິນຄ້າໃນງານປະວໍລະນາອອກພັນສາ
ແລະ ບຸນຊ່ວງເຮືອປາກເຊໄດ້ ໄຂຂຶ້ນຢ່າງເປັນທາງການໃນຕອນບ່າຍຂອງວັນທີ 17 ຕຸລາທີ່ສູນການຄ້າຈຳປາສັກໂດຍການເຂົ້າຮ່ວມຂອງທ່ານເຈົ້າແຂວງໆ ຈຳປາສັກ, ພ້ອມນີ້ຍັງມີທ່ານ ກົງສູນ ໃຫຍ່ ສ.ສຫວຽດນາປະຈຳພາກໃຕ້ລາວ,
ມວນຊົນເຂົ້າ ຮ່ວມເປັນຈຳນວນຫຼາຍ.
ໃນພິທີທ່ານເຈົ້າແຂວງໄດ້ກ່າວສະແດງຄວາມເສົ້າສະຫຼົດໃຈໃນການສູນ ເສຍຄັ້ງໃຫຍ່ຍ້ອນອຸບັດຕິເຫດທາງອາກາດ
ເຊິ່ງເປັນເຫດໃຫ້ເກີດຄວາມສູນເສຍຢ່າງໃຫ່ຍຫຼວງ ແລະ ໃນນາມຄະນະພັກ ແລະ ອຳນາດການປົກຄອງແຂວງຈຳປາສັກພ້ອມດ້ວຍພີ່ນ້ອງຊາວແຂວງຈຳປາສັກທຸກທົ່ວໜ້າຂໍສະແດງຄວາມເສົ້າສະຫູຸດໃຈໄປຍັງຍາດພີ່ນ້ອງເພື່ອນມິດສາກົນທີ່ເກີດ
ການສູນເສຍໃນຄັ້ງນີ້, ທ່ານເຈົ້າ ແຂວງກ່າວວ່າ:ມື້ນີ້ຂ້າພະເຈົ້າຮູ້ສຶກເປັນກຽດຢ່າງຍິ່ງທີ່ໄດ້ຕາງໜ້າໃຫ້ການນຳພັກລັດຂອງ
ແຂວງທີ່ມາເຂົາຮ່ວມໃນງານເປີດຕະຫຼາດນັດຂາຍສິນຄ້າເນືອງໃນງານບຸນອອກພັນສາປະວໍລະນາແລະບຸນຊ່ວງເຮືອໃນປີ
2013ນີ້,ອັນເປັນປັດໃຈໜຶ່ງທີ່ສຳຄັນເພື່ອສ້າງໂອກາດໃຫ້ຜູ້ຜະລິດ, ຜູ້ຈຳໜ່າຍ ແລະ ຜູ້ຊົມໃຊ້ໄດ້ຮູ້ຈັກສິນຄ້າສະເພາະຂອງ
ແຕ່ລະທ້ອງຖິ່ນ, ເພື່ອເປັນໂອກາດໃຫ້ແກ່ການໂຄສະນາສິນຄ້າ ແລະ ກະຕຸກຊຸກຍູ້ການພັດທະນາສີມືແຮງງານຂອງຄົນລາວ,
ພ້ອມເປັນການດຶງດູດ, ນັກທ່ອງທ່ຽວເຂົ້າມາທ່ຽວແຂວງຈຳປາສັກນັບມື້ເພີ່ມຂຶ້ນ.
ທ່ານ ຄຳໝັ້ນ ພັນທະລາ ຮອງຫົວໜ້າພະແນກການຄ້າ
ແລະ ອຸດສະຫະກຳໄດ້ລາຍງານວ່າ: ວາງຈຳໜ່າຍສິນຄ້າໃນຕະ ຫຼາດນັດປີນີ້ຈະມີຂຶ້ນທັງໝົດ 5 ວັນ
ຄືເລີ່ມແຕ່ 17-21 ຕຸລາ 2013, ມີຫົວໜ່ວຍທຸລະກິດ ແລະ ຫ້າງຮ້ານເຂົ້າຮ່ວມ 220 ຫ້ອງ, ໃນນັ້ນຫົວໜ່ວຍທຸລະກິດພາຍໃນແຂວງ
20 ຫ້ອງ, ພາກສ່ວນທຸລະກິດຂອງບໍລິສັດລາວເວິນ 200 ຫ້ອງ, ມູນຄ່າສິນ ຄ້າທີ່ນຳເຂົ້າມາສະແດງ
ແລະ ຈຳໜ່າຍໃນຄັ້ງນີ້ປະມານ 4,5 ຕື້ກີບ.
No comments:
Post a Comment